يا بنات حد يقول لى طريقة عمل الكاليمارى

**الطير المسافر** · 02-12-2007, 01:01 AM

عايزة اعرف طريقة عمل الكاليمارى بس يكون فى الفرن صينية مش قلى لااننا لا نحب المقليات

و شكرا مقدما

**ملك المالكى** · 02-12-2007, 01:12 AM

ياريتنى صورتهولك
انا لسه عاملاه انهارده
اهم حاجة تنضفيه وبعدين قطعيه حلقات
وقطعى بصل وشوحى البصل فى الزيت وبعدين معاه توم تقليب خفيف وبعدين حطى الكلمارى
وبرضه قلبى تقليبيتن وبعدين ضيفى الخضار اللى تحبيه " كوسة مقطعه و بطاطس شرياح فلفل اخضر
وبرضه مجرد تقليبتين
وحطى طماطم مقطعه شرايح والملح و التوابل ملح وكمون وزنجبيل
واقلبيهم فى صينية غطيه بالفويل ودخليها الفرن
مش بيحتاج ميه لانه بينزل ميه وكمان الخضار ممكن تضيفيى صلصة طماطم لو تحبيه مسبك

**الطير المسافر** · 02-12-2007, 12:48 PM

انا متشكرة اوى اوى بس مش بيتحط معاة اى خضرة (كرفس مثلا؟و ممكن احط جزر ؟ انا اول مرة اعملة و خايفة احط حاجة تخلية يزفر وانتى عارفة الاسماك عموما

**noorelhoda** · 02-12-2007, 12:59 PM

حبيبتى انا من تلت ايام ارسلت سؤال للاخوات عن طريقه عمله بالظبط وصدقينى افادونى جدا جدا وعملت بنصيحتهم وطلع جميل يمممممممممممممممممممممممممممى ابحثى فى الاطباق الرئيسيه تالت او رابع صفحه ستجدى سؤال عن الكاليمارى والسبيط وادخلى وشاهدى اراء الاخوات انا استفدت كتير وسويته مثل ما نصحونى

**الطير المسافر** · 02-12-2007, 03:45 PM

شكرا ي نور الهدى لكنى بحثت مثل ما قلتيلى و مالقتش

**noorelhoda** · 02-12-2007, 06:47 PM

حبيبتى الموضوع موجود فى صفحات الاطباق الرئيسيه تحت عنوان سؤال عن الكاليمارى او السبيط ممكن يكون فى رابع او خامس او سادس صفحه ابحثى جيدا

**hananlibya** · 02-12-2007, 10:56 PM

اختي انا اعمل الكلاماري محشي لو بدك طريقته ردي عليا و حافيدك ان شاء الله؟

**omroro-4** · 02-12-2007, 11:25 PM

شوفي هذا الرابط فيه وصفات مختلفه بالصور ان شاء الله يعجبك

اطباق للكاليماري او السبيط

**ام لي لي** · 03-12-2007, 12:10 AM

بصي حبيبتي
انا حقولك الطريقة اللي بعملها من اسكندرية
انتي تنظفي الكاليماري كويس وعلسان الزفارة حطيه عليه دقيق وليمون وافركية جيدا ثم اشطفيه
تجيبي رز مصري وتسويه نصف تسويه
ثم تجيبي بصل علي حسب الكمية اللي عندك وتقطعيه صغير وتشويحه في شوية زيت
وتحطي عليه 3 او 4 فصوص توم مدقوق مع قرن فلفل
تجيبي طماطم مقطعة صغير بس تكون كتير شوية وتحطيها عليهم ومعاهم قرن فلفل حراق لو تحبي
وطبعا الاساسي هي الخضرة يعني بقدونس وكسبرة وكرفس مقطع صغير برده
كل ده علي النار وبعدين حطي كمون وملح وفلفل اسود وشطة وضعي عليه الرز النصف تسويه وقلبيه قليلا ثم طفي وابدأي بحشو الكاليماري بس مش علي اخرها علشان الرز
وضعيهم في صينية واضربي كام طماطماية في الخلاط وبهريهم بملح وفلفل وحطيهم عليهم ودخليهم الفرن
وادعيلي انا وبنتي
والله حيعجبك ومش حتلاقي لا زفارة ولا حاجة وبالهنا
وقوليلي رأيك