السلام عليكم ورحمة الله
كيفكم بنات اش اخباركم
اتخيل في هالركن اصوات صحون وملاعق وخلاط كهربائي يعني كأني بمطبخ
الله يسعدكم يارب
من زماااان ماجيت يمكم
لكن فيالي من مده انزل لكم هالاكله اللي احب اسويها ومن اول مره سويتها انهبلوا عليها الاهل
طبعا احكي لكم قصتي معها
وحدة من زميلاتي بالكليه تزوجت طبعا البنت احسها ابد ماينفع تدخل المطبخ لكن والله البنت طلعت سنعه وراعيتها
اكلها ذوق وترتيب لما تسولف احسها من جد مبدعه
الله يوفقها
المهم فكنا نتكلم عن الطبخ وزي كذا
فطلبناها تعطينا طريقة أي اكله من اللي تسويها
قالت هاه هذي طريقة الدجاج الصيني مرررره تهبّل
وبعد مدة سويتها ويااا سلااام تجنن تجنن تجنن
لا اوصيكم عاد اليوم ابدعوووا وسووها والا معد يمديكم اليوم راح وقت الغداء سووها عشاء والا بكره والا متى ماطرالكم
بس اهم شئ احطها بين ايديكم
يالله طولت حكي اترككم مع المقادير والطريقه :
المقادير:
بطاطس _ جزر_ فلفل رومي ( بارد) احمر اخضر واصفر _ تقطعينها اصابع كلها ثم تقلينها بالزيت
دجاج منزوع العظم تقطعينه اصابع او مربعات كبار وتتبلينه في ملح وبهارات ونشا ثم تقلينه في الزيت
الكشنه
حبة بصل _2 فصين ثوم _ 4 حبات طماطم مفروم
وتعملين رز ابيض مسلوق
طريقة العمل :
طبعا بعد ماتقلين الخضار والدجاج
اقدحي النار على البصل لحد مايحمّر شوي
الثوم اضيفيه مع الطماطم حتى يفرم ثم اضيفي الجميع على البصل
واتركيها قليلا على النار واضيفي اليها الملح والبهارات
ثم ضعي فوقها الخضار والدجاج المقلي
واتركيها قليلا على النار ثم ارفعيها
خذي صينيه او قدر عميق ضعي في اسفله نصف مقدار الدجاج والخضار
ثم ضعي فوقه نصف مقدار الارز المسلوق طبعا اكيد الرز بيكون ناضج تماما
بعد كذا اضيفي ماتبقى من الدجاج في الطبقة الثانيه ثم اضيفي فوقه الباقي من الارز
ثم اقلبيه في صحن التقديم وزينيه بالبصل المقلقل والزبيب والصنوبر
وبالهناء والعافيه
وعساه مايكون مكرر
الروابط المفضلة