نحب نعرف افكار عن كيفية الضيافة من بداية دخول الضيوف وحتى انصرافهم
شامل المشروب والطعام
ياريت الى عندها افكار تشارك معانا
طبعا انا مش عارفة ان كانت عادتنا زيكم ولا لأ ؟؟ بالنسبة لعندنا فى مصر مثلا لما الضيوف بيوصلوا بنقدم البونبونيرة فيها شيكولاته فقط
وبعد الجلوس حاجة بسيطة نقدم مشروب بارد والأشيك انه يكون عصير فرش مثل البرتقال او الليمون او المانجو دول تقريبا احلى حاجة وتقريبا الكل بيحب الانواع دى لان احيانا لما تقدمى مئلا موز بالحليب او فراولة بالحليب او جوافة بالحليب يكون اى فرد منهم مبيحبش الحليب او بيعمله حساسية فعلشان كدة نخلينا فى الانواع المضمونة تقريبا
بعد كدة بنشيل الصينية لما الاكواب كلها تخلص ( ودة اول شىء)
بعدها بشوية بنقدم حلو بارد خفيف زى الايس كريم سادة او بالمكسرات او بالفواكه ....او ...جيلى بالموز او الكريمة ....او فروت سلاط سادة او بالايس كريم .....او كريم كراميل .... او بروفيترول ...او بودنج ...او كستر .... او موس ...او تورتة ايس كريم
ييجى دور الشاى بنقدم الشاى ومعاه صنفين حاجة دسمة مثل كيك وسويسرول ...او تورتة و جاتوة او بسبوسة وحلويات شامية
اذا جلسوا بالكتير بعد الشاى نص ساعه يبقى كدة خلالالالالالالالالاص وكتر الف خيرنا على كدة
اما اذا دخلنا فى ساعه يبقى تدخلى تسئليهم تحبوا تشربوا قهوة ولا نسكافية
واظن خلاص على كدة ماهم مش معقول حياكلوا حاجة تانية الا ياكلونا بقى
وان مقاموش يروحوا برضه وعشمانين فى عشاء تروحى قايمة ترزعى فى الكراسى او تفضلى تنفخى لحد ما يحسوا
وممكن تتبعى طريقة الاوبن بوفيه انك تكونى حاطة عربية الشاى وعليها تورمس شاى وتورمس قهوة واطباق من البتيفور
(ودة تانى شىء)
رد مع الاستدلال
الروابط المفضلة