المصريين اهما حيوية واكل وهمة انا بموت فى الاكل بتاعنا من اسكندرية لحد اسوان و خصوصا الحلويات وده اللى مضيعنى فكرة الموضوع هايلة واستفدت منها كتير رغم انى طباخة شاطرة وحبيت اقول تعليقات سريعة لكل المنتدىبالنسبة للى عايزة اليخنى:دى اكلة صعيدية اساسا وبم ان جدتى صعدية وكانت بتعملهالينا زمان هقولك عليها البصل ليه تاثير منوم و جدتى كانت بتعملها واحنا اطفال عشان تنيمنا وتخاص مننا
هههههه هى عبارة عن لحمة مقطقة صغيرمسلوقةوتسبيكيها فى صلصة طماطم بس مش اى صلصة السر فى البصل الكتييييييييييييييييير اللى بتحطيه فى الصلصة4 بصلات متوسطين على كبلو اللحمةبس البصل يكون مقطع بالسكين كبير نسبيامخرط بس كبيرفى كمية سمنة كافية لحدمايصفروتضيفى الصلصة او عصير الطماطموفصين ثوم صحيحوملح وفلفل و تسقطى قطع اللحم على نار هادية تتسبك وتضيفى الشطة وبالهنا والشفا

بالنسبة للرقاق باللحمة المفرومة طبعا وصفتكو هايلةبس حبييت اقولوكو طريقتى عشان الرقاقميكونش تقييل انا بستعمل مرقة الدجاج ومعلقتين زبدة فى المرقةمكعب واحد لكل 2 كوب ماء وبتتطلع هايلة وفيه دلوقتى مكعب مرقة الخروف احلى و احلى عشان بيبقى فيه فتة و لحم ضانى مشوى وتقدروا تخرجوا فى العيد ومتناموش ههههههههه

السخينة بتعملوها بطريقة اول مرة اسمع انها انا بعملها مسكرة بالعسل الاسود بتقطعى العيش زى الفتة بالظبط وتسخنى سمن وتقلبى بيه العيش وشوية سمن صغيرين تسخنى فيهم عسل اسود يكفى لتغطية العيش و بالهنا على فكرة هى اكلة شتوية بتدفى جدا وتدى طاقة.دى طريقة جدتى الصعديةوبصراحة اول مرة اسمع عن طريقة السخينة باللحم.فيه كمان فتة الملوخية:بتستعملى الملوخية بدل المرقةومن غيرصلصة طبعا.وفيه كمان سد الحنك مش عارفة مقاديره بالضبطبس هوبيعتمد على تقليب الدقيق فى سمن لغاية مايبقى بيج زى البشاميل وتضيفى سكر و ماءلحد ما يتماسك زى المهلبية بس اتخن شوية و برده شتوى و بيدفىالافضل يتاكل دافى

بس انا زعلانة منكو.هو ينفع الركن المصرى من غير وصفة كشرى واحدة توحد ربنا.انا بموت فى اكلتين الفول و الكشرى وبعتبر ده دليل مصريتى واللى ما يحبش الفول والكشرى ما يبقاش مصرىشوفته اد ايه.انا بحبه من المحلات ومن البيت ولو جالى من الجيران ومن اى عابر سبيل لو خبط عليا و ادانى كشرى مش هقول لا.انا مستنية وصفة احلى كشرى و فى الاخر هنزل وصفتى.اه و كمان فتة العدس الاصفر بموت فيها .حد يعرف يعملها؟والعدس بجبة البنى بسلقه ببصل وملح وفلفل وكمون وباكله كده
على فكرة فيه فى ميدان التحرير محل كشرى جامد اوى اسمه كشرى هيلتون بس مش تبع فندق هيلتون طبعا بس تحفة لازم كل ما بقى فى التحرير اكل منه ااااااااااااهوالرز بلبن بتاعه جميل برده جربوا ترشوه ليمون خفيف عالكشرى

كشري محلات في المنزل
اولا السلام عليكم ورحمة الله وبركاته\ احب اقدم لكم كشري زي اللي في المحل بالظبط \ الحمدلله وصلت له بعد طول بحث ونتائج\عملت لجنة تقصي حقائق \ لما كنت بروح محل كشري كنت باراقب العمال\ وانظر في الطبق لاتعرف علي المكونات\ والله بجد \المهم وصلتله \والحمدلله مع النفس في الاكل بشهادة الشهود\انه زي المحلات واحلي\ يارب يعجبكم بعد كل هذه المقدمة وتجربوه وتقولولي\ المقادير\كيس مكرونة صغيرة وكيس اسباكيتي كسري العيدان علي 4اجزاءاو 3 يعني بتكون قصيرة\لو الكمية هتكون كبيرة اقسميها وخليها مرة تانية\2كوب عدس بجبة \ 2كوب عدس اصفر\2 كوب ارز مصري\نصف كوب شعرية\كوب حمص شامي\ 4بصلات مقطعة حلقات\ثوم مفروم كتيير \شطة حراقة بودرة\2 ليمون كبار\تمن كوب خل\كمون و فلفل اسود وملح\4ملاعق صلصة طماطم\ كيلو طماطم مقشرة واعصريها او اعصريها بقشرها وصفيها\كوب زيت دوار شمس\معلش المقادير كتييييييييييير لكن لو دخلتي محل كشري هتلاقي كل المكونات دي في الطبق\نييجي للطريقة\اولا وقبل كل شيء حطي ماء سلق المكرونة مع اضافة ملح وزيت\ثانيا حمري حلقات البصل في كوب الزيت علي جزئيين يعني اقسمي البصل وحمري كل قسم لوحده وضيفي قليل من الملح علشان القرمشة\طلعيه في مصفاه كبيرة وافردية فيها وحطيه في الهواءبعيد عن البوتاجاز\ثالثا اقسمي الزيت المتبقي من البصل ال3اقسام\هاتي نصف الثوم و شوحيه في ثلث الزي\يا دوب يدبل وضيفي اليه الطماطم مع الصلصةوحطي ملح وفلفل وكمون واتركيها تستوي لما تستوي زوديها ماء وتغلي وتكون جاهزة\العدس حطيه يتسلق لوحدة ابو جبة لوحده \والاصفر لوحده\ والحمص لوحدهلكن يكون الحمص منقوع في ماء ليلة كاملة او لو يوجد حلةبلاش نقع\قرب الاستواء للعدسين والحمص ضيفي ملح وقسمي عليهم ثلث زيت بالتساوي\اما الارز حمري الشعرية في الجزء الياقي من الزيت واغسليالارز وضيفيه وسويه عادي واذا حبيتي بدل ما تسقيه ماء اسقيه بماءسلق العدس\لكن كده بيكون تقيل وبرضه في المحلات بتلاقي الارز بالشعرية مسقي بماء\لما يستوي الارز يفضل غرفه فطبق منفصل لكي يبرد علشان الكشري يبقي مفلفل \نيجي للدقة هاتي تمن كوب الخل واعصري عليه الليمون وضيفي الثوم الباقي وملح وفلفل وكمون و زيدي الكوب الي اخره ماء ولا يعرض للنار كده خلصت الدقة وتضاف عند الاكل حسب الرغبة\اما الشطة هاتي ملقتين من الشطة البودرة وضعي عليها حوالي كوب من الصلصة وقلبيها كدة خلصت الشطةزودي الشطة او قلليها حسب الرغبة\المكرونة بعدماتصفي الماء خالص سخني ملعقتين زيت وحطيها علي المكرونة وقلبيها\ملحوظة الحمص ممكن تزيدي الكمية وتعمليه حمص شام للشرب عادي وتاخذي من الحب فقط للكشري وقدمي مشروب الحمص معه\عند التقديماغرفي كل صنف علي حده وحطي اطباق فارغة علي السفرة او اغرفي لكل واحد طبق \خلي المكرونة هي اساس الطبق اغرفي المكرونة اولا\ثم الارز ويكون اقل من المكرونه علشان يكون الكشري خفيف \وبعدين العدسين بعد ما تصفيهم طبعا علي فكرة العدس الاصفر يا دوب غلوة\وبعدين التقلية اللي هي البصل المحمر\ وبعدين كام حبة حمص مش كتيير\وقدمي الصلصة لوحدها بجانب الكشري وكذلك الدقة والشطة\علي فكرة انا بشغل كل عيون البوتاجاز مع بعغض علشان لا ياخذ وقت \ انا تعبت من الكتابة لو كنت عملته لكم كان اسهل\ يارب يعجبكم منتظرة الردود

كتبت بواسطة nancy kareem

الحمد للة كنت بدور على الملف و مش لاقياة
بنات عارفين مهلبية قمر الدين اللى بنعملها فى رمضان
عندى لفة قمر الدين و عايزة اعملها اعملها ازاى

السلام عليكم ورحمة الله وبركاته
هاتي مثلا نصف لفة قمر الدين وقطعيها وسويها في ماء
لحد ما تذوب خالص بعدين ضيفي السكر
و2 ملعقة صغيرة نشا دوبيه في ربع كوب ماء وضيفيه
وقلبي الي ان تكون متماسكة قليلا لانها عندما تبرد ستتماسك
عندما تبرد قليلا اغرفيها في السلاطين وجمليها بجوز الهند والمكسرات والزبيب
يعني طريقة عملها زي المهلبيه العادية بدل اللبن قمر الدين
وممكن تعمليها بالمشمش المسلوق\ وبالهنا والشفا
اتمني اكون افدتك

السلام عليكم ورحمة الله وبركاته
بسم الله الرحمن الرحيم
فتة العدس الاصفر
المقادير
شوربة عدس
خبز مقطع ومحمر في السمن ومضاف اليه 2 فص ثوم
صلصه طماطم مسبكة بالتوم وبالبصل او يكتفي بالتوم حسب الرغبة
اسقي الخبز بالشوربة وجمليه بالصلصة والبصل المحمر

شوربه العدس والفته والغموس
السلام عليكم ورحمة الله وبركاته
بما ان الدنيا برد طبعا علي طول بفكر في شوربة العدس
اولا الشوربة
ربع كيلو عدس اصفر
ثمرة واحدة مقطعة من كلا من
بطاطس\ جزر\ طماطم\ فلفل رومي\ شطة خضراء\ لو حبيتي ثمرة كوسة\بصل \
4 فصوص توم\ كام عود شبت وبقدونس وكسبرة
الطريقة
اغسلي العدس واتركية في الماء ربع ساعة ليتخلص من مواد التخزين
اغسليه مرة اخري وضيفي اليه حوالي 4 كوب ماء او شوربة وكل الخضروات السابقة
اسلقيه ويبرد ويخلط جيدا في الخلاط
هاتي بصله وقطعيها وحمريها في 2 ملعقة زبد و2 ملعقة زيت
انشلي البصل وحطي العدس مكانه وضيفي الملح والكمون والشطه والفلفل
اغرفيه وجمليه بالبصل المحمر
ثانيا فتة العدس
المقادير
شوربة عدس
خبز محمربالزبدوالزيت والتوم
صلصه طماطم مسبكة بالبصل والثوم او الثوم فقط
الطريقة
اسقي الخبز بشوربة العدس واغرفيه في الطبق
وجمليه بالصلصة والبصل المحمر
ثالثا غموس العدس
المقادير
شوربة عدس
وشعرية
الطريقة
حمري الشعرية
وضيفي اليها شوربة العدس \لازم تكون شوربة العدس خفيفةعلشان الشعرية تستوي جيدا
عندما تستوي الشعرية بيكون قوام العدس سميك
اغرفية في الاطباق وجمليه بالبصل المحمر
وبالهنا والشفا

مش كدة احسن
قلت انزلهم في ركن الاطباق
وبعدين انزلهم في الملف ونقلت لكم الكشري اللي كنت منزلاه قبل كده
يارب يعجبكم

اللة بيبارك فيكي يا كيلوبترا