وهاي السماقية يا ام امل
وصحتين وعافية

السُماقية بضم السين هي أكلة غزية لذيذة و هي من مميزات العيدين في غزة

المقادير:
اك لحمة
2 كيلو سلق
كيلو ونصف سماق حب
مقدار كوب شاي حمص
مقدار كوب شاي طحينة حمراء
مقدار كوب ماء طحين أبيض
فلف أخضر حار+جرادة (بذور الشبت)+ ثوم+ ملح (حسب الرغبة)

الطريقة:
- ينقع الحمص لمدة ثمان ساعات ثم يسلق ويترك جانبا.
- يفرم راس بصل واحد ويرفع على النار وتضاف اللحمة المقطعة راس عصفور وتترك حتى تنضج بمائها.
- يضاف البصل المفروم ويحرك حتى يذبل
- يضاف السلق المفروم ويحرك أيضا حتى يختلط باللحمة والبصل ويذبل
- يضاف الحمص المسلوق أيضا وتترك المقادير على نار خفيفة حتى تختلط جيدا.
- يتم دق الثوم مع الجرادة والفلفل الحار والملح ثم يضاف إلى الطنجرة ويقلب.
- يوضع السماق مع ملعقة ملح في طنجرة ويغمر بالماء بزيادة 2سم تقريبا
- يترك ليغلي لمدة خمس دقائق.
- يسكب في مصفاة ثم يمرث جيدا للحصول على الحمض الموجود فيه واللون. او يمكن ضربه الخلاط وتصفيته جيدا مع المرث
- يضاف اليه الطحين دفعة واحدة ويحرك جيدا حتى يذوب الطحين. ايضا يمكن المزج في الخلاط للسهولة
- يضاف المزيج إلى الطنجرة التي توجد بها بقية المقادير ويحرك باستمرار حتى يتكثف
- عند الوصول للكثافة المطلوبة يتم انزاله عن النار ويحرك جيدا ثم تضاف الطحينة الحمراء مع التحريك
- يسكب في صحون التقديم

وصحتين وعافية

صحتين وعافيه على قلبك وعود والله نفس الطريقه سألت عليها وكتبتها وقلت
اكتبها لاختي ام امل بس دائما انتي سباقه ياوعود الله ما يحرمنا منك
ام امل قوليلي يوم تعمليها لاني عازمه حالي انا وعود وجبل النور وكاتيوشا و سوسو شو رأيكم

ج : علشان ما يصير عليه واوا ويتسمم ههههههههه كيفني معك بجاوب بسرعه
وسلملي هالديات يا اختي على احلى سماقيه انا بسمع بتنعمل مع كبه هيك شي مره شفتها بالتلفزيون مش عارفه بالزبط

سلمت الايادي اختي وعود الخير

يعطيج العافيه

اهلين رندوش .. انا وانت واحد يا بنت البلد.. بس وينها جبل النور وفي طريقنا ناخذ دعاء معنا..

هنلي.. بصراحة اول مرة باسمع كبة مع سماقية.. بانتظار الفتوى من بنات غزة

السفيرة .. يا سفيرة الخير.. مرورك شرفني واسعدني وان شاء الله تعجبك.. ويعافي قلبك يا رب.

ولو يا وعود ما انتي من اهل البلد ما أعطناكي هويهههههههههههههه
ما عمري سمعت سماقيه بالكبه هيه ناقصه كبه

وينها الهوية.. اشوفها
انا لو عندي هوية بتلاقيني هون يا بنت الناس.. زمان طيران..

على قولك ناقصها كبة... هنول عليها شغلات.. عَجَب

يسلموا ايديكي يا وعود .. بس شو الطحينه الحمرا .. اول مره بسمع فيها

رندوش... انا يا اختي ما بحب السماقية لهيك مش راح اكون معكم في العزومة
بس لو في سلق وعدس .. بتلاقيني لابسه وجاهزة من الصبح..

رنا سند اسمحي لي اجيبك ، الطحينية الحمرا هي الطحينية المصنوعة من السمسم الكامل وهي مفيدة ومغذية وبتشعري بطعم السمسم فيها..
صح رندوش.........

تسلم ايديكي يا وعود عالسماقية شكلها طيبة كتير انا اول مرة بسمع فيها...بس ان شاءالله بنجربها ..ليش لا..بما انها من ايديكي اكيد لذيييذة..
الله يعطيكي العافية