سيزر تشكن برجر ... على طريقة ريتشل راي.. بتحريف من أم أيموني..
مسا الفل على الجميع ..
عادة كل جمعة بحب الأكل يكون خفيف .. ومن كم يوم طلعت رايتشل على التلفزيون وسوت هاد البرجر .. وزوجي إنجن عليه وقالي بدي ياه.. وأنا بصراحة ما كذبت خبر وسويته ولكن بتحريف من عندي يعني شلت مكونات وأضفت مكونات.. والنتيجة كانت ..
نخش على المقادير...
للبرجر..
4 باكيتات دجاج مفروم (يعني 2 كيلو)
1 ضمة بقدونس مفروم ناعم
1 رأس ثوم مقشر ومدقوق
ربع كوب بشر ليمون
نص كوب جبنة بارميزان
ملح / فلفل أسمر/بهارات/باربيكا/قرفة/جوزة الطيب مبشورة/وشوية بهارات برياني (بيعطي نكهة طيبة) ..(الكمية حسب الرغبة)
زيت زيتون للقلي..
خبز برجر (الدائري) مشوق ومحمص بالفرن..
تخلط المقادير السابقة وتعجن جيداً ما عدا زيت الزيتون .. ثم تقرص باليد على شكل دائري ممكن كبير ..صغير.. سميك.. رقيق حسب رغبتك.. ويقلى بزيت الزيتون..
البطاطا..
5 حبات بطاطا مقشرة ومقطعة أصابع ومسلوقة ربع سلقة ومصفاة من الماء
زيت زيتون
ربع كوب جبنة بارميزان /ملح / باربيكا/فلفل أسمر/روزماري/حبق ناشف .. يخلطو مع بعضهم..
نضع زيت الزيتون في صينية ونضع البطاطا ونخلطها بالزيت ونضعها في الفرن مع تحريكها بهز الصينية عشان يستو جميعا وبعد الإستواء .. نحمرها من الأعلى مع هز الصينية ثم نخرجها وندير عليها خلطة الجبنة ونقلبهم ونعيدها إلى الفرن وهو مطفي من النار ..
صلصة البندورة لتغميس البطاطا..
1 بصلة مفرومة ناعم + 3 حبات ثوم مدقوق+ 2 بندورة مقشرة مفرومة+ 2 ملعقة كبيرة صلصة بندورة+ملح+حبق ناشف+ فلفل أسمر+ باربيكا.. يقلبو على النار في طنجرة صغيرة بزيت الزيتون..
الخس+ صلصة السيزر..
ماسترد+ مايونيز+عصير ليمون+ زيت زيتون+ ملح يخلطو جيداًونصب فوقهم الخس المفروم ونقلبهم..
الآن التقديم...
في صحن حطي الخبز في جهة حطي البرجر والأخرى حطي الخس وعلى جنب البطاطا وديري عليها شوية صلصة وممكن تضيفي زيادة برجر..
وصحة وعوافي .. وهاي الصور....
رد مع الاستدلال
اكيد وحدة الي
الروابط المفضلة