آكلات آخر طعامة (( بعيد عن اللحوم و الفراخ و الأسماك)) نريح معدتنا شوية و نغير

**سما حياتى** · 28-11-2005, 02:08 PM

يا بنات مش كل يوم لحوم و أسماك و فراخ الواحد بيحب يغير و يأكل حاجات خفيفة حتى لو مرتين في الأسبوع علشان نريح معدتنا شوية و في نفس الوقت تغيير :

العجة المصري: على طريقة جدتي تجنن

المقادير : تكفي 3 أفراد

بصلة كبيرة مقطعة صغير - قليل من زيت الذرة - معلقة دقيق أبيض كبيرة - 4 بيضات - حزمة بقدونس طازة مقطع صغير - حبة طماطم كبيرة مبشورة بدون قشر - (نص ملعقة صغيرة من كلا من فلفل أسود - كمون - شطة ) .

الطريقة :

نحضر طبق (باوول) نضع فيه البيض و نربوه جيدا بشوكة .. و نضيف إليه الدقيق .. و الكمون و الفلفل و الكمون و الشطة و نمزجهم جيدا .

و في ناحية أخرى نحضر طاسة مسطحة و ليست غويطة بحجم متوسط نضع الزيت إلى أن يسخن .. ثم نحمر البصلة إلى بداية تغيير لونها .. و نضيف عليها الطماطماية المبشورة و نتركها إلى أن تتصلص .. و نضع البقدونس و نقلبه مع البصل و الطماطم و نطفئ النار و نصفي الخليط يظهر المقصوصة أو بمصفى سلك.. و نضيفه إلى الطبق المربوب فيه البيض و المقادير الأخرى و نمزجهم مع بعض .. و الزيت المصفى نضعه في الطاسة مرة أخرى على نار متوسطة إلى أن يسخن و نضيف المقادير الممزوجة .. و عندما ترتفع العجة نهدي النار و نغطيها و عندما يحمر الوجه الأول نقلبها على الوجه التاني .

بتأخذ شكل دائرة و نقدمها في سرفيس مدور و نقطعها لمثلثات و مزينة بالبقدونس المقطع .. و لازم نقدم معها بطاطس محمر و سلطة خضراء و يا سلام لو فيه جرجير طارة .

على فكرة ما تأخذ وقت و الا جهد و لذيذة جدا أنا بأموووووووت فيها و أحب أعمل سندوتشات منها عجة على بطاطس على سلطة في عيش أسمر بلدي يم يم يم و بأكل منها أكتر من الأكل التاني .

يااااااااااارب تعجبكم

**سما حياتى** · 28-11-2005, 02:16 PM

للأكلات بقية >>>>> بس قولولي أنتم بتحبوا مثل هذه الكلات >>>>>>>>> يعني أكمل و لا .

**nadader** · 28-11-2005, 02:29 PM

باين عليها لذيذة
بانتظار البقية

**اليلاس** · 28-11-2005, 04:07 PM

كملي حبيبتي باقي الوصفات
شوية تنويع وتغيير عن الروتين
عاشت ايديكي

**ام لومي** · 28-11-2005, 06:32 PM

السلام عليكم ورحمة الله وبركاته
جعله الله في ميزان حسناتكم

**مصراته** · 28-11-2005, 06:41 PM

تسلم ايدك ومستنين الباقى

**سما حياتى** · 29-11-2005, 12:50 PM

nadader اليلاس ام لومي مصراته شكرا حبيباتي

المسقعة (المصرية )

المقادير :

- ثلاث حبات باذنجان .
- ربع ك فلفل حار أو بارد حسب الرغبة .
نصف ك طماطم أو ما يعادله معجون طماطم .
- عشر فصوص ثوم مفرى .
- ثلاثة معلق خل أبيض .
- زيت للقلي .
- رشة ملح ـ رشة كمون ـ رشة فلفل أسود حسب الذوق .

طريقة التحضير :

1- نقوم بتقطيع الباذنجان إلى قطع دائرية ، ثم نتركه في ملح نصف ساعة .
2- ونقوم بعد ذلك بقلى الباذنجان والفلفل في الزيت .
3- نقوم بعمل صوص الطماطم .
4- نضع قليل من الزيت في القدر ثم نضيف الثوم ،وحتى يصير لونها ذهبي نضيف إليه الخل ونتركه يغلى .
5- إضافة الطماطم حتى تسبيكه ثم يضاف البهار .
6- يوضع الباذنجان والفلفل إلى الخليط ويضاف كوب ماء ونتركه على نار هادئة من 10 إلى 15 دقيقة.

ونحمر بطاطس أو أرز أبيض ..و يناسبها سلطة خضراء

و بالهنا عليكم

**وعود الخير** · 29-11-2005, 03:02 PM

ودي عايزة سؤال.. طبعا اكملي ما لديك ..
وطلعي المستخبي.. يا سما حياتي
اول مرة اعرف ان المسقعة تنعمل من غير لحمة..
سلمت الايادي
و لا تنسي اننا بانتظار المزيد ...

**omaser_66** · 29-11-2005, 03:43 PM

اسمحولي اشارك معكم لأول مرة
شكرا أختي سما حياتي على المسقعة وهي أكيد لذيذة
لكن أنا باعملها بطريقة تانية متهيألي حلوة برضه
وهي اني باحط بصل مبشور وبعد تشويحه في الزيت(يعني تقلبتين بالظبط) نضع
عصير الطماطم الى أن يتسبك نضع حفنة من الثوم المدقوق
يغلي قليلاً ثم يضاف الباذنجان والفلفل المحمرين والتوابل ويترك ليغلي
وقبل اطفاء النار بخمس دقائق نضع ملعقة كبيرة خل وبالهنا والشفا ياريت حد يجربها ويقوللي على النتيجة

**سما حياتى** · 29-11-2005, 04:14 PM

omaser_66 .. أشكرك على الأضافة أنا بأحبها بالثوم فقط و عليه الخل مباشرة بيعمل أنقلاب برائحته .. لكن هاجرب طريقتك .. التجارب مفيدة

وعود الخير .. أشكرك يا حبيبتي الواحد فعلا بيحتاج لتشجيع و هاكمل .. و على فكرة اصل المسقعة المصري بدون لحم مفروم .. الى بلحم هذي النيو لوك بتعها

.. و بأعملها صنية في الفرن ممكن أكتبها في موضوع آخر ررررررررراائعة