الكمونية على الطريقة المصريةطريقة جدتى

**ghada00** · 05-05-2007, 05:29 PM

الكمونية على الطريقة المصرية علشان عيون اختى حبيبى يا رسول الله و لعيون كل بنات المنتدى
الطريقة دى انا مشهورة بيها متوارثة من جدتى و هى طريقة سهلى جدا:-
المقادير :
1/2 ك لحمة قطع و يفضل بها دهن خفيف
حوالى 10 فصوص توم مدقوق
معلقة كبيرة كمون مطحون طازة
- فلفل اسود - ملح فقط لاغير(ممكن اضافة قرن فلفل حامى حسب الرغبة)
سمن
الطريقة :

ندق التوم مش نفرمه و نضيف له الكمون و ندقه ناعم
نحمر التوم في السمن الى ان يدبل فقط وياخد لون خفيف مش يغمق
نضيف اللحمة و نقلب كويس جدا و نملحها بالملح و الفلفل
السر في الكمونية هو النار الخفيفة يعنى نوطى النار خالص حتلاقى اللحمة نزلت ماءها و شربته تانى
قومى بتزويدها بكوب ماء او اكتر و اتركيها لحد ما تستوى خالص
حاولى تخلى الصوص بتاعها مش خفيف و ده كل ما تكون النار خفيفة كا ما يتركز الصوص

و دوقى احلى لحمة كمونية بالصوص الاصلى و ادعيلى

هى سهلة جدا بس عايزة شوية صبر و بالهنا و الشفا على قلوبكم كلكم