ارز بالقشطه مرررررررره لذيذ

السلام عليكم ورحمه الله وبركاته
انا اول مره اشارك معكم صح اني اخذ منكم طبخات والله يعطيكم العافيه بس ماقد شاركت
جايبه لكم طريقه ارز بالقشطه روعه
وانا احب الطبخات بالقشطه مره
نبدأ

المقادير
ارز حبه طويله ويستحسن ارز المهيدب وعلى حسب الكميه اللي تبغيها
صدور دجاج مقطعه مكعبات او ربيان
بصل ثوم كزبره خضراء فلفل رومي
بهارات مشكله ومرقه ماجي
قشطه
واذا حبيتي تضيفي الخضار كمان احسن

الطريقه
تسلقي الأرز مع شويه زيت وملح
تاخذي طاوه وتحطي فيها البصل والثوم تحبيها مفروم او مقطع عادي
وتكشني كشنه عاديه
بعدين تضيفي الدجاج او الروبيان
وتضيفي عليها مرقه الماجي والبهارات والفلفل الرومي والكزبره
تخليها على نار هاديه وشويه مويه
واللي تحب الخضار تضيفه معاها كمان
لما تستوي الخلطه تضيفي عليها علبه قشطه

التحضير
بأمكانك تحطيها في صينيه طبقه رز وطبقه خلطه وبعدين تقفليها برز
انا اسويها بالطريقه ذي ومره طعمه
وفي طريقه انك تخلطي على الرز علبه قشطه
بس يطلع دسم مره
وطريقه تحضير ثانيه
خذيلك صحن دائري وحطي فيه رز وجوفيه من الوسط وحطي الخلطه
وحضريم مع سلطه طماطم مفرومه بفلفل وكزبره
اتمنى يعجبكم وبالهناء والعافيه
اسفه مأعرف أنزل لكم الصور

تسلمين حبيبتي على الوصفه الطيبه

تسلمين اختي حنان على المرور
واتمنى تطبقي الأكله وتعجبك
تحياتي لك وكل عام وانت بخير

مشكورررررررررررره اختي عالمرور
استنى تطبيقك
وبالعافيه

تسلمي

تسلمي الف شكر

الله يسلمكم يارب
ومشكورين على المرور

مررررررررره خطيره وجديده مثلي هههههههه
وكل عام وانتوا بخير ورمضان كريم وعساكم من عواده ياااااااااااااارب

تسلم ايدك على الوصفه