سكالوب الدجاج

**موزي** · 03-12-2005, 10:10 AM

السلام عليكم

كيف بدنا نعمل سكالوب الدجاج

المقادير :
1)نص كيلو صدور دجاج مسحب
2)لبن رائب
3)بهارات
4)ثوم
5)كعك مطحون (بقسم)
6)طحين ابيض
7)زيت للقلي

الطريقه:
ناخذ صدر الدجاج ونقطعوا بالعرض على شرحات كل قطعه شرحتين وهكذا بس نخلص بنجيب كاسي وبنخفف اللبن بقليل من الماء بنخلطهم مع الثوم بعد مانقشروا وندقوا وملح وبهارات (فلفل اسود+بهارات تندوري+بهارات سكالوب الدجاج) وحامض او خل ونخلطهم منيح مع شويه مي وبعدين ننقع فيهم الدجاج المقطع لمده 4 الى 5 ساعات وبعدين نجلب صحن كبير ونخلط فيه كاسه من الطحين الابيض مع كاسه من الكعك المطحون ونحركهم منيح وبعيدن نغطس فيهم الدجاج على الوجهين نقلبوا مرتين اوثلاث لكل وجهه ونرصوا جيدا وبنجيب مقلى وبنحط فيه زيت بنسخن الزيت وبعدين بنوطي النار ونبدا بالقلي على نار هادئه بس يصير لونه ذهبي نقلبه على الوجه الثاني كثير ظروري تكون النار هاديه عشان الدجاج يستوي وبنقلي كل القطع على نفس النهج

والف الف صحه وهتا يارب

وان شاء الله يعجبكم

**بهيجة بدوي** · 03-12-2005, 10:52 AM

مشككككككككككككرة أختي موزي على هذه الوصفة الجميلة
تسلم إيديك
وإن شاء الله سأجرب طريقة

الله معك

**ام لومي** · 03-12-2005, 01:32 PM

السلام عليكم ورحمة الله وبركاته
جعله الله في ميزان حسناتكم
عزيزتي
شو نوع البهارات

**موزي** · 04-12-2005, 09:58 AM

السلام عليكم
بهيجه وام لومي شكرا على زوئكم وعلى ردكم

اما ياختي ام لومي بالنسبه للبهارات فلفل اسود وتندوري وبهرات خاصه مو جوده عند العطار في اسمها بهارات سكالوب او احيانا انا لما يكون ماعندي بهارات سكالوب بستعمل فلفل احمر وتندوري وفلفل اسود فقط

وشكرا