عازماكم علي اكله محشي يم يم يم يم يم لعيون كل اللي طلبوه مني و طبعا مصور
ازيكم يا بنات
النهارده عامله لكم محاشي ورق عنب و كوسه و باذنجان و فلفل رومي
بس عندي لكن رجاء
لو سمحتوا ما تدققوش اوي علي الصور
أنا عارفه انها سيئه جدااااا و كنت ناويه اعيد تصويرها مره تانيه
بس اللي خلاني انزلها النهارده هي ان المحشي طلب مني من اكتر من عضوه اليومين دول و ما حبيتش اتأخر عليهم
بس احب احكيلكم حكايتي مع المحشي
ماما و الحمد لله طول عمرها مشهوره بأنها استاذه محشي
و السر طبعا في خلطة الحشو لأنها بتعملها بطريقه مختلفه شويه
و الحمد لله اتعلمته منها
و يوم ما جات حماتي و حمايا و اخوات زوجي و زوجي طبعا علشان يخطبوني كنا عملين من ضمن العشا ورق عنب و كنت عاملاه بنفسي
حماتي ما كانتش مصدقه جماله
و كلمتني تاني يوم الصبح بنفسها علشان تقول لي ان المحشي بتاعي كان جميل جدا و ده طبعا بعد ما عرفت من جوزي (اللي كان خطيبي وقتها) ان انا اللي عاملاه
و بعد ما اتجوزت بقت طريقتي هي المعتمده لدي حماتي و ده طبعا بعد ما علمتها لها ههههه
ايه الرغي ده كله
خلصينا بقي
حاضر حاضر
ها تكلم اهه
الكميات اللي انا استخدمتها هي:
1/2 كيلو كوسه
1/2 كيلو فلفل رومي
1/2 كيلو باذنجان ابيض
1/4 كيلو ورق عنب
مقادير خلطه الحشو:
مقدار من الزبد او السمن (حوالي 6 م ك )
2 بصله كبيره مفرومه
ربطة بقدونس
ربطة شبت
ربطة كزبره خضراء
1/2 كيلو طماطم معصوره
4 كوب أرز مصري مغسول و غير منقوع
م ك ملح – 1/2 م ص فلفل اسود – ا/2 م ك من خلطه مكونه من (بهارات – قرفه – قرنفل – جوزة الطيب – ورق غار)
الطريقه:
تحضير خلطة الحشو:
نحمس البصل المفروم مع السمن او الزبد حتي الاصفرار
ثم نفرم البقدونس و الشبت و الكزبره و نضيفهم الي البصل
حتي تذبل و تصفي مائها تماما
(و هنا بقي ها تطلع ريحه و هميه ها تخلي جوزك واقف لك في المطبخ مستني يذوق المحشي الجميل بتاعك)
نضيف الطماطم المعصوره مع الملح و الفلفل و التوابل
حتي تتسبك الطماطم تماما و تصبح هكذا
ارفعي الاناء عن النار
نغسل الأرز جيدا
و يضاف الي الخلطه و يقلب جيدا
يتـــــــــــــــبع
رد مع الاستدلال
[QUOTE=(ريما)]الله يسعدك والله جوعتيني على الصبح 
الروابط المفضلة