السلام عليكم
اليكم طريقة الكوسا المحشي
على طريقتي أنا ان شاء الله تعجبكم
المقادير
2 كيلو كوسا
كاسة ونص رز
ربع كيلو او أكتر شوي لحمة مفرومة
ضمة بقدونس
بهارات (قرفة وفلفل اسود وملح وكركم)
البندورة للعصير أيضا
بالبداية حفرت الكوسا
اللحمة حطيتها بقدر على النار حتى استوت مع زيت فقط
فرمت البقدونس
ونقعت الرز ثلث ساعة بالماء
وحشيت الكوسايات و لا تنسي أن تجعلي فراغا بآخر الكوساية مقدار نصف الأصبع الصغير
علشان ما يتفسخ
نغمر الكوسا بالماء ونضيف الملحة
بعد غليان الكوسا نجعله على النار مدة ربع ساعة تماما ثم نضع البندورة المعصورة بالخلاط
انا وضعت 5 حبات بندورة مع ملعقة صلصة كبيرة (رب البندورة)
نتركها تغلي مدة 10 دقائق
لمن تحب التوم على البندورة يمكن فوم التوم ووضعها على النار بالزيت حتى تتحمر ونضعها على وجه الطبخة
انتهت الطبخة بعون الله
بس راح علي اليوم كرمال الطبخة وتصويرها دردشة النواعم لسيدات المطابخ
ما حكيت غير كلمتين ونص معهم
على فكرة ا لحشوة زادت معي ففلفلت الرز ووضعته بالصحن للأولاد
الصحن بالآخر فتحت الكوساية علشان تشوفو الحشوة من الدااااااااااخل
وصحة وعافية
الروابط المفضلة