السلام عليكم ورحمة الله وبركاته
رح قدملكم طبق صيني لذيذ وشهي ورح تحبوه كتيـــــــــــــــــــــــــــــر
كنت عاملة صنفين بس الصنف التاني ما قدرت صورةه و ان شاء الله في المرات القادمة رح نزله لانو كمان لذيذ وشهي
طبق اليوم هو عبارة عن الدجاج بالفستق وهو طبق صيني شعبي ومشهور
صرلي 3 سنوات بالصين عم حاول احصل ع طريقته لكن المطاعم ما تعطيني الطريقة
والاصدقاء الصينيين ما بيعرفو يعملوه لانهم بياكلوه جاهز من المطاعم
وزوجي الله يخليلي اياه لما شافني كتير مشتهية اتعلمه دورلي عليه بالنت وترجملي اياه وجربته وكانت النتيجة واوووووووووو
طولت عليكم خلينا بالمقادير والطريقة
المقادير
صدوردجاج900 غرام
فليفلة حمراء يابسة 40 غرام
فستق عبيد مقلي وجاهز 75 غ
كرفس
بياض البيض بيضة وحدة
طحين ذرة ابيض ملعقتين
صلصة الصويا ملعقيني
ثوم مدقوق ربع ملعقة
زيت السمسم ملعقة واحدة
سكر ملعقة
خل ابيض نصف ملعقة
زيت قلي
ملح ملعقتين
المقادير بتقسميها كالتالي
صلصلة النقع الفروج : بياض البيض ونصف ملعقة الملح وملعقتين من طحين الذرة .
صلصة النكهة: هي ملعقتين من طحين الذرة يضاف اليها ملعقة صلصة الصويا و نصف ملعقة سكر وربع ملعقة ملح و ملعقة من الخل الابيض و الزيت السمسم و نصف ملعقة من الثوم المدقوق و تخلط جيداً
بتخلطي كل صلصلة بصحن وبتخليها ع طرف
تفرم قطع الدجاج على شكل مكعبات صغيرة و توضع في صلصة النقع ..وتنقع لمدة نصف ساعة او اكتر انا وضعتها 3 ساعات ...
بعدها يتم قلي قطع الفروج بالزيت النباتي نصف قلي يعني حتى يتغير لونه
يتم اخراجه من زيت القلي ويوضع على ورق ماص
بتحضري صاج وبتحطي فيه من زيت النباتي على نار هادئة و يتم اضافة الفليفلة اليابسة عبارة عن بهارات
يتم ازالة الفليفلة الحمراء من الزيت بعد ان يكون الزيت قد تشرب الطعم الحار
ثم يتم اضافة الكرفس للزيت ويقلب مدة نصف دقيقة
ويضاف الدجاج و يتم تقوية النار ويقلب مدة دقيقة ثم تضاف صلصلة النكهة و وتحرك بسرعة وعند التجانس يضاف الفستق المقلي ويقلب وعندها يكون الطبق جاهز .
الروابط المفضلة