السلام عليكم ورحمة الله وبركاته

اليوم عملت بامية يابسة وكل وحدة لها طريقة بتختلف عن التانية وانا راح قلكون طريقتي

المقادير راس ونصف توم
لحمة شقف وناعمة ربع كيلوا بربع كيلوا او اكتر حسب الطبخة
انا حطيت اكتر
وبامية يابسة راح قلكون كيف بعملها
وبندورة علب كرتون اوك او فيها قطع
وبهار وفلفل وملح
الان اول خطوة
نضع وعاء ماء في طنجرة على الغاز لتغلي منيح بتحطي بامية يابسة
وبتحطي معها شوي ملح اليمون مشان تتفتح وتتطلع كانها خضرا
وبس بتغلي كم غلوة وبتشيلها بتصفيها وبتغسيليها منيح
بعد ذلك نضعها على جنب نكون سالقين اللحمة الشقف ومبهرينها
والان نقشر الثوم ونقسمهون قطع قطع وسط
ونضع اول شي طنجرة على الغاز وفيها سمنة ونضع الثوم عليها لحتى يحمر بتحطي الحمة الناعمة
وبتكون اللحمة الخشنة الشقف مستوية كمان بتحطيها معهون
وبتحطي بعدها ملحل وفلفل وبهار وبعدها البامية تتضيعينها بتلفحيها شوي مع الحمة والتوم
وبتحطي البندورة فوقها
والان لما تستوي منيح بتشيلي غطا الطنجرة وبتخليها تتعقد البندورة شوي اطيب
شي عشر دقائق
وهي عم تتعقد بتحطي ملقعة صغيرة دبس الرمان وملقعة صغيرة سكر مسطحة بيتعطيها نكهة كتير طيبة
صدقوني جربوها ما بتندموا كتير راح تعجبكون وجنبها رز وصحة وهنا يارب

الان الصور
هاي البامية وهي يابسة

هون البايمة بالماء وحمض اليمون

هون غسلتها وصفيتها منيح

الان نقلي الثوم والحمة

هون الحمة والثوم طلعت ريحته رائعة خخخخخ

هون نضع البامية مع الحمة ونقلبهون شوي وبعدها البندورة لتستوي والطريقة الباقية تعرفونها
والله كتير بتتطلع طيبة وفعلا لها نكه رائعة

هون بتسكبيها بصحن وعليها فلفل وصحة وهنا يارب

بتمنى تنال اعجابكون

انا اول وحده ارد جنوووو
ذكرتيني عندي طبخه باميه حطبخهاااا
يسلموو
بس طريقتك غير عناا
بس باين عليها طيبه
يسلمو هالايدين

مشان هيك حطيتها يا حلوة ههههههههههههه
يالله طبيخها وصحة وهنا هلا فيكي سواد العيون نورتي

ما شاء لله جنة بتشهي

بس ليه لحمة مفرومة ولحمة شقف ايش الفكرة ؟

بس بجد تشهي بتعرفي انا مابحب الا البامية الطازة ولما اضطر بعملها مجمدة اما الناشفة مريما سويتها بس بتذكر

ماما كانت تعملها زمان في غير موسمها وكانت طيبة

مشكووووووووووورة جنة على الطبق الشهي واللذيذ

الفكرة انو زوجي بحب اللحمة كتير يعني لما ما تتطلع باللقمة لحمة شقف تتطلع ناعمة بيجن اذا مالقى فيها لحمة كتير وبيقلي طيبتها بلحمتها هيك هههههههههههههههههههههههههههههههههههههههههههههههههه هههههههههههههههههههههههههههه
والله فرطتت لما اسمعت سؤالك هههههههههههههههههههههه
تسلميلي يا غالية
ام ليانة والله مرورك بيفرحني كتير
بجد جربيها يابسة واعملي متل الطريقة الي كتبتها وشوفي كانها خضرا بتتطلع وهلا فيكي يا عسل

الله يسعدك يا جنة وتكون ايامك كلها افراح حبيبتي

بتعرفي انا اولادي ما بحبوا اللحمة الا كفتة .... علشان هيك كتير بستبدل اللحمة الشقف بكرات اللحم المفروم حتى مع البامية صحيح انه اختراع جديد بس انت اختراعك الذ للي بيحبي اللحمة لانهم في جميع الاحوال حياكلوا لحمة شقف او ناعمة ههههههههههههههههه

مشكوووووووووووووورة جنة على ظرفك ولطفك ودمت بالف خير يا عسل

يسلم الايادي يا جبة طريقتك قريبة كتير على طريقتي بس انا بقلي البامية بعد ما صفيها من المي بزيت غزير وبعدين بلفحها مع التوم وباقي الطريقة متل طريقتي تماما


يسلو يا امورة على اطباقك السورية الاصيلة

شكلها بتشهي تسلم ايدك

تسلم ايديكِ حبيبتي على الطبق الشهي يعطيكِ العافيه

سالم الايادي..طريقه جميله..