يا بنات اكيد كل واحدة ليها طريقتها الخاصة وليها اسرارها الخاصة فى المطبخ اللى احنا فى مصر بنقوله عليه " النفس"
تعالو نتشارك الاسرار دى يعنى كل واحدة تكتب اسرارها الخاصة عشان الكل يستفيد
انا هبدا بس عاوزة الكل يكتب معاياِ

هى فكرة حلوة اوى بس انا مش فاهمة بالظبط انتى تقصدى ايه فأبدأى انتى و اكتبى اول سر و انا وراكى على طول ان شاء الله
ماشى؟

هههههههه ازميرالد انا كتبت الموضوع و بعدين انشغلت ومكتبتش حاجة
انا هكتبلكم الاسرار اللى عندى
اولا: انا المطبخ عندى استحالة تيجى فيه صراصير و السبب
















ورق اللورى بجد انا بوزع ورق اللورى او "اللى بيسمى ورق الغار" فى كل اركان المطبخ و كنت قريت فى موسوعة الاعشاب الطبية ان بيطرد الصراصير وفعلا جربته من سنة او اكتر وعلى ضمانتى استحالة هتلاقى صرصار فى مطبخك وممكن توزعيه فى باقى الشقة كمان
اما السر الثانى فهو صلصة البشاميل: اولا نجيب اربع ملاعق دقيق ومعاهم ملعقة نشا "دقيق ذرة" وملح وفلفل اسمر وزنجبيل وجوز الطيب مطحون وعليهم اللبن وبعض الشوربة ويقلب على البارد وبعدين يتحط على النار حتى تتماسك ودى اسهل طريقة بشاميل ودائما حافظى على ان تكون البشاميل اخف مما ترغبين لانها بتتقل بعد رفعها من على النار

انا بقى بتبل صدور الفراخ المخلية و البوفتيك بملح و فلفل و ليمون وخل و مايونيز و شوية مستردة و بسيبها ساعتين كده و احطها فى البيض و بعدين البقسماط و بتطلع جنان لأن طعم المستردة بالذات بتخليها جنان مع انى ما بحبش المستردة لوحدها

شوية كده و اقولك سر كمان

فى الرابط ده هتلاقى السر بتاعى للبشاميل
http://www.lakii.com/vb/showthread.php?t=359065

السلام عليكم حلوه قوى فكره ورق الغار ديه علشان انا مضيقه قوى الايام ديه لانى ساعات الاقى صرصار فى المطبخ حجربها و اقولك و جزاك الله عنا كل الخير اما عن السر بتاعى هو انى بحط بصله و جزره مبشورين مع الرز فى طبق الكشرى الاصفر بيطلع طعمه حلو قوى جربوها حتفرق كتير وشكرا لكم جميعا

شكر ا على الأسرار
أنا كمان سرى فى تنظيم الوقت علشان معملش الأكل فى ساعة وبعدين اكلة فى خمس دقائق
أحب الأكل السريع

على فكره اخواتي فكره ورق الغار تمام اما بالنسبه لي ورق الغار متوفر في بيتي باستمرار
لطبيخ اللحمه والدجاج والصواني طعمه وريحته بتشهي وخصوصا لما يكون طازج
من الشجره للطنجره وهو علاج مفيد للكحه والربو للي بيشكي منه
راح انزل اسرار بناء على طلب الاخت بس هلا مستعجله بدي اطلع
سلامي لجميع المشاركات

ازميرالد شكرا على سر الفراخ وفعلا انا حسيتها من الوصفة شبه اكلات المطاعم بره هجربها اكيد
ام عهوده جربى فعلا ورق اللورى بس طبعا بعد تنظيف المطبخ الاول لانه بيمنع الصراصير القادمة لكن اللى موجودة اصلا انصحك تستعملي بف باف فعلا قوى جدا جدا
ymk شكرا لمروك
ام عمر فى انتظار اسرارك

وده سر خطير جدا للكبدة
اكيد كلنا بنعمل الكبدة بس جربو انكم تنقعو الكبدة فى شوية لبن لمدة ساعة قبل طبخها هتلاقو فرق كبييييييير جدا لان اللبن بيقضى على زفارة الكبدة وخصوصا كبد الدجاج