طريقه الكسكسي باستخدام الدقيق بالصور من مطبخي

**أم بودي** · 24-03-2006, 04:49 PM

يا بنات

طبعا كلكم عارفين الكسكسي
و اكيد معظمكم بيشتريه علب و يحضره بالماء المغلي

لكن حماتي بتعمله بنفسها من الدقيق و بيبقي طعمه احسن من العلب مليون مرة
حاجه مختلفه خالص

فقررت اني اتعلمه منها و اعمله بنفسي

[IMG]

[/IMG]

و فعلا قالت لي علي طريقته امبارح و عملته النهارده
بس بجد بجد مش مصدقه نفسي انه طلع معايا مظبوط جدا و بالجمال ده من اول مره
و ده بشهادة حماتي لأنها ساكنه معايا في نفس العماره و دوقتها منه قالت لي انه تمام و مظبوط جدا

انا رغايه اوي مش كده
انا بس حبيت اقول لكم انه اسهل من أي اكله تانيه و طعمه احلي من العلب بكتير

الطريقة:

نحطي مقدار الدقيق في العجانه علي حسب عائلتك (انا استعملت 1/2 كيلو لفردين و طفل سنه و نص)
و تضيفي عليه مياه قليله بالتدريج و تعجني و لو حسيتي انه عايز ميه تاني زوديه
المهم انه يبقي بالشكل ده بعد العجن

[IMG]

[/IMG]

و علي فكره العجن لمجرد ثواني بس

و بعدين نيجي لمرحله السواء:

لو عندك الحله الخاصه بالكسكسي استعمليها
لكن لو مش عندك اعملي زيي و هاتي حله فيها ميه و حطي عليها مصفاة المكرونه و فيها قطعه شاش كبيره و حطي فيها الكسكسي بالشكل ده

[IMG]

[/IMG]

و بعدين اقفلي الشاش و غطي المصفاه و سيبيها علي نار عاليه لمده حوالي نصف ساعه

[IMG]

[/IMG]

و بعد النص ساعه افرغي الكسكسي في صينيه او اي وعاء واسع و ها تلاقيه بالشكل ده

[IMG]

[/IMG]

بعد ما يبرد افركيه بايدك كويس علشان يتفكك من بعضه
ها تلاقي الكسكسي قاسي او ناشف شويه

[IMG]

[/IMG]

هاتي شويه ميه قليله جداااااا و رشيهم عليه
و بعد كده امسكي الكسكسي بايدك و انثريه او ابذريه في الصينيه لحد ما تحسي انه بقي طري او مندي بالميا
(اوعي تفركيه بعد وضع المياه و الا يبقي عجين و يخرب)

رجعيه في المصفاه تاني و غطيه و خليه علي نار عاليه حوالي 45 دقيقه

[IMG]

[/IMG]

و بعدين فرغيه في صينيه و رشي عليه سمن بلدي كتير و هو لسه ساخن جدا
و قلبيه كويس
و بعد ما يهدي شويه ابدأي افركيه تاني بادك علشان السمن يتوزع فيه كويس
و علشان لو فيه حاجه متكتله تتفكك

و ده شكله بعد ما فركته بالسمن

[IMG]

[/IMG]

و قدميه بالطريقه اللي بتحبيها

و بس

[IMG]

[/IMG]

و طبعا طرق تقديم الكسكسي مختلفه من بلد لبلد

احنا مثلا بنحب ناكله مع بط او وز محمر مع المرقه و السطة الخضرا

[IMG]

[/IMG]

و ممكن ناكله حلو باننا بضيف عليه سكر بودرة و قرفه مطحونه

[IMG]

[/IMG]

اوعوا تقولوا انه صعب لأن لو جربتوه مش ها تقولوا كده ابدا
ده شرحي بس هو اللي مفصل شويه

مستنيه رايكم ضروري جدااااااااااااااااا

**سمرا حليوة** · 24-03-2006, 04:54 PM

مشكورة على الكسكسي يعطيك الله مليون عافية

**عذبة لحساس** · 24-03-2006, 05:12 PM

هلا عيوني

الله يعطيج العافية على الطريقة الرهيبة
بالفعل ماشاء الله روعة انشاء الله اجربه واخبرج بالنتيجة انا اخب اعمله على خضار وعلى بصل وزبيب انشاء الله استفيد من طريقتج

يسلموا ياقلبي

**ام البنين1977** · 24-03-2006, 10:23 PM

ما شاء الله عليكي طالع روعة
بس انا مفهمتش الخطوات اللي في الأول يا ريت بس توضحيلي أكتر كيف طلع كرات ضغيرة
أنا نفسي أعرف الكسكس المغربي كيف بنعمله لإني بحبة جدا أنا و الأولاد
و إتحمليني لو سمحتي

لإني حاولت أعمل الكسكسي و فشلت

**karima9** · 25-03-2006, 03:20 AM

طريقة جديدة و محاولة ناجحة تسلمي حبيبتي .
بالنسبة لي اشتريه اما امي تعمله هكذا:
في صحن كبير تعمل سميد غليض من جهتها و الطحين الابيض من الجهة المقابلة و تاخذ زبدية تعمل فيها ماء مع ملح و تبدا تفتل الكسكس بحيث ترش الماء على السميد و ترش الطحين و تفتل اي تخالف يديها و هكذا حتى النهاية و ستحصل على حبوب و هناك حبوب غليظة ناخذ غربال و نغربل الكسكس لكي نحصل على نفس القياس و نطبخه هكذا:
في اناء خاش بالكسكس يتكون من طبقتين واحدة نضع فيه ماء و الاخرى الكسكس و عندما يطلع البخار من الكسكس نزيله و نرش عليه ماء قليل و زيت زيتون و نكرر العملية 3مرات و هنا سيصبح الكسكس جاهز.
ماذا تعمل امي الله يحفضها؟
في الصيف و كما تعلمون تكون درجة الحرارة في بلدي العزيز عالية لهذا تصنع امي كسكس السنة في هذا الفصل كيف؟تتبع نفس المراحل لي دكرت و فوق ثوب ابيض و نقي تنشر الكسكس في احد البيوت اي ليس في الشمس حتى ييبس جيدا لازم يكون الضل لكن تكون الحرارة .
هنا تعمل على تفوير الكسكس فقط مرتين و عند الحاجة تظيف له مرتين و تعمل حوالي 20كيلو او اكثر اما انا فاشتريه فقط.

**أم بودي** · 25-03-2006, 09:57 AM

كتبت بواسطة سمرا حليوة

مشكورة على الكسكسي يعطيك الله مليون عافية

سمرا حليوه

تسلمي علي اهتمامك و ردك الرائع ده

**أم بودي** · 25-03-2006, 09:59 AM

كتبت بواسطة عذبة لحساس

هلا عيوني

الله يعطيج العافية على الطريقة الرهيبة
بالفعل ماشاء الله روعة انشاء الله اجربه واخبرج بالنتيجة انا اخب اعمله على خضار وعلى بصل وزبيب انشاء الله استفيد من طريقتج

يسلموا ياقلبي

عذبه لحساس

ربنا يكرمك و شكرا جدا علي تشجيعك الدائم
و ان شاء الله تجربيه و اعرف رايك ايه

**أم بودي** · 25-03-2006, 10:05 AM

كتبت بواسطة ام البنين1977

ما شاء الله عليكي طالع روعة
بس انا مفهمتش الخطوات اللي في الأول يا ريت بس توضحيلي أكتر كيف طلع كرات ضغيرة
أنا نفسي أعرف الكسكس المغربي كيف بنعمله لإني بحبة جدا أنا و الأولاد
و إتحمليني لو سمحتي

لإني حاولت أعمل الكسكسي و فشلت

ام البنين

انت تؤمري وانا تحت امرك

الكسكسي بتعمله الستات الكبار دايما باديهم لانهم يفركوا الدقيق مع الميه و يخلوه قطع ضغيره كده و بعدين ينخلوه و يرجعوا يفركوا القطع المتكتله تاني و شغلانه صعبه اوي

لكن انا جربت احط الدقيق معاه شويه ميه في العجانه لقيته طلع كسكسي من غي اي تكتلات و لا فرك و لا نخل و لا وجع قلب حتي حماتي قالت عليا اني اروبه علشان اكتشفت الطريقه دي من نفسي لأنها بتفركه باديها

فانتي لو حطيتي الدقيق في العجانه ضيفي عليه الميه بالتدريج قليلا قليلا مع العجن ها تلاقيه في ثواني بقي قطع صغيره كده من غير اي مجهود

ياريت اكون قدرت اوصل لك الفكره صح

و لو فيه اي سؤال تاني اسالي براحتك

هو احنا عندنا اغلي من ام البنين؟؟؟؟؟؟؟؟

**أم بودي** · 25-03-2006, 10:12 AM

كتبت بواسطة karima9

طريقة جديدة و محاولة ناجحة تسلمي حبيبتي .
بالنسبة لي اشتريه اما امي تعمله هكذا:
في صحن كبير تعمل سميد غليض من جهتها و الطحين الابيض من الجهة المقابلة و تاخذ زبدية تعمل فيها ماء مع ملح و تبدا تفتل الكسكس بحيث ترش الماء على السميد و ترش الطحين و تفتل اي تخالف يديها و هكذا حتى النهاية و ستحصل على حبوب و هناك حبوب غليظة ناخذ غربال و نغربل الكسكس لكي نحصل على نفس القياس و نطبخه هكذا:
في اناء خاش بالكسكس يتكون من طبقتين واحدة نضع فيه ماء و الاخرى الكسكس و عندما يطلع البخار من الكسكس نزيله و نرش عليه ماء قليل و زيت زيتون و نكرر العملية 3مرات و هنا سيصبح الكسكس جاهز.
ماذا تعمل امي الله يحفضها؟
في الصيف و كما تعلمون تكون درجة الحرارة في بلدي العزيز عالية لهذا تصنع امي كسكس السنة في هذا الفصل كيف؟تتبع نفس المراحل لي دكرت و فوق ثوب ابيض و نقي تنشر الكسكس في احد البيوت اي ليس في الشمس حتى ييبس جيدا لازم يكون الضل لكن تكون الحرارة .
هنا تعمل على تفوير الكسكس فقط مرتين و عند الحاجة تظيف له مرتين و تعمل حوالي 20كيلو او اكثر اما انا فاشتريه فقط.

تسلمي يا اخت كريمه

انا كمان كنت باشتريه لكن حماتي لما كانت بتعمله لنا كنت بالاقي طعمه مختلف عن الجاهز و احلي بكتير جداااا فقررت اني اعمله زيها

و هي بتعمله بنفس طريقه والدتك في الفرك بس من غير سميد
لكن دي طريقه مرهقه جدا و انا لقيت ان العجان اسهل بكتير جدا

و فعلا فيه اناء خاص بالكسكسي موجود عند حماتي بيعتمد علي فكره الطبخ بالبخار
لكن علشان انا ما عنديش استعملت الطريقه بتاعه المصفاه دي

و بالنسبه لطريقه الطبخ الفرق بين طريقتنا و طريقتكم اننا بنستعمل السمن البلدي و انتم زيت الزيتون
ممكن علشان المصريين واخدين علي طعم السمن البلدي و مش بيستسيغوا طعم الزيت في الاكل لكن تقريبا الطريقتين متطابقتين

انا عندي سؤال بالنسبه لطريقه والدتك في عمل الكسكسي في الصيف
ازاي بتخزنه طول السنه؟؟؟
هل فيه طريقه معينه؟؟؟؟؟