السلام
عليكم ورحمة الله
مين في الاخوات المصريات تقدر تقلنا
على طريقة عمل صينية البطاطا
وجزاكن الله الف خيرا
للبحث في شبكة لكِ النسائية:
|
السلام
عليكم ورحمة الله
مين في الاخوات المصريات تقدر تقلنا
على طريقة عمل صينية البطاطا
وجزاكن الله الف خيرا
لو قصدك صينية البطاطس بالصلصة
فهى كالتالى
اولا نجيب بصلة ونقطعها شرائح جوليان وحطى عليها الملح و التوابل اللى تحبيها "كمون فلفل اسمر زنجبيل......
وملعقة سمنة وقلبيها فى الصينية
وبعدين قرى البطاطس " البطاطا" حوالى 2 كبار او 3 ثمار وسط وقطعيها شرائح ايضا بس تكون سميكة نوعا ما مش رفيعة مثل الشييبس
وبعدين اغسليها وحطيها على البصل وقلبيها
وهاتى فلفل اخضر اغسليه وقطعيه شرائح ايضا فوق البطاطس و وحوالى 2 طماطم واعصريهم وحطى العصير على على الصينية ايضا وملعقتين صلصة طماطم و حوالى كوب شوربة وقلبيهم معا وحطيهم على النار 5 دقائق فقط
وبعدين فى صينية فرن اخرى حطى اللحم او الدجاج مستوى طبعا وبعدين اقلبى فوقه محتويات صينية البطاطس وزودى شوربة اذا كانت جفت تماما لكن لاتخليها مليئة بالسائل يعنى الشوربة مستواها اقل من مستوى البطاطس وبعدين دخليهم فى الفرن حتى يكتمل نضج البطاطس ويحمر وجهها
1- البطاطا عند المصريين ليس معناها البطاطس ، ولكنها نوع آخر من الضرنيات طعمه حلو ولونهمن الداخل يميل للإحمرار ويوجد نوع آخر أبيض ، ولكن المستخدم الشائع هو الأحمر.
2- طريقة عمل صينية البطاطا ( طبق حلو)
- تغسل البطاطا جيدا بنقعها لفترة ثم فركها لإنزال ما عليها من طين
- تقطع قطع كبيرة وتسلق فى ماء مغلى
- ولمعرفة أنها استوت ولا لسة نقوم بغرس سكين بها أثناء سلقها فإذا دخل بسهولة يكون تم استوائها ونخرجها من الماء ونقشرها
- ثم نهرسها بشوكة أو بماكينة براون
- ونضيف لها سمن وسكر ورشة قرفة والبعض يضيف لها القليل من الكريمة اللبانى ولكنى لا أفضلها.
- نخلط المكونات جيدا ونضعها فى صينية للفرن وندخلها الفرن 180 درجة حتى يحمر وجهها
- وتقد ساخنة أو باردة
- وبالهنا والشفا
ymk
الاخوات الخليجيات بيقولو على البطاطس بطاطا اما البطاطا بتاعتنا فهى موجودة هنا فى الخليج بس مش بالاسم ده واعتقد ان المغتربين بس زيينا اللى بيستعملوها بس الخليجين مبيستعملوهااش
اعتقد ان الاخت قصدها صينية البطاطس والطريقه اللي ذكرتها الاخت ملك المالكي صحيحة وفي طريقه تانيه
تقشري البطاطس وتقطعيها حلقات سميكه شويه وتقطعي البصل والفلفل الاخضر حلقات وتضيفي الثوم وتحطي معاهم الدجاجه المقطعه ومغسوله ومتبله كويس تحطي كل ده في طاجن وتدخليه الفرن علي درجه حراره متوسطه وتغطيهم بالفويل لحد ما الطاجن يستوي شيلي الفويل عشان الفراخ تحمر وتقدميه مع طاجن رز معمر وبالهنا والشفا
علي فكره دي طريقة حماتي في طاجن البطاطس وبتطلع تحفة ان شاء الله تعجبك
الروابط المفضلة