بعد مبعملها وانا بنقل جزء للطيق بتتكسر مش بتكون ماسكة بعضها فى ناس قالولى لازم تبرد الاول وبعدين تتقطع وناس قالولى البشاميل خفيف حد يقولى اعمل اية فى البيت بياكلوها متكسرة مدغدغة لكن لما يكون فى ضيوف

السام عليكم : اختى العزيزه ضعى شويه بشنل فى قعر الصينيه وبعديت المكرونه ثم الحشوه ثم البشمل الباقى وشويه جبنه موزريله وشوفى ماراح تتكسر علبك ولا تنسى الاطراف حطى بشمل كمات عشان تتماسك ولكى تحياتى

شكرا يا عبادة ربنا يخليكى ليا

اختى يويو
انا مش راح ابخل عليكى بطريقتى فى عملها اولا عشان احنا بلديات و لانها بتطلع و لله الحمد هايلة بشهادة الكل و خصوصا زوجى اللى كان ما يحبها و حماتى كانت دايما تقولى انه قبل الزواج لما كانت تعمله المكرونة بالبشاميل كان بيخرج ياكل اى TAKE AWAY دلوقتى بفضل شطارتى طبعا هو بيطلبها بنفسه

أخ خ خ خ معلش طولت عليكى

بصى يا قمر انا باخد ربع مقدار البشاميل الى انا عاملاه و على فكرة انا استخدم البشاميل الجاهر"كيس على 1 كجم لبن " بيطلع مضبوط جدا و طعمه هايل .
المهم انا بدهن الصينية بملعقة سمن و بعدين باخد ربع كمية البشاميل و افرشة فى الصينية و بعدين اضع فوقة نصف كمية المكرونة الى مخلوطة بصلصة الطماطم و بعدين اضع اللحمة المتعصجة ثم اضع فوقها من 2-3 ملعقة بشاميل و بعدها 3 ملاعق جبن رومى مبشور و بعد ذلك اغطيها بباقى مقدار المكرونة و اضع 3 ملاعق اخرى جبن رومى مبشور و عليهم 2 ملعقة سمن موزعة على وش الصينية و اضعها فى الفرن الى ان يحمر لونها و بعد ما تستوى بطلعها من الفرن و اتركها 5 دقايق و بعد ذلك تقطع و تقدم و بتطلع الحتة بحتتها جنان.
و تاكليها صحة و عافية على قلبك و بالهنا و الشفاء ياااااااااه و الله جوعتينى .

يلا يا قمر جربى و قوليلى و طبعا لازم تحجزيلى حتة .

بصى يا يويو اهم حاجة فى الباشميل انة يكون كميتة معقولة بالنسبة للمكرونة يعنى القالب الكبير بتاعى بيستوعب كيلو الا ربع مكرونة بيكون امامة 4 معلق دقيق تحمر فى 4 معالق سمن حتى يتلون الدقيق بالذهبى ثم يرفع من النار حتى يبرد وبعدين بحط علية كيلو لبن واتبل الخليط كويس وارجعة تانى على النار مع التقليب حتى الغليان ولو اشتدد القوام اوى ازودة شوية لبن وبعدين اهم حاجة بعد ما يبرد خالص احط علية 8 بيضات هية دى الحاجة الى بتخلى المكرونة تتماسك مع بعض والباقى انتى عارفة

شكرا يا فرعونية ويا مها على الافادة وانشاء اللة اردهالكوا

عزيزتي يويو الباشميل لازم كميته تكون كافيه للمكرونة وتغطيها كويس جدا عشان المكرونة متتطلعش ناشفة وكمان الحليب لازم يكون دافي عشان متتكتلش وتكون متماسكة وانا بحط 3 بيضات فقط للصينية الوسط وممكن تضيفي فلفل ابيض مع الملح وذرة من جوزة الطيب وممكن تضيفي شوية ريحان يديها طعم جميل جدا وعلى الوش رشي موزاريللا مع جبنة رومي ان شاء الله تبقى روعة ولما تجربيها ياريت تقوليلي النتيجة ولازم فعلا تستني لما تبرد خالص دي ملاحظة مهمة جداوكمان طول مالباشميل ع النار تضربيها كويس وربنا معاكي.

انا فعلن جربتها بس حطيت البشاميل تحت وفوق محطتش من النص زى ما عبادة التلى طلعت احسن كتيرمن الاول بس هجرب من النص كمان واقولكم اما البيض كمان كنت بحطة على الوش مش على البشاميل رايكم احطة على البشاميل

اول حاجة طبعا الاخوات قدموا طرق ممتازة ...
بس اعتقد ان مشكلة التفكك دي هتقدري تتغلبي عليها بالطريقة دي ....
ويارب تكون طريقة كويسة وتنجحي فيها ....

أولا : المكرونة .... اسلقيها بس ما تهريهاش ... يعني في النص الاخير من السوا ...
ثانيا : البشاميل يكون مش خفيف ولا تقيل جدا .... يعني متوسط السماكة اقرب للتقل ... ولما حرارته تهدأ شوية اضيفي بيضة وقلبيها لحد ما تتخلط كويس ... معايا ؟
ثالثا : لما تيجي ترصي الصينية اعملي الآتي :
- ادهني الصينية من تحت كمية بسيطة جدا من السمن ... ورشة بقسماط ...
- اخلطي المكرونة المسلوقة مع 3 ملاعق كبيرة (بتاعة الاكل ) بشاميل + 2 ملعقة من اللحم المفروم ... واخلطيهم كويس جدا مع بعض ( كامل كمية المكرونة )
- حطي نص المكرونة وبعدها اللحم وبعدين مكرونة تاني ... والبشاميل الي فوق الوش هتحطي عليه جبنة رومي مبشورة وموتزاريلا ( بسيط اوي متكتريش ... أو حسب ذوقك )
- افرشي البشاميل بقى على الوش ولما تخلصي ... اكسري بيضة وربيها كويس مع فلفل اسود وافرديها على الوش ....
- دخلي المكرونة الفرن ... ولما يمر عليها تقريبا 40 دقيقة ( حرارة متوسطة ) ... تفتحي الشواية من فوق علشان تحمري وجهها ....

والف صحة وهنا عليكم ...... تحياااااتي .... قوليلي النتيجة !!

مرسى يا احلى شبف