طبق شرائح بشـــــــرااااائح ( الريش بالخضراوات )

**طيـــف** · 02-12-2005, 12:58 AM

السلام عليكم ورحمة الله وبركاته
اليوم رح ارحمكم من كتر حكيي والمقدمه لاني نعساااااااااااانه وتعباااااااااانه
بدي اضيف الطبق واناااااااااااااااااااام

شرائح بشرائح ( الريش والخضروات)

المقادير
2 بطاطا مقشره ومقطعه شرايح
2 كوسا مقطعه برضوو شرايح
2 باذنجان مقطع شرايح بس بقشروو

2 جزززررر مقطع شرائح
5 قطع شرائح من رررررررريش الغنم
ملح وبهارات مشكله وفلفل اسمر ومستكه
2 معلقه زيت
ثوم مقطع
2 بصصصصصصصصصصصصصصصل مقطع ناعم
2 بندوره مضروبه عصير
1 كاسه من شوربه اللحمه

الطريقه
بعد مايتم تقطع شرائح الخضروات وتكون سميكه شوي

وتملح شوي مش كتير .... نرتب الخضروات بشكل صفوف وعلى ذوقك في البايركس ... وخلي مساحه للحمه

حضري ريش اللحمه اضيفي عليها بهارات وفلفل اسمر
وسخني المقلاي بالزيت واقلي الريش بالزيت لحد مايحمرو مضبووووط وقلبيهم ع الجهتين ويحمروو بشكل شهي اضيفي قطع الريش في نصصصصف الصينيه

(للتطيب اضيفي سنين مستكه على الريش وانتي بتقليها)

نحضر الصلصله
وهي نضرب البندوره مع كاسه الشوربه والبصل والتوم والملح والبهارات والفلفل الاسمر بالخلاط لحد ماتحضر عنا الصلصله ...........

نصبها فوق الخضروات واللحمه ونغلف الصينيه مضبوط بالقصدير
وندخلها في الفرن لحتى تستوي لمده ساعه تقريبا

وبعدين تزين بالبقدونس وتفضلوها وهي ساخنه وشهيه

صحتين وعوافي

سهله ولا صعبه؟

**رجاوى الشوق** · 02-12-2005, 01:25 AM

اكله شهيه
يسلمو طيف
تحياتي

**الفلسطينبة** · 02-12-2005, 02:42 AM

يسلمو طيوف
والله اكله سهله
بس والله حيرتوني شو اطبخ الساعة صارت 11 الظهر ولسه مش عارفة شو اعمل كل الاكلات زاكية
حتى البيبي الي مو شايف الصور بلش يحوس ويلوص ومات من الجوع شكلو رح ييجي بطنو كبير زي امه

**shahdmylife** · 02-12-2005, 06:46 AM

صحيح انك ام الافكار يا طيف..

ابتعرفي عندي ريش غنم وبركة محتارة شو اطبخ لأني حكون الصبح برة البيت..خلاص يمكن اشتري بتنجان وانا رتجعة الضهر واطبخ هالاكلة الغير شكل.

**تطوان** · 02-12-2005, 08:05 AM

تصبحين على خير ونوم العوافي

مشكورة على الطبق السهل واللذيذ......

**ام مودي** · 02-12-2005, 10:18 AM

شو هالشرائح الي بنشرح القلب يا طيوف..فعلا شيء بيشهي ..تسلم الديات المعدلات الي ما بيجي منها الا كل شي غير شكل و لذيييذ..الله يعطيكي العافية يا قمرررررر