حبايبي الحلويين اشلونكم ودي اقدم لكم اكله حلوه وانشالله تعجبكم

( ربيان بقاع الجدر )
المقادير: نصف كيلو ربيان طازج - 2 حبة بصل شرائح - 2 حبة طماطم شرائح -
2 كوب رز - 4 مكعب ماجي - 3 ملاعق كزبره خضره - 2ملعقة ثوم وزنجبيل -
حبات هيل - ملعقه صغيره فلفل اسود - ملعقة بهارات مشكله - علبة معجون طماط -
زيت - ملح حسب الرغبه - ملعقة ليمون اسود - علب فلفل حسب الرقبه .

طريقة التحضير : 1- يسلق الربيان قليلا في وعاء خاص مع الهيل والفلفل الاسود ثم يشخل
2- يسلق الرز في وعاء خاص مع عدد 2 مكعب ماجي ثم يشخل
3- وضع الزيت ثم البصل والثوم والزنجبيل وعلب الفلفل في
الجدر ويحرك ثم يضاف عليه الطماط ومعجون الطماط
والربيان المسلوق والبهارات واليمون الاسود فلفل اسود
وعدد 2 مكعب ماجي مذوب مع كوب ماء وملح حسب الرغبه وكزبره خضره
ثم يترك على نار هادئه حتى يستوي قليلا
4- ناخذ الجدر ونحط حمسة الربيان في قاع الجدر ومن بعد ذلك نوضع الرز
المسلوق فوقه ونقطيه عدل ونخليه على الحديده يتسكر

واكلوها الله يهنيكم
ويجعلها وجبة الهنا عليكم
nannsh om qop_qop

تسلمين حبيبتي على هالطبخة ، بس أنا اسويها من غير ما أسلق الربيان ، يعني أحط الربيان وا لبصل والثوم والفلفله والفلفل الأخضر وكل اللي أبيه حتى البطاطس في قاع الجدر مع قليل من الزيت واقلبهم قلبتين ، ومن ثم أحط عليهم الرز ويكون مسلوق نصف سلقة اخليه على الحديده وعلى نار هادئة ، ونسيت اقولج حطي معاهم البهارات وخليهم على نار هادئه وراح تاكلين أصابعك وراه

مشكوره حبيبتي على الوصفه مالتك بس حبيت اقول لك ان الربيان لازم ينسلق شوي
عشان الازفره تروح مع الهيل والفلفل الاسود وماتزفر الحمسه بعدين
واكلوا الله يهنيكم - وجعلها وجبة الهنا عليكم .

السلام عليكم

جزاك الله خير
طبعت الموضوع .....احب الربيان والعيش
وادرجته في جدول اعمالى المسكين )))))))))))))))))))))))))))))

مشكورة اختي nannsh
ونبيج تتحفينا دايما باكلاتج الحلوة
وخاصة الطبخ الكويتي المميز
وتسلمين

حبيبتي ما يطلع زفر قبل ما احط الربيان في الجدر اكون عاصره عليه نصف ليمونه وشويت خل بعدين بهارات ، جربيها وراح تقولين أم يوسف قالت

شكرا الله يجزيك الف خير