هاااااااام بخصوص الكبة البرغل شكلها باظت منى .. عايزة حد ينقذني

السلام عليكم ورحمة الله وبركاته

مبدئيا انا اول مرة اجرب اعمل الكبة البرغل فقلت الحق اعملها وافرزها لرمضان وده لما شفت معظم البنوتات هنا بيعملوا كده وعملتها امبارح بس الخلطة أصبحت طرية اوي او زيادة عن اللزوم يعني مسكتها ماعرفتش اشكلها ومش عارفة السبب ايه جايز يكون البرغل كان عايز يتصفى من الماية اكتر من كده مش عارفة ياريت اللي تعرف ايه الغلط اللي عملته تنبهني عشان انقذ مايمكن انقاذه

ومقاديري :

1 كيلو برغل
1/2 كيلو لحمة مفرومة
2 بصلة كبيرة
ملح وفلفل
بهارات مشكلة

الحشو :
عصجت 1/2 كيلو لحمة

الطريقة :

غسلت البرغل ونقعته فترة كبيرة في مايه تقريبا 7 ساعات
صفيته من الماية وأضفت له اللحمة والبصل وحطيتهم في الكبة عشان يمتزجوا كويس
تم وضع البهارات والملح والفلفل والعجن باليد وتكون مبلله بماء مثلج
جهزت ماء بارد ونشا عشان اثناء التشكيل كما نبهت احدى الاخوات هنا في المنتدى
النتيجة :
شعوري بأن الخلطة غير متماسكة بشكل كافي يسمح اني اشكلها وفي الحالة دي مش عارفة ممكن اضيف ايه يجعلها متماسكة اكتر من كده .. ده غير اني مش عارفة الطريقة الصحيحة اللي ممكن اشكلها بيها عشان تطلع بالشكل المشهورة بيه ده ..

ياريت اللي يقرا كلامي يهتم ويرد عليا .. معلش انا عروسة جديدة وبحاول اجرب عشان استفيد واعتمد طريقة كام اكلة كده .. ياريت ماتهملوش رسالتي

اهلا حبيبتي الف مبروك البيت الجديد وما تزعليش يا احلي عروسه وكلنا ياما خربنا والوالدة كان عندها متل اذا ما خربتي ما بتتعلمي اما بالنسبه للغلط فهو ليش كل هالوقت نقعتي البرغل يعني هيك صار عجينه اصلا وا كمان بس بينقع ن ربع ساعة او نص ساعة والماء مش كتير يكون وهلا ممكن تضيفيلها طحين وبرغل ناعم مغسول وكمان كميه اللحم زيديها تكون 700 غرام او كيلو يعن بتكون كيلو برغل بدها من نص كيلوا الي كيلوا يا قمر وهلا بتقدري تزيديها طحين والاخوات بيقدروا يفيدوكي اكتر كمان حبيبتي لمن تفرزيها صفيها بوعاء صف لحد ما تجمد بعدين احفظيها لحتي ما تخرب معاك وتلصق ببعضها ويكون مغطايه بنايلون وسلام او ورق الواكس

عزيزتي ما تزعلي روحك ان شاء الله بتضبط معاك والكل بحصل معاه كدة في الاول

اذا كانت كتير طرية هذا راجع لانك نقعت البرغل كتير فما شرب سوائل اللحم

انا عادة انقعه يعني اكتر شي 1/2 ساعة وبماء قليل يعني يدوب يغمره

المهم يا قمر انا بقول ممكن لو نقعتي كاستين برغل شي 10 دقائق بس وبمي قليل وفرمتيهم مرتين مع 200 جرام لحم وعجنتيهم مع عجينة الكبة الاولى طبعا بعد ما تبهريهم وبدون بصل وحطيهم بالفريزر شوي يعني حوالي 1/4 ساعة لحد ما يبردوا ممكن تتماسك العجينة و احفظي الخلطة بالتلاجة وخدي منها شوي شوي على قد ما بتعملي
بتخافي طعم اللحمة يتغير وبنحافظي عليها كمان متماسكة اكتر

انا هيك رايي وان شاء الله البنات يفيدوك

مرحبا حبيبتي
راح أحكيلك على وصفه تريحك لما تنقعي البرغل مثلآ كل كاسة برغل تحطي كاستين ميه
وأذا مرة حسيتي أن العجينه رخوة أو ما بتتمسك ما في مشكله أذا حطيتي شويه طحين
وربنا يوفقك ياعروسة

سوسنة كلامك نفس كلامي بس الطحين لو نضاف على الكبة طعمها بصير مو طيب وبتصير يابسة مو هشة

واذا تشكلت معها ترصها زي ما قلتي في صينية او تبسي وتحطوا بالفريزر الى ان يجمد وبعدين تخرجه وترتبه في اكياس او علب متل ما بدها تستخدم وتقليه بالزيت الحامي

وان شا ءالله نكون افدناك يا قمر

أختى العزيزة السوسنة السوداء والعزيزة أم ليانة وسمارة بشكركم أوي لاهتمامكم .. ربنا لا يحرمني منكم أبدا .. وضروري فعلا الواحد يغلط عشان يتعلم بس انا لما حطيت البرغل كانت نيتي اسيبه مثلا ساعة لكن بعد ما رجعت من الشغل وجهزت ونقعته عيني راحت في النوم غصب عني فقمت جري على المطبخ اشوف ايه اللي جرى .. انا حزيد الكمية زي ماقلتوا وربنا يسهل وتظبط معايا بشكركوا كلكوا اوي .. سلاااااااااام

معلش يا جماعة ماحدش قالي افضل طريقة لتشكيلها ايه .. واختي ام ليانة تقصدي أحفظ الخلطة على بعضها كده في التلاجة وآخد منها وقت ما أحتاج ولا أشكلها كلها وارصهم في صينية مثلا لحد مايجمدا واعبيهم في اكياس او باكتات فووم ؟؟.. معلش طولت عليكم

اختي العزيزة هاي الرابط لتشكيل الكبة

!!!هنا تجدين خطوات تشكيل الكبة المقلية !!!!


قصدي وقت ما تشكليها خدي شوية بس والباقي رجعيه على التلاجة وكل ما خلصت كمية احضري كمية اخرى الى ان تخلص الكمية كلها وحطيه بالفريزر الي ان يتجمد وبعدين حطيه باكياس اوعلب وخرجيه للقلي فقط علشان العجينة تظل باردة وسهلة التشكيل و ما تتغير رائحتها علشان اللحمة والبصل

وكل عام وانت بخير

السلام عليكم
زودى نصف كيلو لحم مفروم وإن شاء الله تظبط معاكى وأنا بنقع البرغل الليل كله فى الماء فى الثلاجة ولا بيأثر عليها نهائى.. المهم المقدار الصحيح بوكيت البرغل النصف كيلو عليه نصف كيلو لحم مفروم .
أختك آدمية حائرة

ربنا يخليكي عزيزتي ام ليانة فعلا شرح وافي في الرابط المرسل .. كتر خيرك