كيف حالكم؟؟ وحشتوني وحشتوني .اهل زوجي بدهم يزوروني لاول مرة على العشاء و مش عارفة شو اطبخ ساعدوني؟ عددنا 6 افراد محتارة اعمل معجنات ولا طبايخ ولا مقبلات ؟ هاي اول مرة ياكلوا من ايدي ؟ما تنسوني

بصى يا دندوشة لازم تكون فى صوانى زى مكرونة بالبشاميل او الجلاش او الرقاق ولو هما مش تقليدين اعملى نجرسكو مثلا ولازم يكون فى صنف شوربة واحد على الاقل ونوعين سلطة منهم واحدة سلطة خضرا عادية عشان بترضى جميع الاذواق والتانية زى مانتى عوزا نبجى للخضار بصى لو عملتى نوعين صوانى اعملى نوع خضار واحد او العكس ويكون باللحمة وتعملى نوع بروتين تانى ومتنسيش الخلو واى وصفة عايزاها مش موجودة بالمنتدى فوليلى عليا وعزومة موفقة انشاء اللة

يا ميه اهلا وسهلا فيك اختي
كيف حال العقبه واهلها ترا قرايبنا هناك
طيب شوفي ممكن تعملي مقلوبه وصنيه كفته -- اما بالطحينيه او بالطماطم -- وملوخيه لانه هيها نازله بالسوق ومافي ازكى منها وهي طازه او مسخن -- او محاشي كوسى مع ورق عنب --وجاج محشى او صواني سمك بالفرن عاد البحر جنبكم --هدول لو كان المعازيم حماتك وحماكي يعني كبار شوي بيحبوا الطبايخ
اما لو كانوا اصغر يعني ممكن كبه مع بطاطا مقليه وتبوله ومعجنات دجاج مقلي بروست او مشوي بالفرن
لانه الكبار ما بيحبوا هالشغل زي حماتي بتحب الطبايخ وتقول عنهن الكبه وغيرها هذا مش اكل ههههههه
اما اسهل اشي سوي معجنات قبل بيوم وثاني يوم سختيهن هيك بتسهل عليكي في الشغل وفي عجينه العشر دقايق هاي طيبه كثير
وسلامات واي اشي نحنا بالخدمه

شكرا عزيزتي انك لجأتي لينا
انا عن نفسي بحب الاشياء الخفيفه في العشاء
مثل لحم مشوي بيكون جاهززززززززززززززززززززز
و اذا انتي فنانه اعملي المعجنات واتفنني فيها
و سلطة يونانيه بالجبنه والزيتون كتير لذيذه او تبوله
ومحاشي مشكله بالصينيه من باذنجان وكوسا وبطاطا وبندوره وفلفل حلو
او ممكن تعملي صينية دجاج بالفرن و رز برياني او بخاري
وسلطه خضراء وكبهههههههههههههههههه
وصحتين عافيه على قلبكم
اه نسيت السمك وانواعه اسهل شي سمك مشوي وسلطات فقط لا غيرررررررررررررر

صباح الخير يا اخواتي.....
اختي يويو من مصر.. متشكرة جدا جدا انت فعلا ساعدتيني بافكارك لاني كنت محتارة باكلة مصرية اعملها لهم بما اني نصفي مصري .جزاك الله كل خير .
اختي العسل الصافي .. ياهلا يا هلا بيكي و بأقربائك بالعقبة .الطقس هالايام كتتير حلو. شكرا لافكارك الحلوة والله ما قصرتي و راح اعمل بنصيحتك لانه حماي و حماتي ييحبوا الطبايخ .و ساعدتيني بافكار طبايخ فلسطينية كمان.
اختي رندوش.. افكارك حلوة و متنوعة و اخذت منك طبخات حلوة و شكرا لمساعدتك . انا اليوم هابدأ اجهز الاغراض و احضر و بخبركم بعد ما تخلص الاجازة كيف طلعت عزيمتي. افكاركم حلوة كتييير و جوعتوني كمان .
جزاكم الله كل خير.................

كيففففففففكم؟؟؟ انا رجعت و رأسي مرفوعة و الفضل اليكم. بعرف طولت عليكم كتيير بس كان عندي ضغط بالشغل اليومين الماضيين.
يا حلويييين كان نفسي اصورلكم العشاء بس ما عندي كاميرا حتى بالموبايل بس هقولكم شو ابدعت نبدأ بالمقبلات:
- سلطة فاصولياء حمراء باردة مع ملفوف و ذرة و صلصة فرنسية.
- سلطة خضراء عادية
- متبل باذنجان
- حمص
- سمبوسك جبنة و لحمة (ما كان عندي وقت اعمل معجنات)
لهلأ ممتاز الوضع
هلأ الدسم الثقيل (ها ها ها):
صينية معكرونة بالباشميل
صينية ريش لحمة بالخضار( مشوية)( حماي ما بحب اكل دسم بليل فشويت اللحمة)
دجاج بروستد (مقلى) و بطاطا مقلية ( في ناس من المعزومين ما بحبوا اللحمة)

شو رايكم؟؟ بصراحة انا لما فردت السفرة ما صدقت حالي اني عملت كل هذا في وقت صغير و كانت ردة فعل زوجي من الصدمة قعد اول واحد و نسى المعزومين و عن جد رفعت راس زوجي و راسى و الفضل اليكم يا اخوات .ما كان عندي اي افكار و لولاكم كان انفضحنننننننننا