عندى عزومة

يا بنات محتاجة مساعدتكم انا عندى عزومة لفردين وانا وجوزى يبقى اربع افراد ومش عارفة اعمل اكل ايه انا فكرت فى اكتر من صنف هقولكم عليهم وقولولى ايه اللى ممكن اعمله وايه اللى مش ينفع اعمله واذا كانت الاطباق هتكون متماشية مع بعضها ولا لا أرجوكم فيدونى ضرورىىىىىىىىىى
1- كفتة مشوية فى الفرن
2- محشى باذنجان
3- مكرونة بالبشاميل
4- صنية جلاش بالخضار والجبنة
5- فراخ بانية
وياريت تقولولى ايه المقبلات اللى ممكن اعملها بس تكون حاجات سريعة وسهلة ارجو الرد محتارة كتيرررررر

انا عجبتنى الاطباق اللى انتى مختاراها كلها ماشيه مع بعضها وممكن اضيف كمان شوية معجنات بالسبانخ والجبنه والحمه المفرومه وانتى وراحتك
السلطه الخضرا ده اساسى ممكن تعملى طبق صغير سلطة طحينه عشان الكفته وعندك ملف لبنان وحبايبه فى ركن المقبلات للسلطات كلها اختارى اللى تحبيه
مش عايزه تعملى حلو ؟؟

كفايه قوى الاصناف دى على اربع افراد
بعدين هتتدبسى فى البواقى انتى وجوزك لباقى الاسبوع
بس طبعا ناقص تضيفى الحلو و السلطات
اسهل واسرع حلو هو المهلبية واقترح عليكى تعمليها بطحين الارز مش بنشا الذرة هتعجبك جدا وضيفى المكسرات وعسل النحل على وشها طبعا

فعلا الاطباق حلوة بس مالهاش لزمة محشى و مكرونة اعملى صنف واحد منهم عشان انا بستحرم الاكل اللى بيزيد بيترمى حرام
و اسهل مقبلات السمبوسة و عندى حشوة حلوة فى الرابط ده حشوة سمبوسة بسيطة
و حلوة فكرة المهلبية بتاعة ملك و هتلاقي طريقة سهلة هنا أسهل و أسرع طريقة للبشاميل,المهلبية,الرزباللبن و فيها كمان فكرة مهلبية بالشكولاته
بس رايى خلى المكسرات و العسل على حنب و اللى عايز يحط عشان فى ناس مش بتحبهم
ممكن برضو الحلو يبقى كريم كراميل او طالما هتعملى جلاش حادق اعملى كمان صينية جلاش حلو

لا تنسين تحطين لنا صور <<<<<<<<<< اذا استطعتي

شكرا جدا جدا يا بنات على المساعدة الحلوة ديه و على فكرة يا ملك انا عملت عاوزة اعمل اكل يقعد معاايا يومين لانى بشتغل وبفضل احضر فى الاكل كل يوم ديه فرصة عشان اعمل اكل يكفينا يومين ولا حاجة وياريت تقولولى اقتراحاتكم بالنسبة للمقبلات والسلطات لانى عاوزة اعمل حاجات بتشهى وشكرا على افكار الحلو ولو عندكم اى اقتراح بزيادة صنف او اى حاجة قولولى لانى اول مرة اعمل عزومة

بصى يا ميرو فى اكياس بتتباع فى السوبر ماركت ماركة كنور knor (خلطة الكبسة)دى سهلة جدااااااااا يادوب تحطيها فى الميه و عليها معلقتين زيت و لما تغلى تحطى الرز و تقدميها على لوز محمر و ممكن كاجو محمر كمان
و اللهى انا عملتها كذا مرة فى عزومات و طلعت جناااااااااااااان ممكن تجربيها لأنك بتشتغلى و ماعندكيش وقت و اى استفسار انا جاهزة

أعتقد أنه منيح بس ما تكتري علشان ما تزيد عندك وضلكم توكلو لأسبوع وزي ما قالت الأخت لو تعملي شوية معجنات بكون أفضل

شكرا يا بنات بس ممكن حد يقولى تتبيلة حلوة للفراخ البانيه ونفسى تتطلع مقرمشة ولذيذة ولو ممكن يا azmiralda تقوليلى على طريقة حلو للحمام المحشى وكمان الكبسة بالطريقة ديه احط عليها لحمة ولا فراخ معلش اختكم خايبة جدا بس نفسى تطلع العزومة ديه حلوة او مرة بقى اعمل ايه والله الواحد مكسوف منكم

بصى انا بعمل الغدا و هرد عليكى بعد شوية ان شاء الله ماشى؟