السلام عليكم ورحمة الله وبركاته
بنات محتاجة مساعدتكم جدا جدا جدا
انا هاتجوز قريب وكنت محتاجة اعرف حاجات كتير في الاكل وطرق عمايله وازاي ابقي متميزة فيه
انا عارفه ان فيه دورة شغالة دلوئتى
لكن المشكلة اني من مصر وباحس ان الاكلات الي بتنطبخ في الخليج غير اللي عندنا خالص مهما كانت تحمل نفس المسمي
فكنت عايزةبنات مصصر يساعدونى
اول حاجة كنت محتاجة اعرف اعمل فراخ ازاي؟؟؟
ياريت الي تقولي تقولي بالتفصيل
وتقولي احط عليها بهارات ايه علشان تديها ريحة حلوة؟؟
وازاي اعمل شوربة طعمها يكون جميل ولونها كويس لانها دايما بتطلع غامة وشكلها مش حلو
واحمرها ازاي ؟؟؟الفراخ يعني
انا عارفه ان في هنا بنات عندهم خبرات كتير وماشاءالله شاطرين ياريت يساعدونا لان اكيد في بنات تانين زي كده

جربي هادي الوصفه للدجاج كثير سهله ومضمونه ميه ميه ياقمر

http://www.lakii.com/vb/showthread.php?t=308105

وهذه وصفه مخصوص للمتزوجات محاشي رح تعجبك كثير وكثير سهله ياقمر

http://www.lakii.com/vb/showthread.php?t=297605

اليك هذا الرابط عزيزتي ان شاءالله بيساعدك للغاليه الباجوري

http://www.lakii.com/vb/showthread.php?t=301909

والف مبروك والله يتمم لك بالخير

ادخلى حبيبتى على كل موضوعات الاخت الباجورى فكل اكلاتها مصرية مية فى المية زى ما كانت جدتى بتعملها و انا عن نفسى واخدة موضوعاتها زى كتاب ابلة نظيرة كان فى حد واقف معاكى فى المطبخ بيعلمك و بالصور كمان انا عن نفسى متجوزة بقالى شهر و بعيد عنك اخيب من الخيابة بس و الله طبقت الملوخية و الفراخ المحشية على الطريقة الباجورية المصرية و جوزى ما كانش مصدق نفسة ما شاء الله خلص على الفرخة و طلع الرز بالكبد يجنن و الله ما صدقت انى انا اللى عاملاهم
و البركة فى الاخت الباجورى اللى مظبطانا

ربنا يخليكم ليا يابنات
اسفة علي التاخير في الرد بس اصل انا معنديش نت الايام ديه

وكمان ممكن تدخلى على وصفات سلمى المصريه طريقتها حلوة فى العرض انت هاتعيشي فين في الخليج

الف مبروووووووووووووووووووك والبنات ما قصروا

ادخلي علي وصفات سلمي المصرية فهي زي الفل
وانا هقولك علي احلي وصفة تعملي بيها الفراخ
هاتي الفرخة طبعا بعد التنظيف والتقطيع وكده قشري بصلة وابشريها وكمان 3 فصوص توم وكمان طماطماية مقطعة رفيع
ضعي كل الخليط في حلة اولا الفراخ ثم البص والثوم والطماطم وغطيها جميعا علي البوتجاز ونار هادية جدا
واتركيها حتي تنشف ماء الفراخ قليلا فضعي توابل هي(كاري+بهارات فراخ+نعناع بودرة+فلفل اسمر+ملح+جزنبيل بودرة)وقلبيهم جميعا علي افراخ جيدا ثم غطيها كمان دقيقتين ثم ضعي نصف طبق ماء وقلبي جيدا الخليط واتركيه علي النار مدة 1 ساعة او حتي ينضج
وهتاكلي احلي شوربة واطعم فراخ وابقي ادعي لي