الكشري المصري

**ملك الرحمه** · 12-08-2007, 12:05 PM

الكل بيسمع عن الكشري لكن أصل الكشري هو الكشري المصري وأنا جبت لكم طريقة عمل الكشري المصري على أصوله دي مش طريقه أنا نقلتها من أي موقع ولا من أي كتاب
الطريقه اللي كاتباها طريقة الكشري المصري اللي بنطبخه في بيتنا ودي طريقه سهله جدا وأكيد ان شاء الله هتلاقوا كل مكوناته في البيت
وبالهناء وصحتين

المقادير:
كيلو أرز _ كيلو مكرونه عاديه للصلصه _ كيلو مكرونه اسباجيتي(اللي مش عارفاها هيا عباره عن مكرونه شكل الشعريه بس طويله ومتينه)_ كيلو شعريه _ 2كيلو طماطم _ 8 مرقة دجاج _4بصلات_ملح _بهارات _ شطه حاره جدا _ عدس بجبه(يعني بقشره بيكون لونه اسود بس العدس المقشور بيكون لونه أصفر)

الطريقه:
أولا تسلقي كل حاجه في حله لوحدها
يعني
تسلقي المكرونه الأسباجيتي ومن غير ما تحطي لها أي حاجه ولا أي اضافات غير شوية ملح وانت بتسلقيها ونقطتين زيت في ماء السلق علشان متعجنش

تسلقي المكرونه التانيه وبرضه من غير اي اضافات غير شوية ملح للسلق

وبعد كده
تحمري الشعريه وتغسلي الأرز وتحطي الشعريه على الأرز وتطبخي الأرز وكده بيكون أرز بشعريه

وتذكري
كل حاجه تطبخيها في حله لوحدها

وبعد كده تعصري الطماطم في الخلاط وتقسميه نصفين
وتحضري حلتين
في كل حله
تحضري بصلتين وتبشريهم وتقسميهم اتنين حبه في حله وحبه في الحله التانيه
واضيفي نصفين الطماطم في كل حله نصف
واضيفي الملح والبهاراات في كل حله

بس في اهم حاجه
ان حله واحده بس من الإتنين حطي فيها شطه كتير لحد ما تكون مولعه نار يعني حاره جدا جدا
والحله التانيه متحطيش فيها حاجه

يعني بمعنى أصح هيكون عندك حلتين
الأولى ................فيها صلصه
التانيه.................فيها كاتشب

وبعد كده تحضري العدس بجبه وتسلقيه في حله لوحده

وبعد كده ممكن للزينه تجيبي بطاطس وتقطعيها على شكل شيبسي ولو عندك حمص الشام تسلقي شويه صغيرين ...............بس الخطوه دي للزينه بس يعني مش ضروري أنا مش بعملها بس قرايبي بيعملوها

التقديم :
تحضري عدد من الأطباق على حسب أفراد البيت
وفي كل طبق تحطي فيه مثلا عدد 5 ملاعق أرز + 5 ملاعق مكرونه اسباجتي +5ملاعق مكونه عاديه +5 ملاعق عدس بجبه +2ملعقة صلصه وده حسب الرغبه+ حسب الرغبه الكاتشب
ولو عاوزه تزيني كل طبق تحطي 4 حبات حمص شامي و 2 شيبسي

لو أي واحد عندها أي استفسار في اي حاجه عن الكشري لا تترددي علشان حقيقي الكشري ده بنطبخه في البيت وانا معنديش اي مانع مستنياكم

قولوا لي ايه رأيكم .................ز

**sosoooo** · 12-08-2007, 08:20 PM

تسم ايدك يا قمر

**om.semsem** · 12-08-2007, 08:27 PM

ميرسي كتير أختي عالوصفة الرائعة .. انا كتييير بحب الكشري .. بموووووووت فيها

بس للأسف ما بعملها لأنو زوجي ما بحبها

تسلم الأيادي

**حنان(البحرين)** · 12-08-2007, 08:31 PM

تسلم يدك حبيبتي على الوصفه اللذيذه

**ملك الرحمه** · 12-08-2007, 10:41 PM

كتبت بواسطة om.semsem

ميرسي كتير أختي عالوصفة الرائعة .. انا كتييير بحب الكشري .. بموووووووت فيها

بس للأسف ما بعملها لأنو زوجي ما بحبها

تسلم الأيادي

طيب متجربي تعمليها والله مش هتندمي وابقي اعملي له أكله تانيه بجانب أكلتك
يعني اعملي اللي نفسك فيه على قدك بس واطبخي له اللي هو عاوزه
وميسري على الرد

**ملك الرحمه** · 12-08-2007, 10:46 PM

[quote=هاجرالمصرية;4108597]تسم ايدك يا قمر[/quo

تسلميلي
كلك ذوق والله
ومشكوره على الرد

**أم فئ** · 12-08-2007, 10:47 PM

مشكوووووووووره يالغلا

**ملك الرحمه** · 12-08-2007, 10:48 PM

كتبت بواسطة حنان(البحرين)

تسلم يدك حبيبتي على الوصفه اللذيذه

حنان تعالي وانا أكلك أكل مصري ميه ميه
بس بشرط تأكليني بحريني
اتفقنا

**ملك الرحمه** · 12-08-2007, 10:54 PM

كتبت بواسطة أم فئ

مشكوووووووووره يالغلا

تسلمي انتوا عنكم الكبسه السعودي ياريت تكتبي عنها وانا أكون مشكوره لك

يارب اغفر لك ولي والمسلمين
اللهم اغفر ذنوبنا واستر عوراتنا
آمين آمين
وانصر أخواننا في غلسطين والعراق

اللهم آمين آمين