الشيشبرك الفلسطيني..مصور..وعود وكل حبايبي رجعععععت بطبق زاكي*موضوع متميز**

**بنت مفيد** · 02-12-2006, 01:27 PM

كيييييفكم

رجعتلكم بعد انقطاع وانهماك بعمل كتابي تاع الخياطة طبعا يلي الله اعلم شو اخباره وشو راح يصير فيه

عملت من فترة شيشبرك وانا بحبها لهطبخه كتيير

وسهلة كتير وممكن انه نعمل الحبات ونفرزهم بالفريزر لاي وقت بالسنه

هي مكونه من عجينه سهله بدون خميرة :

كاستين طحين
نص كاسة زيت زيتون
نص ملعقة صغيره ملح ونص ملعقة صغيرة سكر

عجنتهم بمي دافيه بس ما قدرت المي كم بس انه نحط مي لحتى تتجانس العجينه ونعجنها لتطرى والسر لنجاح اي عجينة انه نعجنها اد ما نقدر لوقت كويس:

اضفت المقادير

عجنتها لحتى طريت وتركتها ترتاح:

بعدين حضرة الحشوة:

لحمة عجل مفرومه ناعم
بصلة
كزبرة خضرا

قليت البصلة واضفت اللحمه ولما استوت حطيت الكزبرة الخضرا شوي مو كتير وقلبتهم :

بعد ما ترتاح العجينة نص ساعة بنفردها وتكون العجينة نوعا ما رفيعة ونقطعها دوائر في قطاعة خاصه للحلويات بس انا ما بستعملها واستعملت كاسة تمها صغير:

وبنحط الحشوة وبنسكرها اول شي زي القطايف:

وبعدين بنثني الاطراف على بعض:

بنصفهم بنصينية مدهونة شوية زيت وبنشوي بس وجهها يعني النار من فوق بالفرن:

بنسن اللبن :

انا استعملت علبة كيلو لبن رايب وحطيت معها ملعقة كبيرة طحين واربع سنون تومه مفرومين وكنور بودره وحركتهم قبل ما احطهم على النار وضفت شوية مي باردة وبعدين حطيت الطنجره على النار مع التحريك المسسسسسسسستمر حتى يغلي ولما غلي اضفت الشيشبرك المشوي وخليتهم يغلو تقريبا عشر دقائق:

في ناس بحبو يحطو رز طبعا مفلفل يغلي مع اللبن والشيشبرك

بس انا بحب افلفلة لحاله ومش ضروري الزر هي بتتاكل بدون رز برضو بس لانه ولادي صغار بحب اعملهم زر مع الشوربة تاعة الشيشبرك وبتتاكل اما بارده او ساخنة:

**بنت مفيد** · 02-12-2006, 01:39 PM

يااااااااااااااااريت يتزبط الوضع كلمة فلسطين فيها استيييييييييييييييييين

**ام البنات ** · 02-12-2006, 02:41 PM

هلا و غلا بمن عاد الينا

هلا بيك يا قمر
و اهلا بعودتك يا غالية
اشتقنالك كثييير حبيبتي

تسلم الايادبي عالشيشبرريك اللذيذ

و الله يعطيك الف عافية

يااااااااااااااااريت يتزبط الوضع كلمة فلسطين فيها استيييييييييييييييييين

عدل يا قمر مع انه كان نفسي اتركها زي ما هي ذكرتني بالفطائر الروسية البلاشنكي هههه

فاكراها

**بنت مفيد** · 02-12-2006, 04:32 PM

ههههههههههههههههههه بعدك متزكرة اسمه للبلاشنكي !!!والله انك عسل بس منيح زبطيتها كان انفضحت مش عارفة اكتب لازم فضايح النحو اللغويييييييييي

شكراااااااا الك يا غااااالية ولسه في مفاجئئئئئئئئئئه بتجننننننننن وما حد عملها او خطرت بباله بقسم الحلويات لعمل كيكة سنكرز ما فيها اي سنكرز نهائي(حزيره)؟؟ بس بتاكليها وبتكون محشيه نفس حشوة السنكرز وجبت الطريقة من مرة عمي الروسية بستعملوها الورسيات من زمان واحنا اخر من يعلم..انتظروني برضوا بقسم الحلويات يا حلواااااااااات او اخليها لشي مسابقه او شو؟؟؟

**أم فئ** · 02-12-2006, 05:20 PM

جزاك الله خيرا

وتسلم ايديك

شكلها لذيذة

**omroro-4** · 02-12-2006, 05:28 PM

تسلم ايديك تشهي ووراك على قسم الحلويات لا تتاخري

**رندوش** · 02-12-2006, 06:15 PM

بنت مفيد اهلا يا قمر مشكوره طبق شهي كتير
انا بعمله بس الشيش برك بيكون مش محمر كتير
يعني يدوب بتنشف
بس تعي هون الطبق هاد في ركن الاطباق الرئيسيه
سلمي نفسك احسنننننننننننننننننننننننننننننننننن السين ترجعععععع

**fantasy** · 02-12-2006, 07:47 PM

يا هلا بلمبدعة بنت المفيد نورتي النت بوجودك
الله على الشيشبرك من افضل اكلاتي لي روعة وجميل ولذيذ بنفس الوقت ابعتيلي
صحن federal express افطر علية بليز

**بنت مفيد** · 02-12-2006, 09:08 PM

ام فىء حبيبتي اشششششتئتلللللللللك كتتتتتتير كلك زوووء يا غالية

ام رورو ان شاء الله اول ما اعد الموضوع اكييد راح يعجبكم باذن الله

رنوش يعني انفضحححححت بالسسسسسسسسسسسين هههههههههههه

بعدين هون وهناك زي بعضو يلا مشيهاااااااااااااااااااااااااااااا اما التحمير حتى ماما بتحكيلي ليشششششششش بتحمريه هيك كتير بحكيلها انا بحبه محمر بحسه بيعطي طعم اكتر من طعم العجين ؟؟بس ماما زيك ما بتحمرو زي يا غاليييه

فانتسي اعتبري الصحن وصلك على البيت واي خدمه يا عسل من عيونييييييييييييييي