(( القبـــــوط )) للي تعرفه واللي ماتعرفه
السلام عليكم خواتي
اليوم راح أعطيكم وصفه القبوط (أكله شعبيه في الكويت )
وهي للأمانه وصفة أمي الله يطول بعمرها ويخليها
مقاديرها (وايد بس طولوا بالكم معي)
العجينه:3كوب طحين-ملح-4/1كوب زيت.
الحشو:لحم مفروم ومطبوخ مع بصل وطماط وملح وبهار.وبقدونس
مقادير المرق:بصلة كبيره-2فص ثوم-3حبة كوسا -2حبة بطاط كبيره-2حبة باذنجان-قرع-الخضار مقطعة صغير وهي حسب رغبتكي واللي تحبينه منها.
2طماط مفروم-2ملعقة معجون طماط-رشة فلفل-بهار-ملح-زيت
الطريقة:
-بعد عجن العجينه وتركها للترتاح تفرد وتقطع دوائر وتحشى باللحم وتلف أطرافها زي القطايف.
-نجهز المرق ..نقلي البصل والثوم في الزيت.
-نحط عليه الخضره ونقلبها دقيقه.
-نحط عليها الطماط والمعجون والماء ونتركه لما يغلي ثم أضيف الملح والبهار.
-وبعد مايغلي أحط عليه العجينه واسقطها شو شو حتى ماتنفك .
-وأتركه على النار الهاديه ساعه.واحكم الغطا
(( العجينه يمكن تحطينها في الفريزر لمدة 2/1ساعه قبل ماتستخدمينها )
وبالعافيــــــــــــــــــــــــــــــــــــــــــ ــــــــــــــــــــــــــــــــــــــــــه
رد مع الاستدلال
كتبت بواسطة @ بطة @
الروابط المفضلة