الكنتاكي على الطريقه الامريكيه

**ام صبا وعمر4** · 06-11-2007, 02:39 PM

اخواتي العزيزات هذه اول مشاركه لي وسامحوني لسه ما تعلمت طريقه تحميل الصور
وبما انها الوصفه مش بحاجه للصور راح انزلها لكم
طبعا عندكم وصفات كثيره للكنتاكي يمكن طريقتي مختلفه وجربوها اكيد ماراح تندموا
اول شي بنحضر دجاجه وحده مقطعه ثمان قطع ومغسوله منيح بالملح والطحين وشويه خل
وبتحضري في وعء دائري عصير ليمونتين كبار وملعقتين كبار طحينيه(هرده) وملعقتين كبار
بيكنج باودر وبيضتين والبهارات التاليه( فلفل اسود فلفل احمر زنجبيل ناعم ) من كل نوع ربع ملعقه صغيرة وطبعا لاتنسي الملح رشه مش كبيره
تخلطي كل المقادير السابقه مع بعض وبتكوني صفيتي الدجاج بعد غسله وبعود الاسنان تنخزي كل قطعه شوي وتنزليها على التتبيله
واتركيها على الاقل ساعه ونص انا بالنسبه لي كل ما تركتها فتره اطول بيكون الطعم الذ ااانا بتركها على الاقل 3ساعات
وقت القلي بتحمي الزيت الغزير على النار وبترشي على الطحين شويه فلفل اسود وملح وبتبلي القطع
وبتسقطيها في الزيت لثواني والنار حاميه وبعدين بتخليها على نار هادئه وبتقلبيها لغايه ماتتحمر وتستوي
انا بقدم معها سلطه الملفوف بالمايونيز واصابع البطاطا المقرمشه
البطاطا بقطعها اصابع وبسلقها خمس دقائق بميه مغليه عليها شويه ملح
وبصفيها وبغسلها بميه بارده وبحمي الزيت وبقليها بتكون مقرمشه ولذيذه
اتمنى تعجبكم مشاركتي الاولى وهذه الطريقه الكل بيطلبها بعد ما يذوقها مو غلط لو جربتوها وحكيتولي
شو رأيكم؟

**ام ليانة** · 06-11-2007, 03:08 PM

تسلم ايديك ام مشعل على الوصفة الطيبة

اكيد من تحت ايديك غير

احنا بصراحة بدنا صور

وتنزيلها مو صعب يا غالية

وان شاء الله اجيب الك الروابط الي تعلمك كيقية التنزيل او حنان الله يجزيها الخير ما تقصر معك

**ام صبا وعمر4** · 06-11-2007, 03:12 PM

شكرا ام ليانه وهذا بعض ما عندكم
وانشاء الله بس اتعلم تحميل الصور على الموقع ما راح اقصر معكم وتسلمولي الجميع يارب

**ymk200380** · 06-11-2007, 03:27 PM

يجنن تسلم الأيادى
لكن عايزين الصور

**ام أيهم** · 06-11-2007, 04:45 PM

يسلموااا يا ام عمر
شو هاااد يا عمي اهل الاردن عاااد
واكلاتهم الزاكية.......................
ههههههههههههههههههههههههههههه
يلا اتحفينا بالمزييييييييييييييييييييييييييييييييد
انا بالانتظار