أخواتي فيه أكلة معينه أكلتها بمطعم هندي إسمها( إدراكيه ) هي عبارة عن إيدام أو

ماسالا وماأدري أخواتي اللي من الخليج على ماأعتقد يسمونه (مرق ) ماأدري ... المهم الأكلة هذي

دخلت مزاجي ولذيذة جدآ تقدم مع خبز النان .... المهم أنا وأختي متحدين بعض مين تعرف تسويها ...

عشان كذا كتبت هذا الموضوع أبيكم تساعدوني لو على الأقل بطريقة مشابهه لها .... الأكله هذي على

ماأعتقد تحتوي على لبن زبادي / زنجبيل وأكيد قطع من صدور الدجاج ( نوعآ ما شبيه للكاري ) بس

ألذ ... حاولوا يابنات وساعدوني .... مشكوراااااااااات مقدمآ ...

هلا بك حبيبتي اكتب لك طريقه وشوفيها اذا هي
ست قطع صدور دجاج مخليه من العظم + ملعقتان شاي جرام ماسالا + ملعقتان شاي كزبره ناشفه مطحونه + ربع ملعقة شاي شطه + ثلاث فصوص ثوم مدقوق + ملعقتان شاي زنجبيل طازج مدقوق
او مبشور+ ملعقتان اكل خل + ربع كوب صلصة طماطم + نصف كوب روب + بصله كبيره + زيت
عود دارسين + اربع هيلات مدقوقه شويه + ملح + ثلاث ملاعق شاي بابريكا + نصف كيلو طماطم مطحون او مبشور + ربع كوب شوربة دجاج او ماجي + كوب كريم
الطريقه:
قطعي الدجاج الى قطع كل صدر الى ثلاث قطع
ضعي البهارات والثوم والزنجبيل والخل وصلصة الطماطم والروب في وعاء ويخلط بعدين نضع قطع الدجاج في الخليط ونقلبه ويغطى ويوضع في الثلاجه طول الليل
يقطع البصل يسخن الزيت في قدر ويضاف البصل مع الدارسين والهيل ويقلب الى ان يحمر البصل
ثم يضاف الدجاج المنقوع مع بقية الخليط ويقلب لمدة خمس دقائق
يضاف الملح والبابريكا والطماطم وشوربة الدجاج ويترك يطبخ لمدة عشر دقائق مع التقليب
ثم يضاف الكريم ويخلط ويغطى ويترك يطبخ الى ان ينضج الدجاج ويقدم
ان شاء الله تكون هي واذا لا فهناك طرق اخرى اكتبها لك

حنان البحرين = ست بيت من الدرجة الاولي

اشكرك يا زينة البنات وتسلمين

أشكرك أختي حنان البحرين ... بجرب طريقتك وأنا متأكده إنها راح تضبط ... يعطيك

العافية ...

الله يعافيك حبيبتي بس جربيها وخبريني بالنتيجه

برافو حنان البحرين

من فضلك حنان شنو هو الماسالا

هو بهار هندي اسمه جرام ماسالا ومتوفر في السوبر ماركت بهذا الاسم
واذا لم تجديه سااكتب لك محتوياته واعمليه بالبيت

ما شاء الله عليك حنان
الله يوفقك دائما تتحفينا بخبرتك الحلوة بالاكلات و المطبخ
الله يبارك لك في وقتك و كل ما تملكين