السلام عليكم حبيباتي في الاردن وبلاد الشام
انا ما بعرف اذا في دول الخليج بيطبخو المنسف

المهم سؤالي؟؟
هلا في تلات مواضيع لتلات مشتركات عن المنسف

موكاتبيين اذا بتعملو الجميد لحالو او مع المخيض
لبن المخيض الحامض عرفتوه صح؟؟؟
لانه المخيض بيعطي حداقة كتير زاكية و انا هون ماعنا مخيض بستعيين باللبن الرايب ما بطلع الطعم زاكي بالمرة واذا طبخت الجميد لحاله كمان ما بطلع زاكي شو اعمل؟؟

السلام عليكم كيفك حبيبتي
انا والله بحب اعمله بالجميد بس
ما بحط معه المخيض وبيطلع زاكي
انت وين ساكنة في الخليج

اختي الفاضله
كل شخص طبعا وذوقه وحاسة الطعم عنده مختلفه عن الاخر
انا متل الاخت ام المجد الله يبارك فيها بعمل المنسف بس بالجميد
لكن الوالده بتعمله مع المخيض والجميد
اذا المخيض غير متوافر لديكم ممكن تستغني عنه بالبن آب ولزيادة الحداقه "الحموضه حطي شويه من ملح الليمون اكيد تعرفيه "
واذا مافي لبن آب مافي مشكله كمان ممكن تعملي اللبن الرايب بطريقه كتير روووووووعه بس بدها شوية تركيز تابعي معي خطوه خطوه:
في الغلاط حطي اللبن رايب مع ملعقة نشا ونصف كمية اللبن ماء وملح وملح ليمون للحموضه
ممكن كمان انك تضيفي شوية لبنه "بتعرفيها " علشان الحداقه
اذا بدك يكون المنسف مع جميد +لبن بتخلي الجميد يغلي وبعدين ضيفي اللبن الي عملتيه بالغلاط مع الاستمرار بالتحريك طبعا لمده خمس دقايق
ملالالالالالالالالالالالاحظه مهمه لا تغطي الطنجره ابدا لانه اللبن الرايب ممكن انه يخرب ويصير يتكتل
وبتمنى انك تكوني استفدتي
واذا حبيتي المنسف راسليني وخبريني كيف طعمه
وكمان اذا بدك اي مساعده تانيه راسليني عزيزتي انا تحت امرك

مشكورة ام مالك وام المجد
انا مو في الخليج انا في مصر
كمان انا بعمله لحاله احيانا من غير اضافات بس ما بعرف طعمه ما بطلع حادق بطلع زي الحاجة المسكرة (الحلوة)
هيك في آخر طعمته بتحسي في حلاوة
ومرات بحط اللبن الرايب بس كمان اللبن الرايب هون موحادق

اختي ما في غير انك تعملي الطريقه الي ذكرتها الك
بس ما خبرتيني بتعرفي ملح الليمون واللبنه ؟

طبعا يا ام مالك انا فلسطينية اصلا
ليش ما بدي اعرف اللبنة ؟
و بعرف ملح الليمون
طب بصير اضيف ملح الليمون عالجميد من غير اللبن الرايب؟؟
لانه زي ما حكتلك اللبن الرايب تبعهم هون بيعطي طعم مو حادق

ممكن اكيد
بس لا تحطي ليمون بتخرب الطبخه بعدين
وملح الليمون ممكن انك تحطي على اي شي بدك تحمضيه مافي مشكله
للفول بلبن
للملوخيه
الكويس فيه انه مابغير لون الاكل متل الليمون
بستنا انك تخبريني اذا المنسف طلع زاكي

مرحباا اااا عزيزتى
المنسف انا دائما بطبخه وبطلع زاكى كثير
بس بطبخه مع الجميد فقط انت حاولى كثرى كمية الجميد بس ما تحط ملح من مره على شان الجميد مالح على ضمانتى بطلع زاكى وحامض بدن اى اضافات

شكرا تغريد بس يمكن هاد الحكي بيعتمد على طالجميد تفسه
انا طولت عليكم بالموضوع بس انشالله هاد الاسبوع لازم اعمل منسف
بس عندس سؤال
هل وضع الماجي على الجميد هو اللي بيعطي طعم غير؟سواء عمرقة اللحم او الجميد نفسه و الا ما اله علاقة؟