طبق للغداء
طبق لذيذ كوجبة غداء
السلام عليكم بنات وعساكم على القوة
أختكم الإسلامية معها أطباق بس شنو أطباق جدا لذيذة ومجربة وخطوة بخطوة عشان يصير كل شيء تمام
بسم الله نبدأ
أول شي نحتاج قطع لحم مقطعة مكعبات ( وتكون هبره) أي لحم الفخذ
نحتاج بامية على حسب الذوق
نحتاج جزر شبنت ( يوجد من يسميه اشبنث )
الخضاروات على حسب الذوق جيبي أي نوعين وحطيهم على جنب
نحتاج ربع ملعقة من الزبدة ملح 3 فصوص ثوم ملعقة شوفان صغيرة صلصل طماطم
ماء مغلي ......... بهارات على حسب الذوق ( اهم شيء الكزبرة تعطي نكهة وشوية روق نعناع أو ريحان مجفف )
ومن أجل الرز نحتاج
كوبين رز
4 حبات جزر كبيرة ملح
ربع كوب ماء أو زيادة أشوي نصف فنجان زيت
ونبدأ الشغل
تنظيف اللحم شيء مهم
بعدين نجيب( جدر)
نذوب الزبدة ونحط عليها ملعقة كبيرة ثوم مقطع بصورة صغيرة
وبعدين نضيف اللحم ؟؟؟؟؟؟؟ لاتقولون ليش زبدة و اللحم دسم
السبب إن الزبدة تسد مساما اللحم مما يودي إلى احتفاظه بالقيمة الغذائية
وبعدين سلمكم الله تخلون اللحم 5 د ينحمس مع الزبدة والبهارات ........ على فكرة الزبدة لا تكون حارة
يا دوب مذوبة عشان الثوم لا يحترق
وتسكرون الجدر علية
وتضيفين الماء وتتركينة نصف ساعة كل ما قل الماء زيديه اشويه
وبعدها تقطعين الجزر على الشكل اللي تحبينه دوائر أو مستطيلات كل وحدة وذوقها
وتضيفينه على اللحم وتحطين معاهم الشوفان وملعقة الصلصل الأحمر
وبعدها البامية وانصحك تقلينها بشوية زيت عشان ماتفتح أثناء الطبخ
وتسكرين الجدر......... وعلى نار هادئة حتى تستوي البامية المقلية ما تأخذ وقت
نجي على الرز أو العيش ......... يسلام طريقة إجنان عشان تسوينه والله يبنات رهيبة لأبعد الحدود
تعطي الرز منظر لامع ونثري جربوها ماراح تندمون أبدا
1/ ابشري الجزر
2/ حطية بخلاطة العصير مع ربع كوب الماي خليها 10 دقايق حتى يكون العصير متجانس تمام
إذا عندك عصارة جزر تكونين ريحتي نفسك
3/ نجيب الجدر نحط الزيت لين يصير حار وبعدين نحط العيش وتكونون ناقعين الرز نصف ساعة بماء حار وطبعا مغسول عدل أكيد الكل عارف هذه النقطة
4/نضع الرز على الزيت ونخليه ونغطي الجدر ونتركة 3 أو 4 د
5/ نضع عصير الجزر و الماء المغلي علية حتى يغطي الرز تقريبا (1سم)
ونتركه على نار هادئة حتى درجة النضج
اشرايكم
فيه طريقة ثانية حق الرز مسلوق بماء وملح فقط
تكثرين الماء ولما يستوي
تجيبين أي صحن عندك شكلة حلو وتحطين الرز وبعدين تقلبينة
أو تكورين الرز بإيدك كل صحن كورتين كبار
أو يمكن استخدام طبق الكيك المجوف من النصف
كل بنت وذوقها
وتقدمين اللحم ومرقة البامية بجانبها
ولا تنسون السلطة ..............
على فكرة كثير من الناس وأنا منهم احب مع المرق الرز الأبيض
وانتوا على راحتكم
وبالهناء والعافية
رد مع الاستدلال
الروابط المفضلة