السلام عليكم
بطاطا في الفرن او
jacket potatoes
واني الطريقه هده واخدتها من موقع اجنبي وجربتها وبالفعل طلعت نفس بنة المطعم
الطريقه
تاخد حبات بطاطا حجم كبير نوعا ما
وتغيلهم كويييس ( الحق نغسل فيهم بالليفه والصابون باش يتحول التراب كويس)
وبعدين انشفهم كويس بالمنشف
ونحطهم في صونية
وندخلهم المايكرويف في حدود 10 دقايق
وبعدين نقلبها ونردها تاني للمايكرويف حوالي 10 دقايق او اقل( انتبهي لو حجم البطاطا صغير الوقت بيكون اقل)
ونكون مجهزة الفرن ساخن علي درجه حرارة عالية نوعا ما
نخرج البطاطا من المايكرويف ونعمل فيها علامه زايد بالسكين ( نفتحها طبعا )
ونحط في وسطها زبدة او ممكن زيت لو تحب
وتوضع في الفرن حوالي 5 دقايق
وبعدين نضع عليها جبنه سايله من فوق ( اني استعملت فيلادلفيا ومرات نستعمل في كوتج تشيز او مودزاريلا)
وممكن تحطي مع الجبنه ايي حاجه تحبيها متلا نعناع جاف او زعتر او ايي نكهه او مش لازم
وتردها الفرن حوالي دقيقتين او حتى ادوب الجبنة
وبعديناضيفي لها ايي حاجه
ممكن تونة ممكن جبنه موتزاريلا وطماطم وممكن جبنه الفيتة ( المالحه) او سردينه الخيار ليكم ايي حاجه
ممكن فاصوليه معلبه ممكن تونة ومايونيز تخلطيهم مع بعض ( زوجي يحبها بالتونة والمايونيز )
اني حطيت درة معلبه تهبل بجد
وتزيني الصحن بسلطة
وتقدم وهي ساخنه
وهادي اقرب
ايي استفسار تفضلو
(((((((( ملاحضة === الصور من مطبخي ومن عمل ايديا بس sanfoora اسم معرف ليا في منتدى تاني )))))))
الروابط المفضلة