مرحبا بكِ في منتديات لكِ! هل هذه هي زيارتك الأولى لمنتديات لكِ؟ اضغط هنا للتسجيل

للبحث في شبكة لكِ النسائية:
الصفحة 1 من 55 123451151 ... الأخيرالأخير
عرض النتائج 1 الى 10 من 549

ملف اكل مصرى صميم: حتى المصريين ميعرفوهوش

(الأطباق الرئيسة - منتدى لكِ)
على فكرة احنا جيل خايب جدا ميعرفش اكل بلده صح عاوزين الدليل انا هاكتب اسماء الاكلات و الشاطرة صح تدخل وتقوللى وصفتها ههههه استفزتكم صح... ...
  1. #1
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة

    ملف اكل مصرى صميم: حتى المصريين ميعرفوهوش

    على فكرة احنا جيل خايب جدا ميعرفش اكل بلده صح
    عاوزين الدليل انا هاكتب اسماء الاكلات و الشاطرة صح تدخل وتقوللى وصفتها
    ههههه استفزتكم صح... اصللى عاوز اعمل ملف للاكل المصرى المهجور اللى بيتعمل فى القرى و الصعيد ومبقناش نعرفه احنا اهل القاهرة ونسيناه
    انا هكتب اسماء الاكلات وكل اللى يعرف حاجة يكتبها
    الاكلة الاولى: المخروطة
    اكلة تنتشر فى الوجه البحرى و القبلى ولكن باختلاف الاضافات
    عبارة عن دقيق وماء وملح بسيط بدون مقادير حتى تتكون معك عجينة شبه عججينة السمبوسك وتفرد بالنشابة ثم تقطع بالسكين لشرائح طولية رفيعة شبه الاسباجتى ويفضل استعمال ماكينة اللازنيا نفردها فيها ثم نقطعها شرائح ثم فى حلة البخار نضع فى الجزء السفلى ماء يغلى و فى الجزء العلوى قطعة شاش ونضع شرائح العجين ونغلق عليها حتى تنضج بالبخار
    للاكل : فى الوجه القبلى يسمونها المخروط فقط ويضيفون لها العسل الاسود
    وفىالوجه البحرى اسمها مخروطة ويضاف لها سكر بودرة او عسل نحل يذوب فى لبن دافئ وممكن سمنة حسب الرغبة
    الاكلة التانية: الحلبة الساقعة
    طحن حبوب الحلبة حتى تصير بودرة ثم تستعمل كعصير التانك لعمل العصير تذوب فى ماء بارد مع السكر حسب الرغبة
    وهو مشروب صعيدى صميم يستعمل للتغلب على حر الصعيد ويقال ان تاثيره اشد من اى مروحة او تكييف فى الترطيب يعنى تحس بعد ما تشربه انك واكل مكيف 2 حصان
    لو عجبكم الموضوع كملو معايا لو معجبكوش انا هكملو لوحدى واعمل باقى الاكلات لسه فى " البصارة ، العيش السمسى، البليلة، الحريرة، المفروكة، الويكا، الشلولو،وووووووووو


  2. #2
    منارة الحياة's صورة
    منارة الحياة غير متواجد النجم الذهبي
    تاريخ التسجيل
    May 2007
    الموقع
    سورية وأعيش في فرنسا
    الردود
    8,687
    الجنس
    أنثى
    مشكووووووورة يا ملك على الاكلات اللذيذة

    الله يصبرك يا تاما ويصبر زوجك ويخليلكم اية ويحميها ويعوضكم خير ياااااااااااااارب

    لا اله الا الله الحليم العظيم ,لا اله الا الله رب العرش العظيم, لا اله الا الله رب السماوات ورب الارض رب العرش الكريم, صلوا عالحبيب المصطفى
    يا ودود يا ذا العرش المجيد يا معيد يا فعال ما تريد أسألك بنور وجهك الذي ملأ أركان عرشك وأسألك بقدرتك التي قدرتها على جميع خلقك وأسألك برحمتك التي وسعت كل شئ لا اله الا انت ان تسخر لي زوجي وتجعلني قرة عين له وتجعله قرة عين لي يارب العالمين











  3. #3
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    منارة انتى هنا اهلا بيكى
    الاكلة الجاية دى بقى هدية ليكى


  4. #4
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    طريقة عمل الشلولو:
    دى اكله فرعونية صميمة ومشهورة قوى لدى الاخوة الاقباط خصوصا ايام الصيام
    وهى عبارة عن
    كوب ماء بارد
    1 ليمونة
    نصف بصلة (مقطعة قطع صغيرة)
    6 فصوص ثوم (مفروم)
    1 كوب ملوخية ناشفة
    ملح حسب الطلب
    توابل (شطة - كمون)
    والطريقة
    نضع الماء على النار ثم نضيي البصل و التوم ثم الملوخية مع التقليب ثم التوابل حسب الرغبة
    ثم الليمون بقشره
    وبعدين فى ناس بتحطها فى الخلاط مع رز مستوى وتضرب جيدا ثم تؤكل


  5. #5
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    ودى بقى طريقة تحضير المشبك سهل وبسيط
    الصعوبه كلها فى القمع
    المكونات
    لكل مقياس دقيق
    نصف مقياس نشا
    اى
    كيلو دقيق يضاف اليه نصف كيلو نشا + ملعقه كبيرة خميرة
    ويتم عمل مستحلب مثل الكريمه السائله او الطحينه ( لاهو سائل ولا هو عجينه ) باضافه الماء
    ويترك المخلوط ليتخمر لمدة ساعتين على الاقل
    ثم يضع المخلوط فى القمع ممكن فى كيس الحلوانى بس خلى الفتحة صغيرة وممن بعبوة صابون غسل الاطباق بعد غسلها جيدا طبعا وتشكلى المشبك عند قليه فى الزيت المغلى
    وفور النضج
    يغمر فى شراب العسل مع مراعاة ان يكون القطر ثقيل جدا ويضاف له ماء الورد وملعقة سمنه "نص كوب ماء لكل كوب ونص سكر وملعقة فانيليا وماء ورد وملعقة سمنه
    يمكن اضافه الوان متعددة للخليط قبل القلى
    بس المشبك الاصلى مفيهوش الوان
    منقول طبعا لانى اول مرة ان المشبك بيتعمل فى البيت
    آخر مرة عدل بواسطة ملك المالكى : 18-10-2007 في 07:38 PM


  6. #6
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    ودى طريقة القلقاس بالسلق بمووووووووووت فيه
    كل كيلو قلقاس حزمة سلق وحزمة كسبرة وقليل من التوم المفروم
    سلق اللحم او البط يفضل دائما شوربة دسمة
    تقشير القلقاس أقوم بمسحه بفوطة ناشفة افضل من غسله او غسله غسلة خفيفة ثم اضافته للشوربة مع اللحم ونتركه حتى ينضج
    بقطيف الكسبرة والسلق ونخرطهم ثم نضع السمن فى طاسة وعليها الخضرة والثوم و نظل نقلب حتى نسمع صوت خشخشة يعنى الخضرة أصبحت ناشفة تماما وقل حجمها جدا ولا تحترق ثم نقوم بدقها فى الهاون ( طحنها جيدا ) ثم نضيفها على القلقاس قبل أن رفعه من على النار و ونتركه يغلى غلوة ونرفعه من على النار وبالهناء
    القلقاس المسقعة
    **************
    الطريقة :
    بعد تقشير ومسح القلقاس يقطع الى نصفان ثم ال شرائح (أقل من سمك البطاطس الصينية) بالعرض ثم نحمره فى سمن أو زيت نباتى ثم نحضر لحم عصاج ( مفروم خشن ومحمر مع البصل ) ثم نقوم بعمل الصلصة ونضعها على العصاج ونرص جزء من القلقاس فى صينية فرن بايركس أو فخار وعليها جزء من العصاج والصلصة وهكذا بالتبادل وأخر طبقة تكون من العصاج وعلى الوجه شرائح من الطماطم المقطعة ونضيف صلصة طماطم متبلة أو مرقة دجاج

    المسقعة منقول بس بالخضرة انا بعرف اعمله


  7. #7
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    العيش الشمسى :
    العيش الشمسي 'الملتوت' يصنع من دقيق القمح ويمر بست مراحل.ويتم عمل عجينة الخميرة في الليلة السابقة للخبيز حيث يتم وضع خميرة البرباسة في اناء صغير ويضاف كيلوجرام من الدقيق وكمية من الماء الدافيء ويتم العجن حتي تصبح العجينة سائلة ثم يغطي الاناء بغطاء محكم ويترك حتي صباح اليوم التالي. وفي الصباح تقوم سيدة عفية ذات مهارة بعملية العجين.
    وتستغرق مرحلة العجين ساعة تقريبا وبعدها يتم تجريص 'تقريص' العجين اي تقطيعه الي قرص صغيرة وترص الدور 'جمع دورة' تحت اشعة الشمس حتي يتم التخمير ثم تقوم احدي الفتيات المشاركات في العجين بعملية التجريح بعملية التجريح بواسطة سلاعة 'شوكة نخيل' والتجريح هو عمل خط دائري حول قرص العجين وفي المنتصف يتم عمل الرقم 11 والخط الدائري هو معتقد فرعوني يرمز الي الاله 'رع' رمز قرص الشمس.

    منقول



  8. #8
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    المكرونة باللبن "طبق حلو" من الوجه البحرى
    مكرونه اقلام التى تستخدم فى طاجن المكرونة بالبشامل بتتسلق مع لبن وسكر وسمن لغاية ماتسيح ومعالم المكرونه تنتهى وتبقى وبعدين تتحط فى صينيه وطبعا فيها مكسرات وزبيب وبعدين يتحط على وش الصينيه سمن ..وتدخل الفرن..........


  9. #9
    nano غير متواجد عضو نشيط
    تاريخ التسجيل
    Jul 2002
    الردود
    337
    الجنس
    أنثى
    بصراحة وبكل راحة احب اقولك
    موضوعك رائئئئئئئئئئئئئئئئئئئع واكتر من رائع والله انا بقالي كتير مش بكتب في المنتدي والنهاردة بالصدفة دخلت ولقيت موضوعك التحفة دة قلت لازم ادخل واقولك الف شكر ومجهود رائع جدا
    والله برافوا عليكي فكرتك رائعة جدا جدا
    رجعتيني لايام جدتي الله يرحمها كانت دايما لما تيجي عندنا الصبح وماما في الشغل تبدع لينا من الاكلات الحلوة التراثية دي

    ومنها علي سبيل المثال

    المخروطة -- الرشتة -- المفتقة"الحلبة المعقودة" -- وفطير بيتعمل في المواسم كان طعمة حلو قوي وحاجات تانية كتير للاسف مش فكراها
    وهي علي فكرة جدتي اصلها صعيدي بس عمرها ما سافرت الصعيد بس كانت شاطرة وتعجبك قوي الله يرحمها ويغفر لها ويعفوا عنها ويدخلها جناتة يا رب

    من الاخر انتي كدة مية مية وفي انتظار اكلاتك الحلوة الي بتفكرنا بايام احلي


  10. #10
    ملك المالكى's صورة
    ملك المالكى غير متواجد النجم الذهبي
    تاريخ التسجيل
    Feb 2007
    الموقع
    مع بنتى اخيرااااااااااااااااااااااااااااااااااااااا
    الردود
    5,248
    الجنس
    امرأة
    مرسى يا نانو ربنا يخليكى ولو انى فعلا فى اكلات منها انا دورت عليها ع النت لانى انا مش فاكره بتتعمل ازاى كنت منتظره من البنات هنا يشاركونى اللى ممكن يسال جدته او مامته او حد كبير عنده لانى عايشه بره مصر ومعنديش حد اساله
    لو ممكن تسالى مامتك لو فاكره عن جدتك اكلات او حد كبير عندكم وتاكديلى صحة الوصفات دى عايزين نعمل توثيق للاكل المصرى القيدم قبل ما يندثر زى ما حاجات كتير حلوة اندثرت فى حياتنا


مواضيع مشابهه

  1. ::: مصرى مصرى مصرى ؛؛؛ << شوربة البسلة ::<؛
    بواسطة woman_my man في المقبلات والسلطات والشوربات والمشروبات
    الردود: 4
    اخر موضوع: 19-04-2008, 03:48 PM
  2. ؟؟ مصرى مصرى مصرى ؟؟ ...اللحم بالبطاطس والطحينة $$$
    بواسطة woman_my man في الأطباق الرئيسة
    الردود: 11
    اخر موضوع: 18-04-2008, 11:31 AM
  3. ركن المصريين المصريين يجو معايا واللي بيحن المصرييين
    بواسطة الاء الله في ملتقى الإخــاء والترحيب
    الردود: 2
    اخر موضوع: 03-12-2005, 02:27 AM
  4. طعام سليم لقلب سليم
    بواسطة مليكة الطهر في ركن التغذية والصحة والرجيم
    الردود: 1
    اخر موضوع: 13-11-2000, 10:01 AM

الروابط المفضلة

الروابط المفضلة

قوانين الكتابة

  • لا تستطيع إرسال مرفقات جديدة
  • لا تستطيع إرسال ردود
  • لا تستطيع إرسال مرفقات
  • لا تستطيع تعديل ردودك
  •  
لكِ | مطبخ لكِ | جمالكِ | منزلكِ | جوالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97