شعار₪طبق متميز₪ الديك الرومي المحشي ...يا لزيز يا رااااايق .. بالصور

**Dandoon** · 05-05-2007, 10:36 PM

السلام عليكم و رحمة الله و بركاته

كيفكم يا قمرات
هاد يا طويلات العمر من زماان و انا نفسي اعمل الديك الرومي في سبيل الحصول على شهادة الايزو في الطبيخ من زوجي العزيز .. و كنت هيبانة منه كتير لكن سبحان الله طلع ابن حلال و محترم

.... ما بدي اطول .. هاي الطريقة بدون مقادير لاني للاسف اشنع وحدة بالمقادير كله بالنظر

نبدأ بسم الله
الديك كان حجمه صغير نسبيا يعني حوالي 3.3 كيلو .. وهاي شكل المحروس مع الدبوس الي هو مؤشر الطهو ( نوعه كان ساديا البرازيلي .. يمكن في انواع تانية الها نفس المؤشر بصراحة مفيد خاصة للمبتدئات

اول شي طبعا بتخليه يليذوب التلج عنه .. و رح يطول بده ليلة كاملة يمكن
بعدين بتنظف منيييييييييييييييييييح و بينفرك بالملح عشان اذا في بقايا دم او شي ، و بينشال الدهن و خاصة من الرقية اكتر مكان مدهن .. و بتغسلية بعدين ب خل و بتحطي فيه شرحات ليمون في داخله و تحت جلده و اي مكان ممكن توصليه و خليه كم ساعة. ( و كل وحدة ممكن الها طريقتها بالتنظيف بس هاي طريقتي )

بعدين في صحن عميق بتحطي البهارات .. و هي راجعة لرغبتك انا استعملت :
بهارات مشكلة
زنجبيل مطحون شوي
كمون
قرفة
كاري
بابريكا
فلفل ابيض

بتضيفي زيت زيتون و عصير ليمون و بتخلطي حتى يصير متل المعجون .. و بتطلعي شرحات الليمون من الديك..
بالسكين بتطعنيه عده طعنات.. عفوا قصدي بتعملي شقوق فيه و بتبلشي تدهني البهارات و الزيت في كللللل مكان و ضلك عيدي و زيدي لحتى تلاقي البهارات وصلت لكل مكان جوا و برة

الديك الفصيح بعد التتبيل

و بتخليه بالتلاجة لتاني يوم و ممكن عدة ساعات اذا كنت مستعجلة

هلا بتحضري الحشوة.. و بتحشي الديك قبل ما تدخليه الفرن مو قبل بكتير
الحشوة عبارة عن لحمة مفرومة معصجة
بقدونس مفروم
لوز مقلي
رز منقوع بينسلق نص سلقة و بس تتنشف المي عنه بتخلطي باقي المكونات
و هاد شكل الحشوة بس مو مبين البقدونس .. و ما حد يسالني ليه هيك شكل الطنجرة

بتحشي الديك و بتخيطيه ( خلي شوية فراغ لانه الرز رح يكمل استواء) و ربطي رجليه منيييح و كتفي الاجنحة لورا ( تعذيب)
حطيه بصينية و حطي معه كوبين اوتلاتة ماء مذوب فيهم مكعب ماجي
و غطي الصينية بقصدير و سكريه من كل الجهات
سخني الفرن على حرارة170-180 ( اعتقد 325-350 ف) و حطي الديك وعيري الساعة بعد ساعة ونص
بعد ساعة و نص اكشفي عنه و شيلي القصدير رح يكون المؤشر طلع من مكانه

معلش مكان الطعنات واضح
هلا بتجيبي اصبع اواتنين زبدة مسيحة بحرارة الغرفة(مو سائلة) و ادهني الديك من كللللللللل الجوانب و حتى من تحت ... و رجعيه عالفرن (بدون القصدير) و هالمرة عيري الساعة على ربع او تلت ساعة بالكتير
بتصيري كل ربع ساعة تسقي الديك من المرقة اللي في الصينية و اذا كانت الصينية قلت فيها المي بتزيدي ماء مغلي شوي و هيك كل ربع ساعة لحد ما تهلكي

قصدي لحد ما يطلع المؤشر عالاخر و يتحمر الديك من كل الجهات ( اخد تقريبا 3 ساعات و انا زدت شوي لانه محشي)

وممكن قبل ما تشيليه من الفرن تحطي معاه الحشوة الزيادة .. احنا اصلا بنعملها زيادة بناء على طلب الجماهير

و بس سلامتكم قدمته مع :
سلطة جرجير

سلطة طحينية .. اكلت نصها قبل ما ييجو الناس

شيبس

و رز بالزبيب و المكسرات اللي ولا يمكن يعترفو اني طابخة لو ما كان موجود

و توتة توتة ...
ملاحظة مهممممممممممممة ... قبل ما تبداي بطبخ الديك تاكدي انه جرة الغاز مليانة لانه مو وقت مفاجآت

و دمـــــتم

**omnony** · 05-05-2007, 10:58 PM

يسعدني ان اكون اول من يرد
بصراحه وصفه روعه زي صاحبتها
تسلمي
الله لا يحرمنا من وصفاتك

**العجلونية** · 05-05-2007, 11:12 PM

هلا فيك اختي dandoon
وصفتك شجعتني كتير رح اجربه واشوف شو بيطلع معي
تسلم الايادددددددي طبق بشهي
وجزاك الله خيرا

**Dandoon** · 05-05-2007, 11:35 PM

كتبت بواسطة omnony

يسعدني ان اكون اول من يرد
بصراحه وصفه روعه زي صاحبتها
تسلمي
الله لا يحرمنا من وصفاتك

و انا بشرفني تكوني اول وحدة بترد
تسلمي لردك و ذوقك

كتبت بواسطة العجلونية

هلا فيك اختي dandoon
وصفتك شجعتني كتير رح اجربه واشوف شو بيطلع معي
تسلم الايادددددددي طبق بشهي
وجزاك الله خيرا

هلااا باهل عجلون

عندكم كتير حبش صح ؟؟
شكرا لمرورك

**فاطمـــــة** · 05-05-2007, 11:40 PM

يسلمووووووووو الاياااااااااااااااادي

**omroro-4** · 06-05-2007, 12:45 AM

تسلم ايديك الله يعطيك العافيه

**soso22** · 06-05-2007, 12:50 AM

ما شاء الله
شكله لذيذذذ كثيرررررر
تسلم الايادي

**رندوش** · 06-05-2007, 08:32 AM

اهلا اهلا اهلا اسفرت ونورت شو هالنور كله
انا قلت الشمس مالها اليوم اتاري دندونه عندنا يا مرحبا يا مرحبا
وشو جايبه معها ديك ووووووووووواو مشكوره وطريقتك شهيه خالص
يا طويلة العمر صحه وهنا على قلبك
ما تفكريني بالغاز دائما في العزايم بيخلص هههههه