°¤ الباستا الإيطالي من مطبخ شمعة الجلاس (حياكم شوفو الصور ) ¤°

[url=http://www.9o9i.com][/url]

كيفكم جميعاً وكيف أحوالكم ..

أنا عضوة قديمة جديدة .. قديمة بإني أزور المنتدى وأشوف المبدعات في الطبخ .. وكنت متخوفة إني أشارك .. ولكن توكلت على الله لما شفت ردودكم على الأخوات وروح التعاون اللي ما بينكم .. الله يحفظكم جميعاً .. فحبيت إني أكون فرد من أسرتكم .. ويارب أنول على القبول ..

وهذا أول طبق أقدمه لكم


من فترة طويلة وأنا أروح لمطعم معروف عندنا اسمه يم يم تري والطبق المفضل عندي هو الباستا بالدجاج والصلصة البيضاء وكان ودي أعرف الطريقة بالضبط مثل ما يعملونه وجربت وجربت كم مرة



وكل مرة أفشل ما يكون الطعم مثل اللي في خاطري ..

بس هاذي المرة قلت يا أنا يا يم يم تري

والحمد لله عملت الباستا وطلع الطعم أحلى من اللي كنت آخذه من هذا المطعم وبشهادة زوجي وأخواتي..

واللحين نبدأ ( بسم الله الرحمن الرحيم )



*** الباســــــتــا الإيطـــــالـــي ***





ثلاث صدور دجاج مقطع شرائح طولية

2 بصل متوسط مفروم ناعم

2 كوسة مقطعة شرائح طولية
2 جزرة مقطعة شرائح طولية
2 فلفل بارد مقطعة شرائح طولية



كمية من البروكلي
وكوب زيتون أسود
1 كيس خلطة البشاميل
1 قيمر (قشطة )
جبن موزاريلا مبشور
جبن بارميزان مبشور
1 كريمة للخفق ويبنج كريم
3 ملاعق أكل زيت زيتون
كوب خل أبيض
1 مكعب ماجي
فلفل اسود + أوريجانو + توابل إيطالية

مكرونة فارفيللي – Farfale ( مثل الفيونكة )


+ المكرونة العادي أو بينه – Penne( الطولية )


أو اسباجيتي










ناخذ صدور الدجاج ونقطعه بهذا الشكل





وبعدين ناخذة وننقعه في كوب الخل ورشة فلفل أسود مطحون لمدة 1/2 ساعة تقريباً



وهذا شكله بعد الــ 1/2 ساعة



واللحين في قدر نحط البصل المفروم ونضيف عليه الثلاث ملاعق زيت الزيتون وبعد ما يصير لونه ذهبي فاتح والزيت يكون حاااار نضيف شرائح الدجاج بعد تصفيتها من الخل



ونقلب الدجاج لين يتبخر الماء تماماً





وبعد ما يبخر الماء نغطيه ونخليه يستوي على نار هادئة ..

وفي هاذي الأثناء نسلق المكرونة في الماء وشوية ملح وزيت



وبعدين نصفيها



يتبع

واللحين جا دور البشاميل .. وهاذي صورة لمقاديره






وطريقته

نعمل البشاميل مثل ما هو مكتوب على الكيس

















وبعد ما يجهز نضيف له القيمر






ونسكر عنه النار ونخلطه عدل وبعدين نضيف شوية أوريجانو







ونخلطه ونخليه على جنب






واللحين نرجع للدجاج ونلاحظ إن بين كل كم دقيقة نحرك الدجاج علشان يتحمر شوية من جميع الجهات

المهم لما ياخذ تقريباً 15 دقيقة سوى نضيف الخضروات ونبدأ بالجزر لأنه يحتاج لمدة سوى أطول

فنضيف الجزر ونخلطه مع الدجاج لين يذبل شوي لمدة دقيقة







وبعدين نضيف الفلفل البارد ونخلط






ومكعب الماجي






واللحين الكوسا







ونخلط الجميع مع بعض

وهذا شكل الخضرة لما انخلطت وشوفو الدجاج اشلون متحمر اممممم







وبعدين نضيف شوية أوريجانو وشوية توابل إيطالية وما نكثر لأن نكهتها قوية .. ونخلط







واللحين نضيف كريمة الخفق










ونخلط عدل






ونضيف الزيتون الأسود ونخلط

واللحين دور المكرونة المسلوقة ونخلط (( وترى لا تخلونها تنسق مدة طويلة خلوها شادة شوي ))

واللحين دور الباشميل ونضيف بالشوي ونخلط










وآخر شيء نضيف الجبن ونخلط وعلى طول نسكر النار ونسكب في الطبق








ملاحظة :

البعض يحب الصلصة البضاء مخلوطة مع صلصة حمراء

ومقاديرها :

3 حبات طماطم صغيرة
ملعقة صغيرة معجون طماطم
فنجانين قهوة ماء
قطعة واحده ماجي
شوية فلفل اسود + شوية سنوت (كمون)
فلفل حار أخضر او احمر ( اختياري )

وطريقتها:

تخلط الطماطم مع مقاديرها في الخلاط الكهربائي و توضع في الطنجرة و تترك على نار هادئه ووقت وضع الصلصلة نخلط الصلصتين ( البيضاء والحمراء ) حسب الذوق مع بعض فوق الباستا اللي عملناها ..

ولكن لأني أنا وزوجي ما نحب إلا الصلصة البيضاء فما عندي إلا صورها فقط

وهذا شكل الباستا بعد التقديم














وشوفو شلووووووون الجبن وانتو تاكلونها اممممممممممممممممم




*** وعليكــــــم بالعــــــــــافية ***

من يد أختكم
*شمعة الجلاس*

teslam edekiiii

تسلم ايديكِ على الطبق الرائع
بصراحه انا احب شي اسمه باستا
وكل مره اتعنى اروح يم يم تري علشان اشتريها
ودام انج حطيتي الطريقه وطلعت روعه وشكلها مبين نفس باستا مالت يم يم
انا اكييييييييد راح اجربها
الله يعطيج العافيه عزيزتي

مشكوره عزيزتي على وصفة الباستا الشهيه جزاكِ الله كل خير وحياكِ الله معانا في منتدانا الجميل

تسلم ايدك ..شكلها تحفه ...ممكن صحن لو سمحتى؟؟؟؟؟؟؟؟؟؟؟

تسلم الايادييييييي
ومرحب بك معنا
مفيدة ومستفيدة ان شاء الله

تم الحفظ شكررررررررررررررا

يسلمو حبيبتي على الاكلة كتير لذيذة