ياسلام على صينية بطاطس بالصلصة او باللحمة المفرومة

حبايبى انا زى ما وعدتكم مش بحط غير الاكلات اللى بعملها فى البيت علشان مفتيش واخترع
المكونات
1 كيلو بطاطس مقشرة ومقطعة طرنشات سمك القطعة حواللى نصف سم
نصف كليو طماطم تضرب فى الخلاط مع 3 قرون فلفل اخضر و50 جرام ثوم
3بصلة كبيرة مقطعة طرنشات رقيقة
كمون وفلفل اسود
2 مكعب ماجى ممكن تحطيه يضرب فى الخلاط مع الطماطم والثوم والفلفل
ملح طبعا حسب رغبتك ونظرتك
مرق تزودى به الصينية
ربع كوب زيت
الطريقة
نقوم بوضع ملعقة الكمون والفلفل الاسود على البصل المقطع فى الصينية ونقوم بخلطهم سويا مع الضغط قليلا عليهم حتى تشعرى ان البصل بدا فى ان يزبل قليلا
بعد دعك البصل قومى بفرده فى الصينية اى اعملى طبقى بصل فى الصينية
تعالى بقى للبطاطس
مش هنحطها كده بشكل غبى
لا
اعمليها ورده
عارفة ازاى؟؟؟؟؟؟؟؟؟؟؟
اقولك
جنب جدار الصينية حطى واحدة بطاطس ونيميها وعليها واحدة تانية وكل واحدة هتبقى نايمة على اللى قبلها لحد ما تلاقى نفسك خلصتى الوردة ووصلتى لاول بطاطسية نيمتيها
بعد كده فى الفراغ اللى فى النص
قومى بوضع الطماطم المضروبة وهزى الصينية علشان الطماطم تكون محيطة بكل البطاطس وتسويها كويس
واخيرا حطى الزيت والماجى لو مكنتيش ضربتى الماجى مع الطماطم
حطيها على عين البوتجاز من فوق على نار هادية نسبيا وغطى الصينية
ولما تحسى ان الطماطم قربت تنشف زودى شوية ماء او مرق ومتنسيش تظبطى الملح
بعد حوالى ساعة الا ربع
ولعى الفرن على النار الهادية وانتى بتولعى الفرن خليه على نار عاليه والبطاطس لسة على العين وسيبيه حوالى عشر دقائق حتى يحمى وبعدين نزلى البطاطس فيه ووطى الفرن على الاخر وسيبيها فيه لحد ما تحمر من فوق براحتها وبالهنا والشفا

تسلم اياديك حبيبتي على الاطباق اللذيذه يعطيك العافيه

شكرا لكى انتى حنان البحرين على ردودك يا عسل وكل سنة وانتى طيبة

شكرا حببتى واكلة جميلة وياريت المزيد من الاكلات المصرية والجديدة وياريت الصور وجزاكى الله كل خير

حبيبتى مرات اجمل زوج حاضر من عنية هحالو اجيب الصور بس مش عارفة اصلا احطها ازاى

عزيزتي نوجا اليك هذه الرابط سيساعدك على تحميل الصور

طريقة كتابة موضوع في المنتدى وإدراج صورة فيه ..خطوة خطوة مدعم بالصور

شكرا يا احلى حنان

ها نحن هنا محدش عاوز اكل مصرىولا ايه

شكرا ع المشاركه

شكرا لكى انتى يا زهرة ونورتى المنتدى يا قمر