خبز عروق..(اكله شعبيه وسهله)

**انفال** · 06-04-2002, 06:22 PM

السلام عليكم ورحمة الله وبركاته:
الأكله اللي راح تاخذون مقاديرها جدا لذيذه... وسهله وهي اكله شعبيه تقدم في رمضان...
المقادير:
1كوب طحين اسمر
1كوب لحم مفروم(ممكن الإستغناء عنه..)
2/1 كوب بصل مفروم
4/1 كوب بقدونس مفروم
2/1 ملعقه صغيره خميره
2/1 كوب ماء
ملح ,فلفل ا سود, كركم شئ بسيط(او بهارات مشكله ملعقه صغيره)
زيت للقلي
الطريقه:
يخلط الطحين مع باقي المكونات ويعجن بالماء جيدا ثم تغطى العجينه وتترك مدة 30 دقيقه
يسخن الزيت بمقلاه بحيث ما يكون عميق جدا اوسطحي..
ثم يؤخذ من الخليط ويضغط على شكل قرص ويقلى في الزيت حتى يتحمر الجانبان ثم يرفع وينشف على ورق نشاف....وبالهنا والعافيه......تراها جدا سهله...وبنفس الوقت لذيذه جدا...
حتى الأطفال يحبوها....
وتقبلوا تحياتي ...........انفال

**ام الوليد2002** · 06-04-2002, 06:40 PM

تسلمين ياأنفال من جد لذيذة وانادائما اسويها
والله يعطيك العافية وتسلم ايدك

**انفال** · 06-04-2002, 07:11 PM

الله يسلمك يارب .....واشكرك على تواصلك

**ام مودي** · 06-04-2002, 10:27 PM

تسلم هالايدين يا انفال..
شكلها غيرررر شكل..
الله يعطيكي الف عااافية..

**MISS_CHEF** · 06-04-2002, 11:03 PM

السلام عليكم ورحمة الله وبركاته
عندي سؤال
اللحم احطة نئ والا محموس في البصل

شكلها يستحق التجربة

**انفال** · 06-04-2002, 11:41 PM

حياك الله اختي العزيزه ام مودي....والله يعطيك العافيه..
الأخت العزيزه مس شيف...هلا فيك...واللحم المفروم بيكون ني.....لكن راح تصير دسمه ولذيذه
انا عن نفسي افضلها من غير لحمه...بتصير اخف وصدقيني ما بتاخذ اكثر من ثواني...
اليوم سويتها على العشاء وطلعت رهيبه..