صباح الخير على كل امتنا المسلمي صباح الخير لمامتي وصباح الخير لبنتي اديان

اكله اصابع الكباب ملفوفي بسيد الخضروات شايفي انو كتير ناس بتحب البيتنجان هاي اكله بتفيدكم لما يكون عندكم عزومي لان شكلها رائع جدا وكمان طعمها كتير كتير زاكي

المقادير:
بيتنجان
لحمه عجل مفرومي
معجون طماطم(عصير بندورة)
بصل
بئدونس
صنوبر او لوز حسب الرغبي يعني فيكي ماتحطي ازا ماعندك لاجل الشكل فقط

العمل:

بفرم بصل ناعم جدا ونفرم بئدونس كمان واللحمي تكون مفرومي ونخلطهم سوى ونحط عليهم فلفل اسود وملح ونعمل منهم اصابع على شكل كباب ونقليهم بالزيت يعني شي عشر اصابع وانت كم عدد عيلتك او كم عدد ضيوفك حسب مابترغبي وبعدين نقشر البيتنجان ونقطعوا بالطول ويكون تقطيعوا رقيق جدا بقلي البيتنجان وبعدين بنلف كل شريحه بيتنجان باصبع كباب بنلفها حول الكبابي بحيث ماتبين الكباب الا من الاطراف طبعا لازم البيتنجان يكون طويل شوي عشان تكون اكثر من طويه او لفي وبعدين بنحطوا في صيني دائريه صغيره او طنجرة صغيرة بنحط صلصه الطماطم مع المي والملح والماجي بنخلطهم سوى وبنحطهم في الصينيه او الطنجرة بحيث تكون كالمرقه بنغليهم شوي على النار وبعدين بنحط الكباب الملفوف على الصينيه بحيث المرقه الباقيه ماتغمر اصابع الكباب بنغليهم كمان شوي على النار لحتى بس البيتنجان ياخد طعم من المرقه وبعدين بتحطيهم بالكاسي اللي بتعجبك وبتزيني ببورق البئدونس على وجه كل اصبع كباب ملفوف او على الاطراف بتكوني محمرة اللوز او الصنوبر وبتحطيه كمان على الوجه اهم شي لازم تكون المرقه او الصلصه قليلي او حسب الرغبي وفيكي تزيدي المرقه وتخليهم يغمروا البيتنجان واعملي رز ويكون رز ومرقه يعني فيكي تستعمليها اكتر من استعمال

الف صحه وعافيه يارب تعجبكم على فكرة كمان سهلي ومابتكلف وسريعه وكتير شكلها مميز للضيوف انا كل مااملها بالعزايم بسالوني عنها يعني شكل وطعم وسرعه

طريقة مميزة وحلوة
سلمت الايادي يا موزي..

عاشت اياديك

يسلمو