هاتى رغيفين وتعالى كلى مسقعة وكسرى اى ريجيم ده انتى فى مصر

**نوجا28** · 15-10-2006, 01:50 AM

بسم الله الرحمن ارحيم مش هطول عليكم

المكونات

1 كيلو بدنجان رومى واللى مش عارفة الرومى تبقى تجيب اى بذنجانعروس بس مش مبذر مش هتفرق كله بدنجان والسلام
نصف كيلو فلفل رومى وياريت كام قرن فلفل حراق علشان تحلو معكى اكتر
نصف كيلو او كيلو بطاطس زى ما تحبى او شوفى انتى بتحبى البطاطس اد ايه
زيت للقلى
1 كيلو طماطم
100 جرام ثوم
بهارات وملح وفلفل حسب رغبتك
3 ملاعق طعام خل

الطريقة يا قمر

تجيبى البذنجان وتغسليه وتقطعيه اذا كان بدنجان رومى قطعيه طرنشات سمك الواحدة حوالى 1 سم
واذا كان بدنجان عروس قطعيه نصفين
ورشى عليه شوية ملح وضعيه فى مصفى على حلة فارغة حتى يصفى بعض ماءة ولا يشرب منك زيت كتير وفرى شوية خربنا بيوت الرجالة

واتركيه فى الملح مده حوالى ساعتين
قشرى البطاطس وقطعيها اصابع طولية وانقعيها فى شوية خل وملح وبردوا سيبها جنب اخوها البدنجان
الفلفل بقى اغسليه ونشفيه وشقيه علشان ميفرقعش

فى وشك وتبقى عفريته علشان اكله يا عينى
اول حاجة تقليهابقى هى ايه البطاطس وبعدين نقلى البدنجان وبعدين الفلفل
بعد ما تخلصى قليه تجيبى باقى الزيت اللى فضل من القلية قلنا لازم نوفر وتحطيه فى حلة على النار وتحطى فيه الثوم المدقوق ولما يصفر الثوم تضيفى له الطماطم المضروبة فى الخلاط لحد ما يتسبك يعنى تلاقى الزيت يعوم على وش الطماطم بعد ما تتسبك ضيفى الخل والبدنجان والبطاطس والفلفل والتوابل علشان تفضل ريحتها وارهنكم لو حد بطل يعملها ولو مرديتوش م هعملكم اكل تانى وهتموتوا من الجوع وبالهنا والشفا