اقتراح لتسهيل الوصفات ياريت توافقونى عليه وتشتركوا فيه

**نوجا28** · 12-10-2006, 10:23 PM

حبايبى اعضاء منتدى لك انا كعضوة جديدة بس انا من زمان بتصفح المنتدى اكتشفت اننا بنشوف وصفات واللى ساعات بيمنعنا هو اما اسم بعض المكونات او جهلنا بها وعدم كيفية الحول عليها وهديكم مثال صغير اكلة كنتاكى مكتوب فيها بهارات ايطالية وانا افتكرتها حاجة صعبة اوى فاشتريتها من سوبر ماركت بعد ما دخت عليها بس قريت اللى مكتوب عليها
تتصوروا كلها شرقى 100% ريحان وروزمارى وبصل بودرةوزعتر وحاجات من دى والاسم انها ايطالى وبنلغى الوصفة علشان اسم ملوش وجود وعندى حلولو كتير بعد بحث وعناء واللى بتدور على اسم معين مش عارفاه او دايخة عليه فى مصر تقولى وهقولها عليه باذن الله وكمان هقولها جبته منين وبكام وتقبلوا فائق تحياتى

**نوجا28** · 12-10-2006, 11:00 PM

يا بنات ياريت يكون فيه ايجابية شويةلو عاوزين نستفيد من النت ومن اى منتدى نسائى معقول تمروا ومحدش يسال اى سؤال انا عن نفسى مش هتفرق معايا انا بس عاوزة افيدكم وبس لانى عاوزة اوفر عليكم التعب اللى تعبته وانا بدور وبفكر فى الوصفة ومش عارفة اعملها لانى مش عارفة اجيب المكونات مننين وكل سنة وانتم طيبين

**دنياء** · 13-10-2006, 01:49 AM

مشكوره اختي على الموضوع حبيت اسئل لو عندك خلطات السريه للمطاعم تكون مجربه ومضمون
حاليا ماعندي اي اسم لبعض النكهات لان انا عندي كتب ومافتحتها اول ما الاقيها ابرسلك وشكرا
اختك دنياء

**نوجا28** · 13-10-2006, 03:25 AM

نورتى الموضوع يا حبيبتى
انا بصراحة جربت كنتاكى وجربت اكلات كتير من النت ونجحت معايا اوى بس بصراحة مش زى ما قريتها انا ظبطتها بعد كذا مرة ومخدتش بكلام صاحبة الوصفة بالظبط بس كنت باخدها باحساسى اكتر منها حلويات ومنها اكلات
رئيسية وجربت كنتاكى والكول سلو والهمبرجر وحاجات كتير بس دول فكراهم دلقوتى واى وصفة مصرية انا جاهزة واى وصفة جربتها وتسالى عليها هقولك تامرينى يا حبيبتى

**مرات اجمل زوج** · 13-10-2006, 03:38 AM

والله يانوجا الف الف شكر والله كلامك كلة صح ولو شوفتى ردى على بعض الاشياء حاتلاقى دايما بساءل منين او معاناها اية عندنا هنا فى مصر لان فى ساعات حاجات انا ماسمعتش عنها قبل كدة وخاصتا من اخواتنا العرب وجزاكى الله كل خير وكل سنة وانتى طيبة يارب

**نوجا28** · 13-10-2006, 03:39 AM

حبيبتى دنياء انا قريت كتير عن وصفات كنتاكى وجربتها كلها
نزلت اشترى المكونات لقيت اشترى كنتاكى ارخص
طيب والحل

الطرق البديلة
اقولك بقى الطرق البديلة
بصى يا ستى
جلوتومات الصوديوم هو مش غالى اوى الكيلو ب30 جنيه ولازم سوبر ماركت كبير البهارات الايطالى دى مش معضله دى عبارة عن بهارات شرقية 100%
زعتر وريحان ورزومارى وشطة وبودرة بصل واريجانو وثوم بودرة وبردقوش والكلام ده عرفته بعد ما كعيت حق البرطمان من ايزيس 70 جرام ب6 جنيه مصرى
المهم
الملح الصينى اللى هو جلوتومات الصوديوم ده تعوضيه بمرقة ماجى او فاين فودز الفورية
وبصى على العلبة هتلاقى مكتوب عليها فى المكونات مونو صوديوم جلوتومايت
نيجى بقى لثوم البودرة
قشرى الثوم حطيه فى صينيه صغيرة وهو فصوص زى ماهو فى فرن هادى اوى وبصى عليه كل شوية فى الاول هتلاقيه بدا يبقى طرى وبعد كده هيبدا ينشف لما ينشف اوى
اخرجيه من الفرن يبرد واطحنيه وهيبقى عندك ثوم بودرة بدل ما تشترى 70 جرام من ايزيس ب11 جنيه
البصل زى الثوم بس متحطيش البصل قطعة واحدة هو بيبقى ملفوف زى الكرنب فكى كل راق ورصيهم جنب بعض فى صينيه بردوا وبنفس الطريقة معلش تعبت من الكتابة
لو عاوزة اى وصفة قوليلى وهقولك على اللى جربته بنفسى مع تحياتى لكى ولكل الاعضاء

**نوجا28** · 13-10-2006, 03:44 AM

حبيبتى مرات اجمل زوج كل سنة وانتى طيبة وزوجك اجمل زوج طيب وربنا يخليهولك وميحرمكوش من بعض مش عاوزة اقولك انا تعبت اد ايه علشان اجيب شويه حاجات لوصفات بس الحمد لله بجد وصلت لكل حاجة تعرفى مرة دخت ونزلت من الدقى للمعادى علشان حاجة اسمها كريمة الترتار للتورتة بس بعد ما لفيت طلع الموضوع ممكن يخلص بنصف ليمونة واحنا هنا علشان نستفيد من تجارب بعض ونورتى الموضوع يا قمر وكل سنة وانتى طيبة وبعدين يا حبيبتى بالنسبة لاسماء المكونات عند حباينبنا العرب الحمد لله وصلت لها كلها واسالى ولا يهمك يا قمر

**إنجــــــــي** · 13-10-2006, 10:30 AM

اختي نوجا كلامك صح مية في المية وبمناسبة كريمة الترتار ممكن اتوضحيلي بالزبط
كيف بتنحل بنص ليمونة
واذا ندك وصفات لإستخدامها لأني كنت بقرا كم وصفة فيها بس لأني ماعرفتها ماكنت اكتبها
عشان هيك مش متزكراهة
شكرا مقدما ومعلش اذا كنت تقلت عليك

**نوجا28** · 13-10-2006, 03:38 PM

اهلا بكى حبيبتى انجيل لا ابدا ولا يهمك لا تقلتى على ولا حاجة تحت امرك يا عسل بالنسبة لكريمة الترتار انا قريت عنها فى مضوع عن الكيكة الاسفنجيه والهدف منها هو اننا بعد ما نضرب بياض البيض ويصبح كارينج اننا نحافظ على الهواء فيه لفترة طويلة حتى يتم خلط المقادير الاخرى وهى حمضية مثل الليمون انا حصلت عليها لكن بعد ما عرفت ان الليمون يفعل نفس مفعولها بالظبط ولذلك لم اعد اهتم بالحصول عليها وعندى البديل الارخص والمتاح وتحت امرك يا ست الكل

**دنياء** · 13-10-2006, 10:03 PM

مشكورره اختي نوجا بس بغيت اعرف بعض الطرق دجاج كنتاكي أو بيتزا هت ممكن اختي عندي طلب فيه
عندي صلصة اخذتها من منتدى اسمها صلصة تاباسكو اول مره اسمع عنها تعرفيها

اختك دنياء

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اقتراح لتسهيل الوصفات ياريت توافقونى عليه وتشتركوا فيه

أدوات الموضوع

العرض