بسم الله الرحمن الرحيم
كي دايرين ؟ لاباس؟مبارك عواشركم و انا اليوم جابية ليكم طبخة ديال كسوكسو و البرقوق و البيض.
بـــــــــــنـــــــــــــــــــــينة
و زويـــــــــــــــــــــــنة
المقادير:
ملاحظة:الطبخة لعشرة اشخاص و ما فوق
-2كيلو لحم غنم
-2كيلو بصل
-2كيلو سميد
- ربع كيلو زبيب
-1كيلو برقوق(الليمون)
-شوية السمن
-شوية الزعفران الحر
- معلقة كبيرة من البزار
-معلقة كبيرة من سكين جبير
-ملح
- خمسة بيضات مسلوقات
-ربطة قزبور المعدنوس
- اللوز والقفرفة
- السكر
الطريقة:
-ندير اللحم في البرمة معاه القزبور المعدنوس و جوج بصلات مقطعين طوال وجميع لقامة و شوية السمن و مفور عليهم السميدو البصلة الي بقات نعسلها و نزيد عليها الزبيب و نخليها على جنب و نسلق البيض و نخليه على جنب و نسلق البرقوق و نعسله ونحيد ليه العلفة ونسلق اللوز و نقليه ايواه من يطيب اللحم نجيب طبسيل طاووس كبير نحط شوية السميد نحط عليه اللحم الي عندي كله وندير عليه السميد الي بقى بحال القبة وندير البصلة المعسلة في الجناب بحال الدائرة ونسقف البرقوق من الفوق تا التحت وندير في اللوزة و نزوق بالبيض ونسقيه بمريقة اللحم.
بالهنا والشفا.
هذا اول موضوع لي ارجو المشاركة منكم.
كوسكوس بالبرقوق و البيض (خاص للمغربيات)
رد مع الاستدلال
الروابط المفضلة