سؤال للفلسطينيات عن الكرشات

**الفلسطينبة** · 01-12-2005, 06:25 AM

حبيباتي ايش نوع الكرشات الي تطبخوها خروف ولا غنم ولا بقر وكم تحتاج من الوقت حتى تستوي علشان انا مرةجبتها مش عارفة شو نوعها بس كانت خميلة وانابغسل فيها حاولت ارقق منها طلعت رقيقة كثير يعني نص ساعة وكانت مستوية على الاخير وهل النوع الي بيكون كروهات زي خلية النحل احسن من السادة

ساعدوني علشان اطبخها وابعتلكم شوي مع الصور تراني حامل ونفسي فيهم مع الفوارغ(المصارين) واللسانات و الفتة يمييييييييييييييييييي

**وعود الخير** · 01-12-2005, 01:39 PM

يا قلبي نفسك في الكرش ومين سمعك بس لما باتعب وانا بانظفها واعملها
ما بكون لي نفس آكلها..

من عيوني
كرش الخروف واماعز اسهل في التنظيف واسرع في النضج
بس العجل بتاخذ وقت طويل
لو عندك طنجرة ضغط بدها شي ساعة
ولو على النار العادي خليها تغلي وحطي المطيبات واتركيها تغلي شي نص ساعة وبعدين خففي النار على الآخر وانسي موضوعها ساعتين ثلاث ..
وصدقي راح تكون كثير طيبة..

وام القروش اللي هي زي الكاروهات الكل بيتخانق عليها صح شكلها مغري بس بتحتاج نفس فترة النضج اللي بتحتاجة بقية الكرشة
والفوارغ ما بتاخذ وقت طويل ان كانت للماعز والخرفان..
يمييي شهيتيني اياها... من سنين ما اكلتها...
واذا بدك طريقة الحشو والتحضير من عيوني
بس تدللي..

**الفلسطينبة** · 02-12-2005, 01:15 AM

تسلمي يا كل الخير
الكرشات عنا امنظفة وزي الفل و ما الها ريحة ابدا بس بنطفها زي الدجاج للاحتياط

الاتراك و اليونانية بيحبوها كتير ومتواجدة في جميع محلات اللحم الحلال

وبالنسبة للحشوة امي الله يخليها ( والله مشتاقيتلها كثير الي سنتين و8 شهور ما شفتها

) كانت تعملها كالتالي
ارز مصري - حمص حب مسلوق- لحمة ناعمة مقلية مع بصل ناعم وبهارات- ملح - بهارات مشكلة - فلفل اسود - قرفة ناعمة - هيل مطحون وعلى ما اظن بقدونس مفروم

واذا كان عندك خلطة ثانية لا تبخلي علينا بعرفك كريمة واحنا بنستاهل

ووعد مني بس يطيبو كتافي من تعب لف الدوالي اعملكم الكرشات وانزلكم الصور مع كم كرشة على الريحة

انا اسمي الفلسطينية وبعثت رسالة للمشرفين وما حد رد علي

**ام مودي** · 02-12-2005, 10:38 AM

بصراحة انا ما عندي اي فكرة عن طريقة عملها..بتذكر مرة زوجي جابلي شوي..فتحت الكيس من هون...مش حقلكم شو صار..سكرته و رميته بصراححة ماااا قدرت اتحمل ريحته..لا و شوووووو..كنت حامل كمان..
معلش ما قدرت افيد بس حبيت ادردش

**رندوش** · 02-12-2005, 11:22 AM

انا كمان مثل ام مودي بحب ادردش
اهلي بيعملوه بيشتروه منظف ومقطع بس عليهم
يغسلوه ويخيطو الكروهات ويحشو مثل حشوتك الفلسطينيه

بس بياخد وقت كتير زي ما قالت وعود 3 ساعات بس شو ريحة البيت
ما بروح يومها من منظر اهلي وجوزي في اكلها مع فتة الخبز والثوم والليمون
بحسهم وحوش هههههههه صحتين على قلبكم جميعا

**وعود الخير** · 02-12-2005, 12:58 PM

رندوش يا بخيلة
بس تعملوهخ تذكرني بصحن ولو نحنا اصحاب
والا بدك اروح على سوق الزاوية واقول .. يا مين شاف اللي مرته صاحبتي...
بتعرفيني فضايح...

**الفلسطينبة** · 02-12-2005, 01:17 PM

هم صحيح بيغلبو بس في النهاية لما تشوفي هالقنابل محمرة يا سلام اشي بيشهي
وعود الخير اتفضلي على الغداء يوم الاثنين اذا الله راد رح اشتريهم يوم الاحد واجهزهم ويوم الاثنين طبيخ باذن الله
اي والله ريحتهم من هلا في مناخيري بس طبعا بعد ما يتحمرو

**رندوش** · 02-12-2005, 01:47 PM

فلسطينيه نسيت اقولك انهم بيقلوهم قبل السلق
وصحتين وعواف بس قوليلي امتى منزله الصور حتى ما آجي

وعود حرام عليك لالالالالالالالالالالا اللك اكبر كرشه خلاص ما يهمك
بس ينزل الشتا لان لازم تكون الدنيا برد والبرد نازل صح