الدولمة العراقيه وبالصوووووور خطوه بخطوه

**blue sky** · 12-09-2007, 03:20 PM

السلام عليكم يالغاليات
اليوم ومثل ما وعدتكم جبتلكم الدولمه طبعا انا سويتها اولت البارحه وشويتها الساعه 2 الصبح وكملتها الساعه 5 الفجر وساعدتني اختي وامي طبختها (عمل شعبي) وثاني يوم اجونا ضيوف والمهم كان غدانا دولمه والحمدلله
طلعت طيبه المهم هاي المقادير
1/ لحم مثروم اني ثرمته على ايدي اذا تحبي مثروم بالمكينه عادي ماكو فرق
2/ تمن(رز) اني استخدمت 6 كلاصات لان اني اصلن مسويه كميه كبيره
3/بصل وفلفل للحشو
4/ ورق عنب او سلق
5/ ثوم وطماطم وكرفس وبطاطا للثرم
6/ بهارات مشكله يعني انتي اخبطي شكو بهارات عندج + ملح + ليمون دوزي للحموضه
7/ معجون طماطم + زيت
_________________________________________

هسه طريقه العمل وهي نثرم كل من (الثوم والكرفس وا الطماطم والبطاطا وقلب البصل بعدين اشرحلكم عالببصل)
ونحط عليه اللحم ونخلط المقادير وهاي صوره للمقادير

[URL="[url=http://www.q6000f.com/up]

[/url]"]

[/URL
]

وهاي طريقه اعلمكم بيها شلون تجعصون الثوم تحطون الثوم جوه السكين وتضربون عليه ويطلعكم هريس ثوم

وهاي صوره للثوم شلون طلع مهروس بس ما مبين حيل

يتبـــــــــــــــــــــــــــــــــــــــــــــــ ــــــــــــــــــــــــــــــــــــــــع

**blue sky** · 12-09-2007, 03:32 PM

يلا نكمل وهاي طريقه شولن نطلع البصل وهيه كالتالي نكطع راس البصل

ونكطع الراس الثاني

ونكطع البصله بهاي الطريقه

وطهسه انوخر الكشر ونطلع البطن

وهاي صوره توضح كل الي حجيته

يتبـــــــــــع

**blue sky** · 12-09-2007, 03:42 PM

وهسه من نطلع كل البصله يبقى القلب الصغير مابي بعد نطلع منه اوكي نثرمه ويه الحشوه

ونخلط كل المقادير ووياهم البصل

وهسه نغسل التمن بس غسل لاتنقعوا

ونحط التمن بماعون نحط عليه البهارات لان البهارات اذا نحطها عالحم ما راح تنخلط زين يعني ما راح تتبل زين بس اذا ويه التمن لا تتبل بالكامل

وهاي لصوره توضح

وهاي صوره للتمن بعد ما خلطته شوفوا شلون تجانست كل المكونات
وصار جنه تمن برياني

يتبع

**blue sky** · 12-09-2007, 03:47 PM

سوري كررت الصور مرتين شوي اليوم النت مدري شبي ويايه

**blue sky** · 12-09-2007, 03:57 PM

وهسه نحط المعجون هم عالتمن ونخلط

ونسيت اكوللكم عالفلفه بعد ما نكطع راسها لازم نزرفها بسكين علمود تستوي بسرعه

وهسه نحط زيت عالحشوه والجدر الي نحط بي المكونات

وهذا الجدر

وهسه نحشي البصل ولازم ما نكثر بالحشو لان هذا تمن من يستوي راح ينتفخ اوكي فلازم نحط مقدار معتدل

ونحط البصله بالجدر

يتبع

**blue sky** · 12-09-2007, 04:12 PM

وهسه راح اعلمكم شلون نلف ورق العنب اني حطيتها على صحن علمود تبين شلون لفيته بس اني ما استخدم الصحن هذي بس للتوضيح

وهاي صوره ثانيه

وهاي الصوره النهائيه وراها نحط الورقه العنب المحشيه بالجدر

وهاي ودعناها بالجدر

نسيت اكولكم تره اكو ويه المقادير باجله(فول)
كل ما نكمل طبقه نرش رشه منه وهاي صوره توضح

الصراحه انا صارت الساعه 4 وكلش تعبن فاجتي اختي ساعدتني

ايد اختي حلوه بالدولمه

هنا والحمدلله كلمت الدولمه بعد ما صارت الساعه 5 الفجر
وغطيتها بصحن وحطيتها بالثلاجه حتى الوالده الله يحفضها تطبخها ثاني يوم

ولو تبتكم بس هم راح اكول يتبع

**blue sky** · 12-09-2007, 04:32 PM

وهسه طبخ الدولمه
طبعا كل كلاصين تمن كلاص مي
فالوالده الله يحفضها استعملت كلاصين من الي راح تشوفوا بالصوره لان هذا الكلاص كبير وباعتباره كلاصين اوكي

[URL="[url=http://www.q6000f.com/up]

[/url]"]

[/UR

وهان استوت والحمدلله وبس بقه نحمي دهن ونحطه عالوجهه حتى اذا وحده مسويه رجيم ما تاكل

واني واجهتني صعوبه بكلب الدولمه لان جان الجدر ثكييييييييييل كلي واني واختي ويلا كدرنا شوي عليه
وطريقه كلب الجدر هيه نحط ايد جوه الجدر وايد عالصينيه ونكول بس الله ونكلب

وهاي الصوره للمائده بالنهايه والف عافيه مقدما