صباح الخير يا بنات و انشاء الله يكون يوم مبارك علينا كلنا انا امبارح عملت على الغذاء صينية ريش زوجى و ابنى اتجننوا عليها و المهم انها سهلة جدا و مبتخدش وقت معلش طولت عليكوا دلوقتى اقول لكم المقادير و الطريقة المقادير:
-نصف كيلو ريش بتلو
-2بصلة وسط مفرومة جيدا
-2 معلقة صغيرة صلصة طماطم مذابة فى نصف كوب ماء
-مكعب ماجى
-ملح-فلفل-كمون-بهارات-زعتر
الطريقة:
-بعد غسل اللحمة نرصها فى صينية
-نتبلها بالبصل و الملح و الفلفل و البهارات و الزعتر جيدا
نذيب مكعب ماجى فى الصلصة المذابة فى الماء
-ونسقى بها اللحمة من على الوجة
-ثم نضيف كوب ماء فى قلع الصينية و نغطيها
-نضعها على البوتاجاز لمدة نصف ساعة و نتابع الماء اذا نقص نضيف ماء
-ثم نضعه فى الفرن لمدة ربع ساعة او الى ان ينشف الماء و يحمر الوجة
-انا بقدمهامع مكرونة و سلطة خضراء و بطاطس محمرة او بورية
و بالهنا و الشفاء و يارب تعجبكم و مستنية ارائكم
الروابط المفضلة