عزيزتي ذكرتيني أيام زمااااااان ...أول طبخه لي بطاطا مغليه وكنت في المرحله الخامسه ...المهم معلمت التدبير علمتنا كيف نعمل البطاطا المغليه ولما رجعت البيت قلت لأمي أنا بسوي العشاءاليوم ويالله وافقت فرح أبوي (الله يرحمه) كثير بنته البكر بتدخل المطبخ وتطبخ لا ودلوعته بعد... ألمهم ياعمري جوع نفسه من الغداء مأكل شي علشان ياكل من طبخي ...المهم دخلت المطبخ وناويه أطبق الي أخذته وتعلمته من معلمت التدبير ((بطاطا مغليه)) حوسه في المطبخ تغشير وتقطيع والساعه تدور وأنا لسه ماخلصت ((ماصارت بطاطا))أبوي يقول ياله يابنتي أيش صار على العشا... بكره دوام أريد أنام ...المهم خلصت وجبت طبق كبيربيضاوي وحطيت فيه البطاطا وشوفي كمية البطاطا الكثيره وزينته بحلقات اليمون والطماطم ((أعجبكم عندي حركااات)) وعند التقديم ... مافيه في السفره ألى البطاطا قال أبوي وين الباقي قلت هذا بس قال هذا بس حرااام عليك يابنتي جوعتيني وكل التأخير والحوسه علشان بطاطا .. يالله يعطيك العافيه....المهم أنأكلت.وطيب خاطري علشاان ماأزعل ومن يومها الي أدرسه من معلمت التدبير أطبقه في البيت.. بس موقف حلو مرااااح أنسااااه في بدايتي المطبخيه ....
مع أجمل تحياتي
سماالجبيل
الروابط المفضلة