مفيش بعد ملوخيه ومسقعة مصر مش مصدقة تعالى دوقى بنفسك ومن غير تخاريف شيفات التلفزيون

**نوجا28** · 15-10-2006, 01:07 AM

بصوا بقى هقولكم على ملوخية ومسقعة مصرى 100% ومن غير فشر وتخاريف الشيفات بتوع التلفزيون هاتى يا حبيبتى طبلية واقعدى معايا نخرط الملوخيه

اولا الملوخـــــــــــــــــــــــــــــيه

المكونات
1 كيلو ملوخيه خضرة مش معلبه لا هاتيها وقطفيها واغسليها وخرطيها متتكسفيش دى وظيفة اى ست بيت ومفيش كزبرة خضرة ده اختراع منعرفوش ولما جربناه طلع ياريت ما عرفناه
بصى بقى يا ستى المرق حسب درجة حبك لقوام الملوخية يعنى لو بتحبيها غليظة القوام نسبيا هاتى لتر واحد مرق
ولو بتحبيها خفيفة شوية هاتى حوالى لتر وربع او لتر ونصف
كزبرة ناشفة وركزى قلت ناشفة ومطحونة كمان
طبعا مش محتاجين اقولكم المرق بيبقى ازاى
على راى سمير غانم الفرخة تحطيها فى المية تبقى شوربة يا لينا
وياريت فرخة محشية زى اللى انا عملتها لكم قبل كده
50 جرام ثوم
3 ملاعق سمن بلدى او اى نوع المهم اى حاجة نحمر الثوم فيها
بصى بقى يا ست الكل

الطريقة

تجيبى الملوخية وتقطفيها يعنى تشيلى الزهرة وبس اللى فوق وبعد ما تقطفيها تغسليها وتحطيها فى مصفى تصفى ميتها ولما تنشف تجيبى كيس نضيف تفرديه على ترابيزة نضيفة بردوا مش عاوزين كروتة وتحطى الملوخية على الكيس وتخرطيها بالمخرطة
بعد كده نحط المرق على النارونضع فيه مكعبين الماجى لحد ما يغلى ولما يغلى نضيف الملوخية المخروطة بالمخرطة مش الجاهزة اللى شكل الحنة دى استغفر الله شكلها يقرف بس المضطر بقى ربنا ما يحوجنا لها
المهم لما الملوخية تغلى غلوتين نشيلها على حنب ونغطيها بعد كده نجيب الثوم المدقوق بالهون او باى حاجة المهم ميكنش فصوص ونستهبل والراجل يلاقى القلم فى الكفتة
المهم
تجيبى الثوم المدقوق ونضعه فى السمن على النار حتى يحمر مع الكزبرة الناشفة ومن ثم نطش الملوخيه ونغطيها تانى
وبالهنا والشفا

طبعا مش محتاجة اقولكم الملح حسب رغبتك ونسيت اقولكم ممكن تضربى 2 حبة طماطم بفصين ثوم نىء فى الخلاط وتصفيها من البزر والقشر وتضيفيها للمرق وهو على النار قبل ما تضيفى الملوخية

**omroro-4** · 15-10-2006, 01:23 AM

ياعيني ياعيني هو في اطعم من الملوخيه المصريه تسلمي الله يعطيك العافيه
وبانتظار المسقعه لا تنسي

**نوجا28** · 15-10-2006, 01:36 AM

يا قمرى مش هنسى بس ايدى وجعتنى شكلى وقعت فى حلة الملوخية وتحت امرك

**أم سارة 2** · 15-10-2006, 11:31 AM

أسعد الله صباحك بكل خير ، والله صادقة يا حبيبت قلبي نوجا هو في أفضل من إن الست تطبخ الملوخية بإيديها مش تعتمد على الجاهزة اللي الله يعلم دي ملوخية ولا إيه ، الله يسامحك يا نوجه جوعتينا وإحنا صايمين ، تسلم إيديكي يا عسل .

**سارة هانى** · 15-10-2006, 03:28 PM

والله كلامكم كلة صحيح الملوخية الخضراء احسن اكتييير من الملوخية الناشفة او المعلبة بس لو بعد اذن نوجا 28 هضيف حاجة صغيرة اوى انا بعملها بعد ما كانت الملوخية بتطلع معايا سيييييييييييييييييييييييييييييييئة الى اقصى حد اولا الشوربة بحط كمية صغيرة جدا ولما تغلى اضيف الملوخية وبعد لما احط او اطش الملوخية ازود باقى الشوربة لحد ماتكون بالسمك الى انا عوزاة وفية حاجة كمان اول لما تحطى الملوخية منقلبش ابدا نسبها تغلى شوية وبعدين مش كتير يعنى غلوتين .
على فكرة انت كدة بالطريقة دى هتضمنى ان السمك يكون زى ما انت عوزاة وكمان هتضمنى حاجة تانيه انا الملوخية متبقاش سايطة

**حنان(البحرين)** · 15-10-2006, 03:35 PM

صح كلامك الملوخيه الخضراء احسن والذ ومشكووووووووره حبيبتي على الطريقه اللذيذه

**mirror** · 15-10-2006, 06:31 PM

ممكن اضيف اضافة نخلي الشوربة تغلي ونضيف لها ملعقة كزبرة وثوم قبل ما يتحمر وبعد كده نسقط الملوخية و نكمل

**omm habiba** · 15-10-2006, 07:26 PM

جزاكم الله أختى كل خير

**نوجا28** · 15-10-2006, 11:59 PM

حبايب قلبى بالهنا والشفا ومفيش زعل من اى اضافة احنا هنا علشان نستفيد وكل سنة وانتم طيبين وشكرا لكل اللى كان ايجابى ورد او اضاف شىء اتعلمنا منه حاجة جديدة

**لوٍـوٍـوٍلــــي** · 16-10-2006, 11:40 AM

ميرسييييييييي يانوجا والله ان كلامك صحيح اول قبل رمضان اخوي بيموت على الملوخيه طبعا الاخ لديه طقوس

خاصه واكلات خاصه المهم كنت بعمله الملوخيه المجمده لاني كنت اشوف بالمسلسلات المصريه تقعد الست وتنتف

في هالملوخيه وتغسل وتخرط وقلت اوووووه شكلها شغلانه الملوخيه الطازجه ومرت الايام تلو الايام ونحن

عالمجمده ومامي جابت بالصدفه ملوخيه طازجه المهم طبخناها وطلعت ريحتها صح وااااو تاخذ العقل بس انتو

معلمين الملوخيه يااهل مصر ابعث لكم تحيه من ارض الحرمين

وكل عام وانتو بخير