السلام عليكم يا صبايا
جيت أحكي حكايا

كنت جالسة و أحس بالملل
و دخل زوجي على عجل
وقال :...............
لقد عزمت هذه الليلة
خمسة و ثلاثين عيلة

قلت :

رح يكسرو ظهري
و يهدو حيلي

قال : لاتخافي أنا رح أساعدك
مش رح أتركك بالمطبخ لوحدك
و بكل ما أستطيع رح أساندك

بيني و بينكم أشعلت البيت غضب
كان من خوفي انه يصيبني التعب
و ما أطلع ببياض الوجي و زهقتو نكد

و إجا يوم الجمعة
و صار لازم اعمل الطبخة
شوفو شو طبخت والوصفة

كان أول طبق
صواني بطاطا بدجاج
كميه كبيرة
بطعمي كل الحجاج
بتقسمي البطاطا أربع أقسام
بسكينه حادة زي الحسام
و بتحطي ثوم بودة و بهارات
و البصل بتقطعيه جناحات
و لا تنسي الملح و الزنجبيل و زيت الزيتون
و بتحطي المقادير بصنية بالفرن أو بالغاز عند العيون
عملت ساعيتها يمكن تسع دجاجات
و البطاطا شوالين و البصل ثلاث شوالات


و طبخة ثانية كانت كوسكوس بطريقة مغريبة
ما هني أغلبهم مغاربة و جزائرية
شوفي كيف ,,,,,
حطينا 10 باوند لحمة بصينية
فيها بندورة و بهارات هندية
البطاطا و الجزر و القرع بشكل طولي
أنا عارفة أنه اللي عملته عمل بطولي

و بعدين ,,أخ نسيت كوسا والفليفلة
كل المقادير كانت مخلوطة بالصنية

و الرز كل طنجرةفيها من الرز سبع كاسات
أربع طناجر ..طنجرتينسادة والباقي فيها بهارات
و الماء لكل طنجزة 12 كاسة
و زيت خمس كفاكير أو بطاسة
بلاش ما أخليها طويلة عليكوا
و رح أكتب الطريقة إذا بتحبوا

طيب ظلت أخر و أصعب الخطوات
كيف بدنا نطبخ الكسكس يا حلوات

حطيت بطنجرتين للكسكس قماشة
و كل دفعة فيها احدى عشر كاسة

من كثرة الدفعات ماحفظتها
احسن ما تنقص بركتها
لكن كان عددها صواني كثيرة
أربعة صواني اكثير كبيرة
شوربه العدس بعملها بطريقه سرية
علشان ما تعرفوها و تاخذو فيها استاذية

و رحنا على المسجد و لاقيناه من الناس مليان
لو قدرتيهم بطلع عددهم أكثر من سكان عمان

و اكلوا و انبسطوا
و بأكلي صاروا يمدحوا


أنا خلصت القصة
و صار دور الحكمة



لما تتفاجئي وتكون عندك عزيمة كبيرة و مبهرة
لا تعملي زيي و تضيعي أجرك بالنق و الزعبرة

هههههههههههههههههههههههههه حتى الطبخ عملتيه شعر يا أم محمد؟
يا ترى هذه العيارات صحيحة والا عشان السجع؟ هههههههههههههههه
الله يقويكِ ويعطيكِ أجر تعبك

نحفة يا ام البنين
ويعطيك العافية
انا لو صار في الي صار فيك
ما رح لحق احكي كان وقعت من طولي

اكتبيلنا الكسكسي كيف اعملتيه
عندي كيس ومو عارفة شو بدي اعمل فيه

ايمان
لا كل شي مزبزط بالعيارات الا الكوسكوس
12 كاسة شاي صغيرة


بما انك رديتي حطيلي وسام تميز
يا لطيييييييييييييييييييف على الرياء

كتبت بواسطة Em zaid

نحفة يا ام البنين
ويعطيك العافية
انا لو صار في الي صار فيك
ما رح لحق احكي كان وقعت من طولي

اكتبيلنا الكسكسي كيف اعملتيه
عندي كيس ومو عارفة شو بدي اعمل فيه

الطريقة سهلة يا ام زيد اكثير طبعا الكوسكوس جاهز وفركته بزيت زيتون و بللته اكثير و بشريطة حطيته على المصفاي الخاصة بالكوسكوس و غطيته

اذا بتحبي بحكية ابيات شعر
بس مش هلق لانه بشر زهق و طلعت روحه من قعدة امه على الكمبيوتر

الله يقويكى ويعطيكى الف الف الف الف عافيه واجرك حاصل

يا عيني ياعيني ام البنين سوت طبخات

و لا احلى يابنات

صفقولها و شجعوها يا حلوات

وينكم يا عضوات بدنا ردودكم على الطبخات ولالشعارات

و بدناالتمييز يا احلى مشرفات

بس اعملي حسابك يا ست الستات

العزومة الجاية اكيد حتكون الناس اكثر من العائلات الحاضرات

راح نكون احن كلنا عضوات و مشرفات

قدام باب بيتك بكرة مش بعده يا الله بق بدنا نفس الطبخات

و على فكرة انا اكتشفت اننا بس 78200من المشاركات

فايه رايك يا اغلى الصديقات

وعليكم السلام.. يا أم البنين
ما شاء الله ضيوفك ناموا شبعانين
وصدقيتى فعلا قد ما كانوا الناس الله بيعين..

أختك مرة عزملها حارة..
بطلت أجمع .. وضليت ليلة طويلة
وأنا متضايقة و محتارة..

طئيت ونئيت
ولا كلمة عتاب من شرى خليت..


لحد ما قلت
شو هادا يا بنت..


إهدى ولا تنُئى
أحسن من القهر تطُئى


وقمت عملت متل اللى عملتيه..
وزيادة ست صوانى معجنات عليه...

أما الكوسا..والفليفلة أخ
ما سويت..

لكن شئ سبعة كيلو كفتة
إِشتريت


عملت منها صوانى مشوية
شئ ببندورة وشئ بطحينية..


وأكلوا وإتهنوا
ولزوجى و إلى كل خير إتمنوا..

ومن يومها لليوم
بطلت أنق فى عزيمة ولا أطق
علشان يضل لى فى الأجر حق..

كنت بدي احكي وين داركم علشان اجي اساعد بحب شغلات العزايم والولايم بس اكون مخبره قبلها بيوم
بس اكيد ما عملتي حلو لانه انتي السكر اللي دايب في العسل بيكفي لسانك اللي بينقط عسل
بس سؤال غلس حابه اسالك من زمان ومستحيه ههههه انتي من وين يا حلوه

الله لا يضيع أجرك..

ويعطيك الصحه والقوة...