NANAباركة عليك واحد الطحان ياك راجلك كيبغي غير الكبدة خخخخ

السلام عليكم ورحمة الله وبركاته البنات عندي ليكم واحد لسؤال شكون الي كتعرف للمقيلة تعتقني بها حيت تلف ليا كتاب الطبخ وهذا العيد واتبرك الله عليكم راكم خدامات هدشي كيفرح الخاطر

اختي ايلا ما عرفتش شنو بغتي بالضبط واش التقلية لهي الدوارة او اللحم محمر يعني حميس شرحي ليا باش نقدر نساعدك
فيروز عندك الصح نطيب غير واحد باركة هاهاه الله يعطيك الصحة

السلام عليكم ورحمة الله وبركاته المقيلة هي وصفة كيعملوها الناس ديال سلا وهي فيها نفس مقادير القديد غير انا مابقيتش عاقلة علي الطريقة حيت غير كتبتها وعمريماعملتها

أخواتى في الله
أحييكم تحية حب و مودة
وأشكر كل الأ خوات مشرفا ت ومشاركات على هذا المنتدي الرائع و عيدكم مبارك سعيد.
الي الأخت التي طلبت المقيلة.
5 فصوص ثوم مدقوقين مع ملح، نضعهم في طنجرة بها ليتر ونصف زيت ثم نضيف
2 كيلو لحم ونقلب حتي يتشرب اللحم التوابل، ثم نضيف 250غ شحم مطحون ونترك الكل
يطبخ حتي يسهل نتش اللحم بالاصابع ثم نضيف القسبور بودر و نقلب ثم نتر كه
10د تقريبا ونطفيء النار وبالصحة والراحة .

شكرا ام بلال الله يعطيك الصحة

شكون بغات البكبوكة أنا وجدية الى بغيتو نكتبها ليكم راه درتها هاد العيد و جات زوينة بزاف

سلام على كل المغربيات الحادكات تبارك الله عليكم

هدي طريقة المقيلة جربتها البارح أو جات غزالة أوراني خديتها من منتدى مغربي


ـ اللحم طريفات صغار (كيلو)

ـ الشحمة ديال لكلاوي مطحونة( نصف كيلو)

ـ كأس كبير من زيت المائدة (نصف لتر)

ـ 2ملاعق كبار قزبور يابس مطحون + ملعقة كبيرة من الثوم( محكوك أو مطحون ) + 2 ملاعق كامون + الملح حسب الذوق

كنخلطو الكل في الطنجرة ونتركه مدة ساعة حتى يترقد ونوضعو ها فوق النار حتى تشحر ونضيفو عليه كأس من الماء ونتركها تطيب على مهل حتى يطيب اللحم وتنشف من الماء ما تبقى (فيها حتى قطرة ) ولما تبرد نوضعها في قرعة من الزجاج ( تكون معقمة ) باش ما تخسرش ونغلقها مزيان ونوضعوها في الثلاجة وطروق الإستعمال دياله على هذا الشكل، يمكن لك تطيبها مع( البيض ) وتقدمها مع الشاي ويمكن لك تعمري بها (الرغايف ) وتقدمهم مصحوبن بالشاي وبالصحة والرحة

بسم الله الرحمن الرحيم شكراالبنات على المساعدة راني داباغنبدا فيها وكذلك اريدان اشكر على الوصفة ديال الكاشير كيجي اغزال وكذلك الوصفة الديال السمن وجدت منوا نصف كيلوا وفرقتوا على البنات واعطيتهم الطريقة وكلهم اعجبهم اتبارك الله عليكم البنات والله يخليكم لينا .

ela السلام عليك نعطيك اختي لمقيلة
4 ريوس ديال الثوم مدقوقين+ القزبور حبوب مدقوق+الكامون+ الملح+ 2كيسان ديال الزيت تخلطي كل شي و ترقدي فيه اللحيمات ( العضيمات اللي كيبقاو مللي كتقطعي القطبان ) ترقديهم ساعة من بعد تاخدي 2 كيلو شحمة و تقطعيها مزيان رقيقة او تطحنيها+كاس الزيت + 2 كيسان ماء و تطيبها حتى ينشف الماء من بعد تزيدي اللحم المرقد + كاس ماء كبير و تخلي حتى يطيبو اللحيمات و تعمليه في شي حاجة ديال الزجاج لانه كيبقى بحال الخليع هو اصلا خليع باللحم طري و لكن هههههههههههههههههههه الكوليسترول