هلا يا بنات ...اليوم عملتلكم كوسى بلبن لبنابية
ولك يا أم نور مخصوص ![Smilie](images/smilies/smile.gif)
المقادير (أنا عاملة كمية صغيرة (شخصان) يعني انتو ضاعفوا الكمية إذا أردتم)
---------
كوسى
رز
لحمة مفرومة
سبع بهارات نصف م\ص
كمون ربع م\صغيرة
قرفة ربع م\ص
2 ملعقة زيت نباتي
ملح
3 فص ثوم
م|كبيرة نعنع يابس
لبن (زبادي)
الطريقة
--------
نحفر الكوسى ونغسلها ونضعها جانباُ، نحضر الحشوة، نخلط الرز المغسول جيداً مع اللحمة والبهارات والقرفة والملح والكمون والزيت ونحشي الكوسى ثم نضعهم في الطنجرة مضغوطين ونغمرهم بالماء ونتقلهم بصحن عشان يضلوا تحت وما نستعمل ماء كتير ونطبخهم ثلاثة أرباع الإستواء.
نطبخ اللبن ويللي ما بتعرف كيف طريقة طبخ اللبن اتفضلي: هي الطريقة اللي نستعملها لكل اكل اللبن: لكل كيلو لبن نخلط على البارد كوب ماء مدوبين فيه 2 م\ك نشاء وفص ثوم مدقوق وعليه 3 قطرات خل ابيض وبيضة خفوقة وملح. نلطهم مع اللبن ثم نضعهم على النار ونحرك بملعقة خشبية لحد ما يغلو وهكذا بيصير عنا اللبن جاهز لكل الطبخات يعني للكبة بلبن وشاكرية يعني لبن أمو والشيشبرك و....
بعد طبخ اللبن وانتهاء من طبخ الكوسى نقلب اللبن فوق الكوسى ونحركهم شوي شوي.
ندق الثوم مع النعنع ونضيفهم فوق الطبخة
ونقلبهم مع بعض ونتركهم 5 دقائق
يا سلاااااااااااااااااااااام لو فيكن تشموا الرائحة الراااااااااااائعة مممممممممممممم...
نسكبها وألف عافية
جربوها حتعجبتكم بإذن الله!!!!
الروابط المفضلة