بروستد روبيان والصلصة الروووووووعة بطريقتي بالخطوات المصورة..

**همسة غرام** · 09-09-2006, 01:27 PM

جربوا هالطريقة والله راح تذوقون طعم أحلى من طعم شرمبي ولا الصلصة كل من ذاقها قالي هذي صلصة شرمبي مو معقولة عمل البيت..

المقادير:
كيلو روبيان منظف ومقشر إلا القشرة الأخيرة والذيل لا تشيلونها "اللي تبي طريقتي بتنظيف الروبيان تقولي وانزلها اياها ان شاء الله"

2 بيض مخفوق مع م ك خل و الملح والفلفل الأسود
خلطة البروستد من ماجي
طحين مع الملح والفلفل الأسود

زيت للقلي

الصلصة:
4 م ك صلصة الرانش من كرافت
1 م ك مايونيز
1 م ك بصل مفروم ناعم جدا جدا جدا
1 م ك خل أبيض
1 م ص بابريكا
1 م ص فلفل اسود

للتقديم : بطاطس "أي نوع" والصمون الايطالي الشباتا "من المطاحن الكويتية"

الطريقة:
*عند تنظيف الروبيان لاتشيلون الذيل وأخر قطعة من القشر..

نغمس الروبيان بالطحين ونغطيه كله إلا الذيل بهالطريقة..

نغمس الروبيان بالبيض ونغطيه كله إلا الذيل "ولازم نخليه يقطر كل البيض الزايد بحركات خفيفة عشان ينزل " بهالطريقة..

**همسة غرام** · 09-09-2006, 01:28 PM

نغمس الروبيان بالبروستد ونغطيه كله إلا الذيل بهالطريقة..

نحط حبات الروبيان بطبق فيه ورق زبدة ومتباعدين عشان مايلصق على الطبق لما يجمد بهالطريقة..

نقلي الروبيان بعد مانطلعة من الفريزر على طول نحطه بالزيت الغزير الحار..

ياخذ كل وجه من الروبيان مابين 2-4 دقايق بس أو لحد ما يصير لونه ذهبي مثل هاللون..

نحطه على الورق الماص ونتركه شوي لحد ماينزل الزيت منه..

لعمل الصلصة:
ننقع البصل بالخل لمدة على الأقل 15 دقيقة..
نخلط صلصة الرانش والمايونيز ونضيف البصل مع الخل والبهارات عليهم ونخلطهم ونقدمها..

نقدم الروبيان مع البطاطس والصلصة والصمون محمص شوي بالزبدة وبالعافية.. "للأسف هذي صورة الروبيان مع الشبيبس على الورق الماص لأن صورة الطبق النهائي ماادري شصار فيها إن شاء الله لما ارد اسويه احطها عشان تشوفون الصمون المحمص والتقديم"

دعواتكم لأبوي الغالي ان الله يشفيه وطولنا بعمره..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..

**عذبة لحساس** · 09-09-2006, 05:56 PM

هلا عيوني

الله يعطيج العافية حبيبتي والله يشفي ابوج عيوني ويخليه لكم ويبارك وانشاء

الله الله يرزقج على نيتج باذن الله وفرح قلب امج فيج عيوني

**تورتاية بالكريز** · 09-09-2006, 10:11 PM

تسلمي همسه الجميلة طبق روعة والصلصة مبينة لذيذة الله يعطيكي العافيةا ويمن على الوالد بالشفاء ويفرح قلبك عن قريب ان شاء الله.

**rosary** · 10-09-2006, 06:06 AM

انى وزوجي نموت على شي اسمه مأكولات بحريه وبذات الشريمب

يعطيكي العافيه ويشفي ابوكي يا رب ويرزقك الزوج الصالح

تقبلي تحياتي بنت السلطان

**Salma1** · 10-09-2006, 06:14 PM

يسلم ايديكي
انا بحب الربيان كتير وطريقتك واضحة وسهلة
والله يشفي ابوك ويرزقك ابن الحلال اللي يسر خاطرك ويفرح ابويك فيك
دمت برعاية الله

*** ام اشرف *** · 10-09-2006, 11:02 PM

شي بيشهي بجد

تسلم ايديك يا اختي

**مرات اجمل زوج** · 11-09-2006, 01:24 AM

تسلم ايديكى وربنا يباركلك فى والدك ويعطية العافية والصحة اولا انا فى الاول مافهمتش يعنى اية روبيان لانة عندنا فى مصر اسمة جمبرى بس كويس ان كان فى صور لانى ماكنتش حاعرف اية هو ااساسا وجزاكى الله خيرا وشفا لكى والدك وعفاة امين